ଚର୍ଚ୍ଚାରେ ସୌମ୍ୟବ୍ରତଙ୍କ ପେନ୍‌ସିଲ୍‌ ଆର୍ଟ

ଢେଙ୍କାନାଳ ଅଫିସ, ୧୪।୧୦ – କେଉଁଠି ରାମାୟଣର ଚରିତ୍ର ତ ଆଉ କେଉଁଠି ଦେବଦେବୀଙ୍କ ପ୍ରତିକୃତି। ବଲିଉଡ୍‌ଠାରୁ ଆରମ୍ଭ କରି ଟଲିଉଡ୍‌। ମେଗାଷ୍ଟାର ଅମିତାଭ ବଚ୍ଚନଙ୍କଠୁ ଆରମ୍ଭ କରି ତେଲୁଗୁ ଇଣ୍ଡଷ୍ଟ୍ରିର ଅଭିନେତାଙ୍କ ପର୍ଯ୍ୟନ୍ତ ସମସ୍ତଙ୍କ ଅବିକଳ ଚିତ୍ର, ତାହା ବି କେବଳ ପେନ୍‌ସିଲରେ। ଏପରି ଅଭିନବ କଳାକୃତି ଆଙ୍କି ଚର୍ଚ୍ଚାର ପରିସରକୁ ଆସିଛନ୍ତି ଢେଙ୍କାନାଳ ପୌରାଞ୍ଚଳ ଅଧୀନ ଭାଗୀରଥି ବିହାର ଅଞ୍ଚଳର ୧୯ ବର୍ଷୀୟ ସୌମ୍ୟବ୍ରତ ପତି। କରୋନାକାଳରେ ଜୀବନଜୀବିକାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିବାବେଳେ ଏହି ସମୟର ସଦୁପଯୋଗ କରିଛନ୍ତି ସେ। ଆର୍ଟ ପେପର ଉପରେ ତାଙ୍କ ହାତ ତିଆରି ପେନ୍‌ସିଲ ଆର୍ଟ କଥା କହୁଥିବାବେଳେ ଏହି ପ୍ରତିଭା ତାଙ୍କ ଉଜ୍ଜ୍ୱଳ ଭବିଷ୍ୟତ ଆଡ଼କୁ ଗୋଟିଏ ପାଦ ବୋଲି ଅନେକେ ମତ ଦେଇଛନ୍ତି।
ସୌମ୍ୟବ୍ରତ ସ୍ଥାନୀୟ ସାନ୍ଧ୍ୟ ମହାବିଦ୍ୟାଳୟର ଯୁକ୍ତ ୩ ଶେଷବର୍ଷର ଛାତ୍ର। ବାପା ଲିଙ୍ଗରାଜ ପତିଙ୍କ ପୂଜକ ଭାବେ ଅଞ୍ଚଳରେ ପରିଚୟ ଥିବାବେଳେ ଏହି କାମରେ ସହଯୋଗ କରୁଥିଲେ ସୌମ୍ୟବ୍ରତ। ହେଲେ ଚିତ୍ରକଳା ତାଙ୍କର ଏପରି ନିଶା ପାଲଟିଯିବ ବୋଲି ସେ କେବେ ଚିନ୍ତା କରି ନ ଥିଲେ। କରୋନା ସଂକ୍ରମଣ ବଢ଼ିବା ପରେ ଧନଜୀବନକୁ ସୁରକ୍ଷା ଦେବାକୁ ସରକାର ମାର୍ଚ୍ଚରେ ଲକ୍‌ଡାଉନ ଘୋଷଣା କରିଥିଲେ। ଏହି ସମୟକୁ ସେ ଠିକଣା ଉପଯୋଗ କରିପାରିଛନ୍ତି। ଅବସର ସମୟରେ ଘରେ ବସି ଟିଭିରୁ ବିଭିନ୍ନ ଚରିତ୍ରଙ୍କୁ ଦେଖି ଚିତ୍ର ଆଙ୍କୁ ଆଙ୍କୁ ଏଥିରେ ପାରଙ୍ଗମ ହୋଇଯାଇଛନ୍ତି। ମାତ୍ର ୫ ମିନିଟ୍‌ରେ ମହାତ୍ମା ଗାନ୍ଧୀ, ଅମିତାଭ ବଚନ, ରାମାୟଣରେ ରାମ ଭୂମିକାଧାରୀ ଅରୁଣ ଗୋଭିଲ, ସୀତା ଭୂମିକାରେ ଅଭିନୟ କରିଥିବା ଦୀପିକା ଚିଖାଲିଆଙ୍କ ଅବିକଳ ଚିତ୍ର ଆଙ୍କି ପାରୁଛନ୍ତି। ଏଥିସହିତ ବାପାଙ୍କ ସହିତ ବିଭିନ୍ନ ପୂଜାକୁ ଯାଇ ଦେବଦେବୀଙ୍କ ସୁନ୍ଦର ମୁରୁଜ ଝୋଟି ପକାଉଛନ୍ତି। ଗତ ୧୧ ତାରିଖରେ ବିଗ୍‌ ବିଙ୍କ ଜନ୍ମଦିନରେ ସେ ତାଙ୍କର ଚିତ୍ର ଆଙ୍କିଥିବା କହିଛନ୍ତି।
ନିଜ ଅନୁଭୂତି ସମ୍ପର୍କରେ ସୌମ୍ୟବ୍ରତ କୁହନ୍ତି, ପ୍ରଥମେ ଚିତ୍ର ଭଲ ହେଉ ନ ଥିଲା। ଲକଡାଉନ୍‌ ସମୟରେ ଏକାଗ୍ରତାରେ ଚିତ୍ର ଆଙ୍କିବା ଅଭ୍ୟାସ ଜାରି ରଖିଥିଲି। ଏହାକୁ ସାଙ୍ଗସାଥୀ ପସନ୍ଦ କରିଥିଲେ। ଏହା ନିଶାରେ ପରିଣତ ହୋଇଗଲା। ଏବେ ସମସ୍ତଙ୍କ ଚିତ୍ର ଆଙ୍କିପାରୁଛି, କିନ୍ତୁ ବାପାଙ୍କ ଚିତ୍ର ଆଙ୍କିବାବେଳକୁ ସାମନ୍ୟ ଭୁଲ ହୋଇଯାଉଥିବା ସେ କଥାଛଳରେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କଟକଣାରେ ସ୍ବାଧୀନତା ଦିବସ

ଢେଙ୍କାନାଳ ଅଫିସ୍‌, ୩୦।୭ ଢେଙ୍କାନାଳ ଜିଲା କାର୍ଯ୍ୟାଳୟରେ ସଦ୍‌ଭାବନା ଗୃହରେ ୭୬ତମ ସ୍ବାଧୀନତା ଦିବସ ପାଳନ ଉପଲକ୍ଷେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ଅତିରିକ୍ତ...

ଆଶାକର୍ମୀଙ୍କୁ ମାଡ଼ ମାମଲା, ଅଭିଯୁକ୍ତଙ୍କ ପତ୍ତାପାଉନି ପୋଲିସ

ପିପିଲି,୨୬ା୮(ସ୍ବ.ପ୍ର.): ପିପିଲି ଥାନା ଦୁର୍ଗାଦାସପୁର ଗ୍ରାମର ଜଣେ କରୋନା ସଂକ୍ରମିତଙ୍କୁ ଆଣିବାକୁ ଯାଇ ଆଶାକର୍ମୀ ଶୈଳବାଳା ସ୍ବାଇଁ ଆକ୍ରମଣର ଶିକାର ହୋଇଛନ୍ତି। ଏ ନେଇ ଆଶାକର୍ମୀ...

ଜୟଦେବ ଜେନା ଭାଜପାରେ ମିଶିବାକୁ ନେଇ ଚର୍ଚ୍ଚା

ହାଟଡ଼ିହୀ, ୨୫।୫(ଡି.ଏନ୍‌.ଏ.): କେନ୍ଦୁଝର ଜିଲା ଆନନ୍ଦପୁର ନିର୍ବାଚନମଣ୍ଡଳୀର ପୂର୍ବତନ କଂଗ୍ରେସ ବିଧାୟକ ତଥା ପିସିସି ସଭାପତି ଜୟଦେବ ଜେନା ଭାଜପାରେ ମିଶିବେ ବୋଲି ଚର୍ଚ୍ଚା ହେଉଛି।...

ବିଧାନସଭାରେ ଉଠିଲା ବେସରକାରୀ କଲେଜ ଅଧ୍ୟାପକଙ୍କୁ ସପ୍ତମ ବେତନ କମିଶନ ଦରମା ପ୍ରସଙ୍ଗ

ଭୁବନେଶ୍ୱର,୧୮।୨(ବ୍ୟୁରୋ): ସରକାରୀ କଲେଜ ଅଧ୍ୟାପକଙ୍କୁ ସପ୍ତମ ବେତନ କମିଶନ ଆଧାରରେ ଦରମା ମିଳୁଛି। ବେସରକାରୀ ଅନୁଦାନପ୍ରାପ୍ତ ଅଧ୍ୟାପକଙ୍କୁ ଏ ପର୍ଯ୍ୟନ୍ତ ସପ୍ତମ ବେତନ କମିଶନ ଦରମା...

ଚାଉଳ ନେବା ପାଇଁ ଖରାରେ ଛିଡା ହେଉଛନ୍ତି ହିତାଧିକାରୀ: ଘରେ ପହଞ୍ଚାଇବାକୁ ପ୍ରଶାସନ ନିକଟରେ ଦାବି

ଗଞ୍ଜାମ, ୧୧।୪(ଡି.ଏନ୍‌.ଏ.): କରୋନା ଭୂତାଣୁ ଦେଶରେ କାୟା ବିସ୍ତାର କରିବାରେ ଲାଗିଛି। ଏଥିରୁ ରକ୍ଷା ପାଇଁ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ପଦକ୍ଷେପମାନ ଗ୍ରହଣ...

ଟଳିଲା ବନ୍ୟା, ୫୦ ହଜାର ଲୋକ ଜଳବନ୍ଦୀ

ଭୋଗରାଇ,୨୦।୯(ଡି.ଏନ.ଏ.)-ସୁବର୍ଣ୍ଣରେଖା ଉପରମୁଣ୍ଡରେ ଘନ ଘନ ଲଘୁଚାପ ଜନିତ ବର୍ଷା ଯୋଗୁ ନିମ୍ନ ଅବବାହିକାରେ ବନ୍ୟା ଦେଖାଦେଇଛି। ସୁବର୍ଣ୍ଣରେଖା ଜଳସ୍ତର ସତର୍କ ସୂଚନା ୯.୪୫ମିଟର ତଳେ ପ୍ରବାହିତ...

ବିଧାୟକଙ୍କ ବିରୋଧରେ ଏମ୍‌ପି କରୁଛନ୍ତି ଷଡ଼ଯନ୍ତ୍ର

ପାଲଲହଡା,୧୯ା୩(ଡି.ଏନ.ଏ.) ଅନୁଗୋଳ ଜିଲା ପାଲଲହଡ଼ା ବିଧାୟକ ମୁକେଶ କୁମାର ପାଲଙ୍କ ବିରୋଧରେ ଢେଙ୍କାନାଳ ଏମ୍‌ପି ମହେଶ ସାହୁ ଷଡ଼ଯନ୍ତ୍ର କରୁଥିବା ପାଲଲହଡ଼ା ବ୍ଲକ ବିଜେଡି ସଭାପତି...

ଛୁଟିରେ ଅଧିକାରୀ ହେଡକ୍ୱାର୍ଟର ନ ଛାଡ଼ିବାକୁ ନିର୍ଦ୍ଦେଶ

ଛତ୍ରପୁର,୮ା୩(ଡି.ଏନ୍‌.ଏ.)- ରବିବାରଠାରୁ ମଙ୍ଗଳବାର ପର୍ଯ୍ୟନ୍ତ ସରକାରୀ ଛୁଟି। ଗଞ୍ଜାମ ଜିଲାର ସମସ୍ତ ସରକାରୀ କାର୍ଯ୍ୟାଳୟର ଅଧିକାରୀମାନେ ଏହି ଛୁଟି ଦିନରେ ହେଡକ୍ୱାର୍ଟର ନ ଛାଡିବାକୁ ଜିଲାପାଳ...

Advertisement
Archives

Model This Week