କୋକସରା, ୩୦।୧୧ (ଡି.ଏନ.ଏ.) କଳାହାଣ୍ଡି ଜିଲା କୋକସରା ବ୍ଲକ ବରାଡଙ୍ଗା ପଞ୍ଚାୟତ ଅଧୀନ ଆଦିବାସୀ ବହୁଳ ଗାଁ ହେଉଛି ଗାଇବନ୍ଧା । ଏଠାରେ ୩୦ରୁ ଊଦ୍ଧ୍ୱର୍ର୍ ସାନ୍ତା ପରିବାରର ପାଖାପାଖି ୧ ଶହ ୫୦ରୁ ଊଦ୍ଧ୍ୱର୍ର୍ ଲୋକେ ବାସ କରନ୍ତି । ଗାଁରେ ଆଜି ବି ସରକାରଙ୍କ ଅନେକ ଯୋଜନା ପହଞ୍ଚତ୍ ପାରିନାହିଁ । ଗ୍ରାମବାସୀଙ୍କ ପାଇଁ ସବୁଦିନିଆ ଭଲ ରାସ୍ତା ନ ଥିବା ବେଳେ କି ଖାରା କି ବର୍ଷା, ବର୍ଷ ତମାମ୍ ଯାତାୟାତରେ ଲୋକେ ବହୁ ଅସୁବିଧାର ସମ୍ମୁଖିନ ହେଉଛନ୍ତି । ରାସ୍ତା ସମସ୍ୟା ନେଇ ଗ୍ରାମବାସୀ ସ୍ଥାନୀୟ ପ୍ରଶାସନ ଓ ନେତାମାନଙ୍କୁ ବହୁବାର ଜଣାଇଥିଲେ ବି କୌଣସି ସୁଫଳ ମିଳି ନାହିଁ । ବର୍ଷ ତମାମ ଗାଁ ଲୋକେ ନିଜ ଉଦ୍ୟମରେ ଅଳ୍ପ ଅଳ୍ପ କିଛି ରାସ୍ତା ତିଆରି କରି ରାସ୍ତା ଅବସ୍ଥା ସୁଧାରିବାକୁ ଚେଷ୍ଟା ଜାରି ରଖିଥିବା କହିଛନ୍ତି । ରାସ୍ତା ଭଲ ନ ଥିବା ଯୋଗୁ ରୋଗୀଙ୍କୁ ଖଟିଆରେ ମୁଖ୍ୟରାସ୍ତା ପର୍ଯ୍ୟନ୍ତ ବୋହି ନେଲେ ଆମ୍ବୁଲାନ୍ସ ମିଳିଥାଏ ବୋଲି ପ୍ରକାଶ କରିଛନ୍ତି। ବିଶୁଦ୍ଧ ପାନୀୟ ଜଳ ନିମନ୍ତେ ଗାଁରେ ଲାଗିଥିବା ସୋଲାର ପାଣି ଟାଙ୍କି ୨ ବର୍ଷ ହେବ ଅଚଳ ହୋଇପଡିଛି । ଫଳରେ ଲୋକେ ପାନୀୟ ଜଳ ପାଇଁ ଅନେକ ଅସୁବିଧା ସମ୍ମୁଖିନ ହେଉଥିବା ବେଳେ ସ୍କୁଲରେ ଥିବା ନଳକୂପରେ ନିର୍ଭର କରୁଛନ୍ତି । ଗ୍ରାମର ଭିବିଷଣ ମାଝି, ବଳିଆ ମାଝି, ଚୈତନ୍ୟ ମାଝି, କାମେଶ୍ୱର ମାଝି, ବୈଷ୍ଣବ ମାଝି, ସତ୍ୟ ମାଝୀି, ଟଙ୍କଧର ମାଝି, ମାଲକି ମାଝି, ଗଗରୀ ମାଝି, କେତନ ମାଝି, ମନୋଜ ମାଝି, ସୁକଦେବ ମାଝି ପ୍ରମୁଖ ଗ୍ରାମବାସୀ ଏହାର ସାମାଧାନ ପାଇଁ ଦାବି କରିିଛନ୍ତି । ଏ ନେଇ କୋକସରା ବିଡିଓ ମନୀଷା ଦାସଙ୍କୁ ପଚାରିବାରୁ ଏମ୍ଜିଏନ୍ଆରଇଜିଏସ୍ରେ ସାମିଲ କରାଯାଇ ରାସ୍ତା ତିଆରି କରାଯିବ ଓ ଅଚଳ ସୋଲାର ପାଣି ଟାଙ୍କି ଅଳ୍ପ ଦିନ ମଧ୍ୟରେ ମରାମତି କରାଯିବ ବୋଲି କହିଛନ୍ତି ।
