କଲମ୍ବୋ,୧୮ା୫: ପେଟ୍ରୋଲ ବୋଝେଇ ଜାହାଜ ପ୍ରାୟ ଦୁଇମାସ ଧରି ଶ୍ରୀଲଙ୍କାର ସାମୁଦ୍ରିକ ଜୋନ୍ରେ ପାର୍କିଂ ହୋଇଛି। କିନ୍ତୁ ଏହାର ଦେୟ ଦେବା ପାଇଁ ଶ୍ରୀଲଙ୍କା ନିକଟରେ ବିଦେଶୀ ମୁଦ୍ରା ନାହିଁ। ତେବେ ଦେଶରେ ଡିଜେଲର ପର୍ଯ୍ୟାପ୍ତ ପରିମାଣର ଷ୍ଟକ୍ ଥିବା ସରକାର କହିଛନ୍ତି।
ଏକ ରିପୋର୍ଟ ଅନୁଯାୟୀ, ଶକ୍ତି ମନ୍ତ୍ରୀ କଞ୍ଚନା ଓ୍ବିଜେସେକେରା ସଂସଦକୁ ବୁଧବାର କହିଛନ୍ତି, ପେଟ୍ରୋଲ ଭର୍ତ୍ତି ଥିବା ଏକ ଜାହାଜ ଶ୍ରୀଲଙ୍କା ସମୁଦ୍ରରେ ମାର୍ଚ୍ଚ ୨୮ରୁ ଲଙ୍ଗର ପକାଇ ରହିଛି। କିନ୍ତୁ ଶ୍ରୀଲଙ୍କାରେ ତାଙ୍କୁ ଦେୟ ପାଇଁ ଡଲାର ଉପଲବ୍ଧ ନାହିଁ।
ଏଥିସହ, ଜାନୁୟାରୀ ୨୦୨୨ରେ ଶେଷ ଜାହାଜପାଇଁ ୫୩ ମିଲିୟନ ଡଲାର୍ ମଧ୍ୟ ଧାର୍ଯ୍ୟ କରାଯାଇଛି। ମନ୍ତ୍ରୀ କହିଛନ୍ତି, ଉଭୟ ଦେୟ ସମାଧାନ ନ ହେବା ପର୍ଯ୍ୟନ୍ତ ଶିପିଂ କମ୍ପାନୀ ଜାହାଜ ଛାଡ଼ିବାକୁ ମନା କରି ଦେଇଛି। ସେ କହିଛନ୍ତି, ସେଥିପାଇଁ ଆମେ ଲୋକଙ୍କୁ ଇନ୍ଧନ ପାଇଁ ଲାଇନ୍ରେ ଅପେକ୍ଷା ନ କରିବାକୁ ଅନୁରୋଧ କରିଛୁ। ଡିଜେଲରେ କୌଣସି ଅସୁବିଧା ନାହିଁ। ଆମର ପେଟ୍ରୋଲର ସୀମିତ ଷ୍ଟକ୍ ଅଛି ଏବଂ ଅତ୍ୟାବଶ୍ୟକ ସେବା, ବିଶେଷକରି ଆମ୍ବୁଲାନ୍ସ ପାଇଁ ଏହାକୁ ବଣ୍ଟନ କରିବାକୁ ଚେଷ୍ଟା କରୁଛୁ ।
