ଜୁନାଗଡ଼,୨୩।୮(ଅଂଶୁମାନ ଯୋଶୀ)-ରାଜ୍ୟ ସଭାପତି ଦାୟିତ୍ୱ ନେବା ପରେ ମନମୋହନ ସାମଲଙ୍କ ପ୍ରଥମ କଳାହାଣ୍ଡି ଗସ୍ତ ଆସନ୍ତା ୨୬ରେ କଳାହାଣ୍ଡି ଗସ୍ତରେ ଆସିବେ। ତେବେ ୨୭ ତାରିଖ ତାଙ୍କର ଜୁନାଗଡ଼ ଗସ୍ତ ରହିଥିବାବେଳେ ଏହାକୁ ନେଇ ସ୍ଥାନୀୟ ଭାଜପା କାର୍ଯ୍ୟକର୍ତ୍ତାଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ଏ ନେଇ ଜୁନାଗଡ଼ ଦଳୀୟ କାର୍ଯ୍ୟାଳୟରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l
ନଗର ସଭାପତି ବିକ୍ରାନ୍ତ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ବିଧାୟକ ପ୍ରାର୍ଥୀ ମନୋଜ କୁମାର ମେହେର, ବରିଷ୍ଟ ଉପ ସଭାପତି ଅଜୟ ପାଣିଗ୍ରାହୀ, ରାଜ୍ୟ ପରିଷଦ ସଦସ୍ୟ କାଳିନ୍ଦୀ ପାଣିଗ୍ରାହୀ, ଜିଲା ସମ୍ପାଦକ ସତ୍ୟନାରାୟଣ ବେହେରା, ଜିଲା ସମ୍ପାଦକ ହିମାଂଶୁ ଶେଖର ବରା, ପୂର୍ବତନ ନଗରପାଳ ସୁଧାଂଶୁ ଶେଖର ବରା, ନିର୍ବାଚନ ମଣ୍ଡଳୀ ସମସ୍ତ ମଣ୍ଡଳ ସଭାପତି ଅଂଶୁମାନ ଯୋଶୀ, ରୋଶନ ନାଏକ, ଷଷ୍ଠି ବେହେରା, ଚନ୍ଦ୍ର ହାସ୍ୟ ବିଶ୍ୱାଳ, ବୈଶାକୁ କେତକୀ, ପ୍ରମୋଦ କୁମାର ପ୍ରଧାନ, ଜୟକୃଷ୍ଣ ସାହୁ ପ୍ରମୁଖ ନିଜ ନିଜ ମତ ରଖି ରାଜ୍ୟ ସଭାପତିଙ୍କ ଗସ୍ତକୁ ସଫଳ କରିବା ପାଇଁ ମତ ରଖିଥିଲେ l
ସୂଚନାଯୋଗ୍ୟ,ଆସନ୍ତା ୨୭ ତାରିଖ ପୂର୍ବାହ୍ନ ୯ଟାରେ ସଭାପତି ବନମାଳୀ ପୁର ଛକ ଠାରେ ପହଞ୍ଚିବେ। ସେଠାରୁ ଟାଉନ ହଲ ପ୍ରର୍ଯ୍ୟନ୍ତ ଏକ ବିଶାଳ ମୋଟର ସାଇକେଲ ଶୋଭାଯାତ୍ରାରେ ମାଧ୍ୟମରେ ତାଙ୍କୁ ସ୍ବାଗତ କରାଯିବ। ଟାଉନ ହଲସ୍ଠାରେ ଯୋଗଦେଇ କର୍ମୀଙ୍କୁ ସମ୍ଭୋଧିତ କରିବେ l ପରେ ମା’ ଲଙ୍କେଶ୍ୱରୀଙ୍କ ଦର୍ଶନ ସହ ପ୍ରଭୁ ଶ୍ରୀ ଗଣେଶଙ୍କ ଦର୍ଶନ କରିବେ l
