Posted inଜାତୀୟ

ପଞ୍ଜାବ କଂଗ୍ରେସରେ ଘଡ଼ିକେ ଘୋଡ଼ା

ଚଣ୍ଡିଗଡ଼/ନୂଆଦିଲ୍ଲୀ,୨୯।୯: କ୍ରିକେଟରରୁ ରାଜନେତା ସାଜିଥିବା ନବଜୋତ୍‌ ସିଂ ସିଦ୍ଧୁ କଂଗ୍ରେସ ସଭାପତି ପଦରୁ ଇସ୍ତଫା ଦେବା ପରେ ପଞ୍ଜାବ ରାଜନୀତିରେ ଅନିଶ୍ଚିତତା ଦେଖାଦେଇଛି। ଏହି ଗୁରୁତ୍ୱପୂର୍ଣ୍ଣ ଘଟଣାକ୍ରମ ସମ୍ପର୍କରେ ପ୍ରଶ୍ନ କରାଯିବାରୁ ମୁଖ୍ୟମନ୍ତ୍ରୀ ଚରଣଜିତ୍‌ ସିଂ ଚନ୍ନି ସିଦ୍ଧୁଙ୍କ ଇସ୍ତଫା ସମ୍ପର୍କରେ କିଛି ଜାଣି ନ ଥିବା କହିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ କ୍ୟାପ୍‌ଟେନ ଅମରିନ୍ଦର ସିଂ ଦିଲ୍ଲୀରେ ପହଞ୍ଚତ୍ବା ପରେ ସେ ଭାଜପାରେ ଯୋଗଦେବା ନେଇ ଚର୍ଚ୍ଚା ଜୋର୍‌ ଧରିଛି।

ପଞ୍ଜାବ କଂଗ୍ରେସରେ ଘଡ଼ିକେ ଘୋଡ଼ା ଛୁଟୁଛି। ନବ ନିଯୁକ୍ତ ମୁଖ୍ୟମନ୍ତ୍ରୀ ଚରଣଜିତ୍‌ ସିଂ ଚନ୍ନିଙ୍କ କ୍ୟାବିନେଟ ସଦସ୍ୟମାନଙ୍କୁ ବିଭାଗ ବଣ୍ଟନର କିଛି ସମୟ ପରେ ପଞ୍ଜାବ ପ୍ରଦେଶ କଂଗ୍ରେସ କମିଟି (ପିପିସିସି) ସଭାପତି ପଦରୁ ନଭଜୋତ୍‌ ସିଂ ସିଦ୍ଧୁ ଇସ୍ତଫା ଦେଇଛନ୍ତି। ସେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ନିକଟକୁ ନିଜ ଇସ୍ତଫାପତ୍ର ପଠାଇଦେଇଛନ୍ତି, ଯାହାକି ଗ୍ରହଣ ହୋଇଛି। ଏହି ଘଟଣାକ୍ରମ ସହ ରାଜ୍ୟରେ ବିଧାନସଭା ନିର୍ବାଚନ ପୂର୍ବରୁ ପଞ୍ଜାବ କଂଗ୍ରେସରେ ନୂଆ ସଙ୍କଟ ଦେଖାଦେଇଛି।
କ୍ରିକେଟରରୁ ରାଜନେତା ସାଜିଥିବା ନଭଜୋତ୍‌ ସିଂ ସିଦ୍ଧୁ ପଞ୍ଜାବ କଂଗ୍ରେସ ସଭାପତି ପଦ କାହିଁକି ଛାଡ଼ିଲେ ସେନେଇ ସ୍ପଷ୍ଟ ଭାବେ ଉଲ୍ଲେଖ କରିନାହାନ୍ତି। ନିଜ ଇସ୍ତଫାପତ୍ରରେ ସିଦ୍ଧୁ ଲେଖିଛନ୍ତି, ମଣିଷ ସାଲିସ କରିବାରେ ଲାଗିଲେ ଚାରିତ୍ରିକ ସ୍ଖଳନ ଆରମ୍ଭ ହୋଇଥାଏ। ପଞ୍ଜାବର ଭବିଷ୍ୟତ, କାର୍ଯ୍ୟସୂଚୀ
ଓ ମଙ୍ଗଳକୁ ନେଇ ସେ ସାଲିସ କରିପାରିବେ ନାହିଁ।
ସେ ପିସିସି ମୁଖ୍ୟ ପଦରୁ ଇସ୍ତଫା ଦେଉଛନ୍ତି, କିନ୍ତୁ କଂଗ୍ରେସରେ ରହିବେ ବୋଲି ସିଦ୍ଧୁ ଟୁଇଟ୍‌ କରିଛନ୍ତି। ସୂତ୍ରରୁ ଜଣାପଡ଼ିଛି ଯେ, ଉପମୁଖ୍ୟମନ୍ତ୍ରୀ ସୁଖଜିନ୍ଦର ସିଂ ରନ୍ଧାଓ୍ବାଙ୍କୁ ଗୃହ ବିଭାଗ ମିଳିଥିବାରୁ ସିଦ୍ଧୁ ଅସନ୍ତୁଷ୍ଟ ଥିଲେ। ଏହି ବିଭାଗ ପାରମ୍ପରିକ ଭାବେ ମୁଖ୍ୟମନ୍ତ୍ରୀଙ୍କ ନିକଟରେ ରହିଥାଏ ବୋଲି ସିଦ୍ଧୁ ଯୁକ୍ତି କରିଛନ୍ତି। ଏହା ପୂର୍ବରୁ ଏହି ମୁଖ୍ୟମନ୍ତ୍ରୀ ପଦ ଲାଗି ରନ୍ଧାଓ୍ବାଙ୍କ ନାମ ପ୍ରସ୍ତାବ ଦିଆଯାଇଥିବାବେଳେ ପଞ୍ଜାବ କଂଗ୍ରେସ ପ୍ରଭାରୀ ହରିଶ ରାଓ୍ବତ୍‌ଙ୍କ ସହ ବୈଠକ କରୁଥିବା ହୋଟେଲରୁ ସିଦ୍ଧୁ ଚାଲିଯାଇଥିଲେ। ସେ ପିପିସିସି ସଭାପତି ପଦରୁ ଇସ୍ତଫା ଦେବା ପାଇଁ ଦିଲ୍ଲୀ ଅଭିମୁଖେ ଅଗ୍ରସର ହୋଇଥିଲେ। ଫଳରେ କଂଗ୍ରେସକୁ ସାଲିସ କରିବାକୁ ପଡ଼ିଥିଲା। ଚନ୍ନିଙ୍କୁ ମୁଖ୍ୟମନ୍ତ୍ରୀ କରାଯିବ ବୋଲି ଦଳ ସ୍ପଷ୍ଟ କରିବା ପରେ ସିଦ୍ଧୁ ବାଟରୁ ଫେରିଥିଲେ। ସେହିପରି ଚନ୍ନିଙ୍କ କ୍ୟାବିନେଟ୍‌ରେ ରାଣା ଗୁର୍‌ଜିତ୍‌ ସିଙ୍କୁ ସାମିଲ କରାଯିବା ନେଇ ମଧ୍ୟ ସିଦ୍ଧୁ ଅସନ୍ତୁଷ୍ଟ ଥିଲେ। ରବିବାର ନୂଆ କ୍ୟାବିନେଟ ସଦସ୍ୟମାନେ ଶପଥ ନେଉଥିବାବେଳେ ସିଦ୍ଧୁ କାହାକୁ କିଛି ନ କହି ସେଠାରୁ ଚାଲିଯାଇଥିଲେ। ସେବେଠୁ ସେ ନିଜ ପଟିଆଲା ବାସଭବନରେ ଥିଲେ। ସିଦ୍ଧୁଙ୍କୁ ବୁଝାଇବା ପାଇଁ କଂଗ୍ରେସ ତାଙ୍କ ସହଯୋଗୀ ପର୍ଗତ ସିଂଙ୍କୁ ପଠାଇଥିଲା। ସୋମବାର ଦିନସାରା ତାଙ୍କୁ ବୁଝାଶୁଝା ଚାଲିଥିବାବେଳେ ମଙ୍ଗଳବାର ବିଭାଗ ବଣ୍ଟନ କରାଯିବା ପରେ ସେ ଇସ୍ତଫା ଦେଇଛନ୍ତି। ଏହା ପରେ ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ କଂଗ୍ରେସ ଉଦ୍ଦେଶ୍ୟରେ ଟୁଇଟ୍‌ କରିଛନ୍ତି, ସିଦ୍ଧୁ ଏପରି କରିବେ ବୋଲି ତୁମକୁ ପୂର୍ବରୁ କହିଥିଲି। ସିଦ୍ଧୁ ଜଣେ ସ୍ଥିର ମଣିଷ ନୁହନ୍ତି। ସେ ସୀମାନ୍ତ ରାଜ୍ୟ ପଞ୍ଜାବର ନେତୃତ୍ୱ ପାଇଁ ଉପଯୁକ୍ତ ନୁହନ୍ତି।


Enter your email to get our daily news in your inbox.

All Right Reserved By Dharitri.Com

ହିଟଓ୍ବେଭ ଅପଡେଟ ପଢିଲା ବେଳେ ବେହୋସ ହେଲେ ଆଙ୍କର

ନୂଆଦିଲ୍ଲୀ,୨୧।୪: ଭାରତର କିଛି ଅଂଶ ଏବେ ହିଟଓ୍ବେଭ ଦେଇ ଗତିକରୁଛି। କେତେକ ରାଜ୍ୟରେ ବର୍ତ୍ତମାନ ସର୍ବାଧିକ ତାପମାତ୍ରା ୪୦ ଡିଗ୍ରୀ ସେଲସିୟସରୁ ୪୬ ଡିଗ୍ରୀ ସେଲସିୟସ...

ବେଆଇନ ଅଙ୍ଗ ପ୍ରତିରୋପଣ ହେଲେ ରଦ୍ଦ ହେବ ହସ୍ପିଟାଲର ଲାଇସେନ୍ସ

ନୂଆଦିଲ୍ଲୀ,୨୧।୪: ଦେଶରେ ଚାଲିଥିବା ବେଆଇନ ଅଙ୍ଗ ପ୍ରତିରୋପଣ ମାମଲା ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ନିର୍ଦ୍ଦେଶ ଦେଇଛି। ଏଥିସହ ସ୍ବାସ୍ଥ୍ୟ...

ନିର୍ବାଚନ ପୂର୍ବରୁ ଫସିଗଲେ ଶଶି ଥରୁର

ଥରୁଭାନନ୍ତପୁରମ,୨୧।୪: କେନ୍ଦ୍ର ମନ୍ତ୍ରୀ ତଥା ପ୍ରତିଦ୍ୱନ୍ଦ୍ୱୀ ପ୍ରାର୍ଥୀ ରାଜୀବ ଚନ୍ଦ୍ରଶେଖରଙ୍କ ବିରୋଧରେ ପ୍ରଚାର ଅଭିଯୋଗରେ ଥିରୁଭାନନ୍ତପୁରମ ଲୋକ ସଭା ଆସନରୁ ଆସିଥିବା ବରିଷ୍ଠ କଂଗ୍ରେସ ନେତା...

ଇଣ୍ଡିଆ ମେଣ୍ଟ ରାଲିରେ ମାଡପିଟ, ଭିଡିଲେ ଆରଜେଡି-କଂଗ୍ରେସ କର୍ମୀ

ରାଞ୍ଚି,୨୧।୪: ଝାଡ଼ଖଣ୍ଡର ରାଜଧାନୀ ରାଞ୍ଚିରୁ ଏକ ବଡ ଖବର ଆସୁଛି, ଯେଉଁଠାରେ ଇଣ୍ଡିଆ ଆଲାଇନ୍ସର ରାଲିରେ ତୀବ୍ର ସଂଘର୍ଷ ହୋଇଥିଲା। ସୂଚନାଯୋଗ୍ୟ, ରାଞ୍ଚିର ପ୍ରଭାତ ତାରା...

ଜେଲରେ ବନ୍ଦ ଥିବା ଅରବିନ୍ଦ କେଜରିଓ୍ବାଲ, ହେମନ୍ତ ସୋରେନଙ୍କ ପାଇଁ ଷ୍ଟେଜରେ ଖାଲି ରହିଲା ଚୌକି

ରାଞ୍ଚି,୨୧।୪: ରାଞ୍ଚିରେ ଚାଲିଥିବା ‘ଇଣ୍ଡିଆ’ ମିଳିତ ସମାବେଶରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଏବଂ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ପାଇଁ ଦୁଇଟି ଚେୟାର...

ଅଭିଷେକଙ୍କ ସହ ନିଜକୁ ହତ୍ୟା ଉଦ୍ୟମ କରାଯାଉଥିବ ଆଶଙ୍କା କଲେ ମମତା

କୋଳକାତା,୨୧।୪: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ ଅଭିଷେକ ଏବଂ ମୋତେ ହତ୍ୟା କରାଯାଇପାରେ। ୨୦ ମିନିଟର ଭାଷଣ ପରେ ମମତା ବାନାର୍ଜୀ ଏକ...

ବରଯାତ୍ରୀ ନେଇ ଯାଉଥିବା କାର୍‌ର ଫାଟିଲା ଟାୟାର: ଚାଲିଗଲା ୫ ଜୀବନ, ୩ ଗୁରୁତର

ଲକ୍ଷ୍ନୌ,୨୧।୪: ଉତ୍ତରପ୍ରଦେଶର ଆଗ୍ରାସ୍ଥିତ କୁବେରପୁର କଟ ନିକଟରେ ଏକ୍ସପ୍ରେସୱେ ଉପରେ ଏକ ଦ୍ରୁତ ଗତିରେ ଆସୁଥିବା କାରର ଟାୟାର ଫାଟିଛି। ଏହି ଦୁର୍ଘଟଣାରେ ବରଙ୍କ ଭାଇଙ୍କ...

ମୋଦିଙ୍କୁ ପ୍ରଶଂସା କରି ରାହୁଲଙ୍କୁ ଜୁମଲା ବୋଲି କହିଲେ ରେସଲର ଦ ଗ୍ରେଟ ଖଲି

ନୂଆଦିଲ୍ଲୀ,୨୧।୪: ଡବ୍ଲ୍ୟୁଡବ୍ଲ୍ୟୁଇ ଷ୍ଟେଜରେ ବିଶ୍ୱର ବିଭିନ୍ନ ସ୍ଥାନରୁ ଆସିଥିବା କୁସ୍ତି ଯୋଦ୍ଧାମାନଙ୍କୁ ପରାସ୍ତ କରିଥିବା ଦି ଗ୍ରେଟ ଖଲି ଓରଫଦିଲୀପ ସିଂ ରାଣା ମଧ୍ୟ ଭାଜପା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri