ନ୍ୟୁୟର୍କ,୧୦ ।୮: ଭାରତର ମହା ବାଣିଜ୍ୟ ଦୂତାବାସ ନ୍ୟୁୟର୍କରେ ଇଣ୍ଡୋ-ଆମେରିକାନ ଆର୍ଟ କାଉନସିଲ ସହ ‘ଆଜାଦିକା ଅମୃତ ମହୋତ୍ସବ’କୁ ନେଇ ଏକ ମହୋତ୍ସବ ଆୟୋଜନ କରାଯାଇଛି । ତେବେ ଭାରତର ୭୫ ତମ ସ୍ୱାଧିନତା ଦିବସ ପୂର୍ତ୍ତି ଅବସରରେ ଏଠାରେ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହେବ ।
କାର୍ଯ୍ୟକ୍ରମରେ ସିତାର ବାଦକ ଉସ୍ତାଦ ଅମଜଦ ଅଲି ଖାଁ ସମସ୍ତଙ୍କ ଦୃଷ୍ଟି ଆକର୍ଷଣ କରିବେ । ଏହି ଅବସରରେ ଫଟୋଗ୍ରାଫି, ନୃତ୍ୟ, ସଙ୍ଗିତ ଓ ଭାରତର ଶାସ୍ତ୍ରୀୟ ସଂସ୍କୃତିର ଝଲକ ପ୍ରଦର୍ଶିତ କରାଯିବ ।
ଏହି କାର୍ଯ୍ୟକ୍ରମରେ ଆମେରିକୀୟ ତଥା ପ୍ରବାସୀ ଭାରତୀୟଙ୍କୁ ‘ଏକ ଉଜ୍ଜ୍ୱଳ ଲୋକତନ୍ତ୍ର ଭାବେ ଭାରତର ପ୍ରଗତି’ର ଝଲକ ଦେଖାଯିବ । ଦୁଇ ସପ୍ତାହ ପର୍ଯ୍ୟନ୍ତ ଚାଲିବାକୁ ଥିବା ଏହି କାର୍ଯ୍ୟକ୍ରମରେ ନ୍ୟୁୟର୍କ ସହରର ଐତିହାସିକ ଦୃଷ୍ଟିରୁ ମହତ୍ୱପୂର୍ଣ୍ଣ କିଛି ସାଂସ୍କୃତିକ ସ୍ଥଳରେ, ୧୫ ଅଗଷ୍ଟରେ କାର୍ଯ୍ୟକ୍ରମର ଆୟୋଜନ କରାଯାଇଛି ।
