ମୁମ୍ବାଇ: ସାଉଥ୍ ସିନେମାରୁ ବଲିଉଡ୍ ପର୍ଯ୍ୟନ୍ତ ଯାତ୍ରା କରିଥିବା ସୋନୁ ସୁଦଙ୍କ ପାଇଁ ଜୁଲାଇ ୩୦ ହେଉଛି ଏକ ସ୍ମରଣୀୟ ଦିନ । ଆଜି ସେ ପାଳନ କରୁଛନ୍ତି ତାଙ୍କର ୪୮ ତମ ଜନ୍ମଦିନ । ଅଭିନେତା ଭାବେ ତାଙ୍କର ଯେତିକି ପରିଚୟ ରହିଛି ତା’ଠାରୁ ଏବେ ଅଧିକ ପରିଚିତ ଗରିବଙ୍କ ଦେବଦୂତ ଭାବେ । ଉଦାର ହୃଦୟର ଏହି ବ୍ୟକ୍ତି ଜଣକ ଏବେ ଘରେ ଘରେ ବେଶ୍ ପରିଚିତ । ତେବେ ଜନ୍ମ ଦିନରେ ସୋନୁ କାହିଁକି ବାସନ ମାଜୁଛନ୍ତି ତାହା ଜାଣିବାକୁ ସମସ୍ତଙ୍କ ମନରେ ଉତ୍କଣ୍ଠା ଆସିଛି । ଅସଲ କଥା ହେଲା ସୋନୁ ଓ ଫରହା ଖାଁ ଉକ୍ତ ଭିଡିଓରେ ନଜର ଆସୁଥିବା ବେଳେ ଏହି ମଜାଦାର ଭିଡିଓରେ ଫରହା ସୋନୁଙ୍କୁ କହୁଛନ୍ତି ଜନ୍ମ ଦିନରେ ବାସନ ମାଜ । ଫରହା ଏହି ଭିଡିଓଟି ଶେୟାର କରିବା ସହ ଲେଖିଛନ୍ତି ତୁମେ ମୋର ଜଣେ ଭଲ ବନ୍ଧୁ । ଜନ୍ମଦିନରେ ବାସନ ମାଜ । ହାପି ବାର୍ଥ ଡେ ସୋନୁ । ତୁମ ସହ ଶୁଟ୍ କରି ଭଲ ଲାଗିଲା । ତୁବେ ଆହୁରି ଉପରକୁ ଯାଅ, ଲଭ ୟୁ । ପୁଣି ଫରହା କହିଛନ୍ତି ଦେଖ ସୋନୁ ତୁମ ଜନ୍ମଦିନରେ ମୁଁ ତୁମ ପାଇଁ କେତେସବୁ ରୋଷେଇ କରିଛି । ଅନ୍ୟପଟେ ସୋନୁ କହୁଛନ୍ତି ଏତେସବୁ ଆଇଟମ କରନି ବାସନ କିଏ ଧୋଇବ । ଯାହା ହେଉ ଏହି ମଜାଦାର ଭିଡିଓ ମାଧ୍ୟମରେ ଫରହା ଖାଁ ବନ୍ଧୁ ସୋନୁ ସୁଦଙ୍କୁ ଜନ୍ମଦିନର ଶୁଭେଚ୍ଛା ଜଣାଇଥିଲେ ବି ଦର୍ଶକେ ଏହାକୁ ଦେଖି ଖୁବ୍ ମଜା ନେଇଛନ୍ତି । ସୂଚନାଯୋଗ୍ୟ, ଫରହା ଓ ସୋନୁ ଫିଲ୍ମ ‘ହାପି ନ୍ୟୁ ଇୟର’ରେ ଏକାଠି କାମ ଥିବାବେଳେ ନିକଟରେ ଏମାନେ ଆଉ ଏକ ମ୍ୟୁଜିକ ଭିଡିଓରେ ବି କାମ କରିଛନ୍ତି ।
