କରୋନା ସମୟରେ ସାଧାରଣ ଲୋକଙ୍କ ପାଇଁ ଦେବଦୂତ ପାଲଟିଛନ୍ତି ଅଭିନେତା ସୋନୁ ସୁଦ୍। ଲକ୍ଡାଉନ୍ ସମୟରେ ସୋନୁ ହଜାର ହଜାର ଶ୍ରମିକଙ୍କ ସହାୟତାର ହାତ ବଢାଇଛନ୍ତି। ନିକଟରେ ସେ ଆନ୍ଧ୍ର ପ୍ରଦେଶର ଏକ ଗରିବ କୃଷକ ପରିବାରକୁ ଟ୍ରାକ୍ଟର ପଠାଇଛନ୍ତି।
ଆନ୍ଧ୍ରପ୍ରଦେଶର ଚିତୁର ଗାଁରେ ରହୁଥିବା କୃଷକ ନାଗେଶ୍ୱର ରାଓଙ୍କ ହଳ କିଣିବାକୁ ଟଙ୍କା ନ ଥିବାରୁ ସେ ଦୁଇ ଝିଅଙ୍କ ଦ୍ୱାରା ଜମି ହଳ କରୁଥିଲେ। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ସୋନୁ ସହାୟତା ପାଇଁ ଆଗେଇ ଆସିଥିଲେ। ସେ ଏକ ଟ୍ରାକ୍ଟର କିଣି ନାଗେଶ୍ୱରଙ୍କ ଘରକୁ ପଠାଇଥିଲେ। ଏହା ଦେଖି ଆଶ୍ଚର୍ଯ୍ୟ ହେବା ସହ ସୋନୁଙ୍କୁ ପ୍ରଶଂସାରେ ପୋତି ପକାଇଛନ୍ତି ନାଗେଶ୍ୱର। ଯଦିଓ ସେ ରିଲ୍ ଲାଇଫ୍ରେ ଭିଲିଆନ୍ କିନ୍ତୁ ରିୟଲ୍ ଲାଇଫ୍ରେ ସେ ଆମ ପାଇଁ ହିରୋ। ମୋ ପରିବାର ତାଙ୍କ ପାଖରେ ଚିର ଋଣୀ ରହିବେ ବୋଲି ନାଗେଶ୍ୱର କହିଛନ୍ତି। ଏହାସହ ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡୁ ସୋନୁଙ୍କ କାର୍ଯ୍ୟକୁ ପ୍ରଶଂସା କରିବା ସହ ନାଗେଶ୍ୱରଙ୍କ ଦୁଇ ଝିଅଙ୍କ ପଠାଖର୍ଚ୍ଚ ବହନ କରିବେ ବୋଲି ଟୁଇଟ୍ ଯୋଗେ ସୂଚନା ଦେଇଛନ୍ତି। ସୂଚନାଯୋଗ୍ୟ, ସୋନୁ ଗତ କିଛି ଦିନ ହେବ ଶ୍ରମିକ, ଛାତ୍ରୀଛାତ୍ର, କୃଷକଙ୍କ ସହାୟତା ପାଇଁ ଆଗେଇ ଆସିଛନ୍ତି। ଯଥାସମ୍ଭବ ସହାୟତା କରି ସେମାନଙ୍କୁ ଘରକୁ ପଠାଉଛନ୍ତି।
This family doesn’t deserve a pair of ox 🐂..
They deserve a Tractor.
So sending you one.
By evening a tractor will be ploughing your fields 🙏
Stay blessed ❣️🇮🇳 @Karan_Gilhotra #sonalikatractors https://t.co/oWAbJIB1jD— sonu sood (@SonuSood) July 26, 2020
