ଗଞ୍ଜାମ,୨୪।୧୦(ଡିଏନ୍.ଏ.): ଗଞ୍ଜାମ ସହରସ୍ଥିତ ପୁରୁଣା ଜାତୀୟ ରାଜପଥ ବଡବଜାରସ୍ଥିତ ଏକ ଜଳଖିଆ ଦୋକାନ ପାର୍ଶ୍ୱରେ ଏକ କାର ଉପରକୁ ବାସି ତୋରାଣି ଫିଙ୍ଗିବା ଚର୍ଚ୍ଚାର ବିଷୟ ପାଲଟିଛି। ଏ ନେଇ ଗାଡି ମାଲିକ ଗଞ୍ଜାମ ଥାନାରେ ଲିଖିତ ଅଭିଯୋଗ କରିଛନ୍ତି।
ମିଳିଥିବା ସୂଚନା ଅନୁଯାୟୀ, (ଓଡି୦୭ଏ-୯୯୯୫)ନଂ ବିଶିଷ୍ଟ ଏକ କାର ବ୍ରହ୍ମପୁରରୁ ଖଲ୍ଲିକୋଟ ଏକ ନିର୍ବନ୍ଧ କାର୍ଯ୍ୟକ୍ରମରେ ଯାଉଥିବା ବେଳେ ଗଞ୍ଜାମ ବଡ଼ବଜାରରେ ଅଟକିଥିଲେ। ଏହି ସମୟରେ ଗଞ୍ଜାମ ସ୍ବାସ୍ଥ୍ୟକେନ୍ଦ୍ର ନିର୍ମାଣରଧୀନ ଘର ଆଗରେ କିଏ ଗାଡି ରଖିଛି କହି କିଛି ଲୋକେ ତୋରାଣି ଫିଙ୍ଗିଥିବା ନେଇ ଥାନାରେ ଶ୍ରୀତମ କଲ୍ୟାଣ ପାଠି ଲିଖିତ ଅଭିଯୋଗ କରିଛନ୍ତି। ଏ ସମ୍ପର୍କରେ ଥାନା ଆଇଆଇସି ଶୁଭେନ୍ଦୁ କୁମାର ସାହୁ କହିଛନ୍ତି, ଉଭୟଙ୍କୁ ଥାନାକୁ ଡକାଯାଇଛି ସେ ଏପରି କାର୍ଯ୍ୟ କାହିଁକି କଲେ ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ।
