ଏସିଆ ମହାଦେଶର ପୂର୍ବ ଭାଗରେ ରହିଛି ସାଉଥି କୋରିଆ। ଏହା ପୃଥିବୀର ଏକ ପ୍ରମୁଖ ପର୍ଯ୍ୟଟନ ସ୍ଥଳୀ ଭାବେ ପରିଗଣିତ। ତେବେ ଜାଣିବା ଏହି ଦେଶ ସମ୍ପର୍କରେ କିଛି ରୋଚକ ତଥ୍ୟ…
ପୃଥିବୀର ସବୁଠୁ କମ୍ ସଂଖ୍ୟକ ମେଦବହୁଳ ବ୍ୟକ୍ତି ଏଠାରେ ରହନ୍ତି।
ଏହି ଦେଶରେ ଶିଶୁ ଜନ୍ମ ହେବା ମାତ୍ରେ ଏକ ବର୍ଷ ବୟସ ବୋଲି ଗଣାଯାଏ। ତେଣୁ ଆବଶ୍ୟକ ସ୍ଥଳେ ଏଠାକାର ବାସିନ୍ଦାଙ୍କୁ ଦୁଇଟି ତାରିଖ କହିବାକୁ ହୋଇଥାଏ। ଆଶ୍ଚର୍ଯ୍ୟ କଥା ହେଉଛି, ଏଠାରେ ନବ ବର୍ଷରୁ ହିଁ ମଣିଷର ବୟସ ଗଣନା କରାଯାଏ।
ଏହି ଦେଶରେ ସମୁଦାୟ ୨୫୦ଟି ସଂଜ୍ଞା ବ୍ୟବହାର ହେଉଥିବା ମଧ୍ୟ ପ୍ରାୟ ଅଧାରୁ ଊର୍ଦ୍ଧ୍ୱ ଲୋକେ କିମ୍, ପାର୍କ ଏବଂ ଲି ତିନୋଟି ସଂଜ୍ଞାକୁ ବ୍ୟବହାର କରିଥା’ନ୍ତି।
ଯଦିଓ ଏହି ଦେଶର ଅର୍ଦ୍ଧାଂଶ ଜଙ୍ଗଲ ପରିବେଷ୍ଟିତ, ତଥାପି ଏହା ପୃଥିବୀର ଏକ ଉନ୍ନତ ସହରଥିବା ଦେଶ।
ଏଠାରେ ସମସ୍ତଙ୍କ ଘରେ ବ୍ରଡ୍ବ୍ୟାଣ୍ଡ ସଂଯୋଗ ରହିଛି। ପୃଥିବୀର ସବୁଠୁ ଦ୍ରୁତ ଇଣ୍ଟରନେଟ୍ ସ୍ପିଡ୍ ଏଠାରେ ରହିଛି। ଅର୍ଥାତ୍ ଏଠାରେ ମାତ୍ର ଏକ ସେକେଣ୍ଡରେ ୩୩.୫ ମେଗାବାଇଟ୍ ଡାଟା ଡାଉନ୍ଲୋଡ୍ କରାଯାଇପାରୁଥିବା ବେଳେ ୧୭ ମେଗାବାଇଟ୍ ଡାଟା ଅପ୍ଲୋଡ୍ ହୋଇପାରେ।
ଏଠାରେ ଉଭୟ ନାରୀ ଏବଂ ପୁରୁଷ ଏକା ପ୍ରକାର କସ୍ମେଟିକ୍ ପ୍ରଡକ୍ଟ ବ୍ୟବହାର କରନ୍ତି। ଏଠାକାର ପ୍ରସ୍ତୁତ ସ୍କିନ୍ କେୟାର୍ ପ୍ରଡକ୍ଟ ପୃଥିବୀର ସବୁଠୁ ଶୀଘ୍ର ବିକ୍ରି ହୋଇଥାଏ।
ଦକ୍ଷିଣ କୋରିଆ ରାଜଧାନୀ ସିଓଲ୍ଠାରେ ସର୍ବାଧିକ ପ୍ଲାଷ୍ଟିକ୍ ସର୍ଜରି କରାଯାଉଥିବାରୁ ଏହାକୁ ପୃଥିବୀର କସ୍ମେଟିକ୍ ରାଜଧାନୀ ବୋଲି ବିଚାର କରାଯାଏ।
ଏଠାରେ ଥିବା ଇଞ୍ଚେଅନ୍ ଏୟାରପୋର୍ଟ, ଯାହାକି ପୃଥିବୀର ଅନ୍ୟ ବୃହତ୍ତମ ଏୟାରପୋର୍ଟଗୁଡ଼ିକ ମଧ୍ୟରେ ଅନ୍ୟତମ। ଏଥିରେ ରହିଛି ଓ୍ବାଲର୍ଡକ୍ଲାସ୍ ପାସେଞ୍ଜର ଟର୍ମିନାଲ, ଶପିଂ କମ୍ପ୍ଲେକ୍ସ, ଫୁଡ୍ ହବ୍ ଇଦ୍ୟାଦି ଅନେକ ସୁବିଧା।
ବିଭିନ୍ନ ପ୍ରକାର କମ୍ପ୍ୟୁଟର ଗେମ୍ ପ୍ରସ୍ତୁତ କରିବାରେ ଏହା ପୃଥିବୀର ସବୁଠୁ ଆଗୁଆ ଦେଶ।
ଏଠାକାର ଲୋକେ ଖୁବ୍ ଅନ୍ଧବିଶ୍ୱାସୀ। ସେଠାରେ ସଂଖ୍ୟା ୪କୁ ଅଶୁଭ ମନାଯାଉଥିବା ବେଳେ ଲାଲରଙ୍ଗରେ କାହାର ନାମ ଲେଖିଲେ ମୃତ୍ୟୁ ହୋଇଯାଏ ବୋଲି ଅନ୍ଧବିଶ୍ୱାସ ରହିଛି।
ମଦ ପିଇବାରେ ଏହା ପୃଥିବୀର ଅଗ୍ରଣୀ ୨୦ ଦେଶ ମଧ୍ୟରେ ସାମିଲ ଅଛି। ଆଶ୍ଚର୍ଯ୍ୟ ଲାଗୁଥିଲେ ବି ସତ ଯେ, ଏଠାରେ ଅଫିସ୍ରେ କାର୍ଯ୍ୟକାଳ ସମାପ୍ତ ହେବା ପରେ ବସ୍ ଏବଂ ସହକର୍ମୀଙ୍କ ସହ ଏକାଠି ମଦ ପିଇବା ବାଧ୍ୟତାମୂଳକ।
