ମୁମ୍ବାଇ: ବଲିଉଡ୍ ଅଭିନେତା ଅନିଲ କପୁର ମଙ୍ଗଳବାର ତାଙ୍କର ୬୮ତମ ଜନ୍ମଦିନ ପାଳନ କରିଛନ୍ତି। ଦୀର୍ଘ ୫ ଦଶନ୍ଧି ଧରି ବଲିଉଡ୍କୁ ଅନେକ ହିଟ୍ ଚଳଚ୍ଚିତ୍ର ଦେଇଥିବା ଅନିଲ ଜନ୍ମଦିନ ଅବସରରେ ଏକ ସାକ୍ଷାତ୍କାର ଦେଇ ଯୁବାବସ୍ତାରେ କରିଥିବା ସଂଘର୍ଷ ବିଷୟରେ ବଖାଣିଛନ୍ତି। ଏପରି ଏକ ସମୟ ଥିଲା, ଯେତେବେଳେ ତାଙ୍କୁ ଏକ ଗ୍ୟାରେଜ ରୁମ୍ରେ ସମୟ ଅତିବାହିତ କରିବାକୁ ପଡ଼ୁଥିଲ ବୋଲି ଅନିଲ କହିଛନ୍ତି। ଅନିଲ କହିଛନ୍ତି, ଯେତେବେଳେ ସେ ୧୭/୧୮ ବର୍ଷର ହୋଇଥିଲେ ସେତେବେଳେ ତାଙ୍କ ବାପାଙ୍କ ହୃଦ୍ରୋଗ ସମସ୍ୟା ଦେଖା ଦେଇଥିଲା। ତେଣୁ ସେ ଆଉ କାର୍ଯ୍ୟ କରିପାରି ନ ଥିଲେ। ପରିବାରର ପ୍ରତିପୋଷଣ ପାଇଁ ତାଙ୍କୁ କିଶୋର ଅବସ୍ଥାରୁ ହିଁ କାମ କରିବାକୁ ପଡ଼ିଥିଲା। ଫିଲ୍ମ ଇଣ୍ଚଷ୍ଟ୍ରି ସହ ତାଙ୍କର କିଛି ଅନୁଭବ ନ ଥିବାରୁ ତାଙ୍କୁ ପ୍ରଥମେ ସ୍ପଟ୍ ବୟ ଭାବେ କାମ ମିଳିଥିଲା। ସେ ଶୁଟିଂ ସେଟ୍ରେ ଅଭିନେତା ଓ ଅଭିନେତ୍ରୀମାନଙ୍କୁ ଜଳଖିଆ ଓ ଚା’ ପରସୁଥିଲେ। ସେହିପରି ସେମାନଙ୍କୁ ବିମାନବନ୍ଦରରୁ ସ୍ବାଗତ କରି ଶୁଟିଂ ଲୋକେଶନକୁ ନବା ଆଣିବା ଦାୟିତ୍ୱ ମଧ୍ୟ ତାଙ୍କର ଥିଲା। ତେବେ ସେତେବେଳେ ସେ ଏସବୁ କାର୍ଯ୍ୟକୁ ଛୋଟ ମନେ କରୁ ନ ଥିଲେ ବୋଲି ଅନିଲ କହିଛନ୍ତି।
