ଜୁନ୍ ୧୦ରେ ଜ୍ୟେଷ୍ଠମାସ ଅମାବାସ୍ୟ ତିଥିରେ ବୃଷ ରାଶିରେ ରାଶିରେ ଅନୁଷ୍ଠିତ ହେବ। ଭାରତୀୟ ସମୟ ଅପରାହ୍ନ ୧ଟା ୪୨ ମିନିଟ୍ରୁ ସନ୍ଧ୍ୟା ୬ଟା ୪୧ ମିନିଟ୍ ପର୍ଯ୍ୟନ୍ତ ହେଉଥିବା ଏହି ସୂର୍ଯ୍ୟପରାଗ ଉତ୍ତର ଆମେରିକା, ୟୁରୋପ ଏବଂ ଏସିଆର କେତେକ ଅଞ୍ଚଳରେ ଆଶିଂକ ଭାବେ ଦୃଷ୍ଟିଗୋଚର ହେବ। ଅପରପକ୍ଷରେ ଉତ୍ତର କାନାଡ଼ା, ଗ୍ରୀନ୍ଲାଣ୍ଡ୍ ଓ ରୁଷିଆରେ ସମ୍ପୂର୍ଣ୍ଣ ସୂର୍ଯ୍ୟପରାଗ ଅନୁଷ୍ଠିତ ହେବ। ଭାରତର ଅରୁଣାଚଳ ପ୍ରଦେଶରେ ଏହି ସୂର୍ଯ୍ୟପରାଗ ଦେଖାଯିବ। ସୂର୍ଯ୍ୟପରାଗ ଦେଖାଯାଉ ନ ଥିବା ଅଞ୍ଚଳରେ କୌଣସି ସୂତକ ନୀତି ପାଳନ କରାଯିବା ଆବଶ୍ୟକ ନୁହେଁ ବୋଲି ଜ୍ୟୋତିର୍ବିଦ୍ ପ୍ରବୀଣ ମିଶ୍ରା ସୂଚନା ଦେଇଛନ୍ତି।
ସୂର୍ଯ୍ୟପରାଗ ଯୋଗୁ ବିଭିନ୍ନ ରାଶି ଉପରେ ଭିନ୍ନ ଭିନ୍ନ ପ୍ରଭାବ ସୃଷ୍ଟି ହେବ। ମିଥୁନ, କର୍କଟ, ସିଂହ, ତୁଳା, ଧନୁ, ମକର, କୁମ୍ଭ ଏବଂ ମୀନ ରାଶି ଜାତକଙ୍କ ପାଇଁ ସୂର୍ଯ୍ୟପରାଗ ଭଲ ଫଳ ନେଇ ଆସିବ। ଅପରପକ୍ଷରେ ମେଷ, ବୃଷ, କନ୍ୟା, ବିଛା ରାଶିର ବ୍ୟକ୍ତି ବିଶେଷ ସତର୍କ ରହିବା ଆବଶ୍ୟକ। ବୃଷ ରାଶିରେ ସୂର୍ଯ୍ୟପରାଗ ହେଉଥିବାରୁ ଏହି ରାଶିର ଜାତକମାନେ ବିଶେଷ ସତର୍କତା ଅବଲମ୍ବନ କରିବା ଆବଶ୍ୟକ।
ମେଷ: ସ୍ବାସ୍ଥ୍ୟ ନେଇ ସତର୍କ ରହିବା ସହିତ ଖାଦ୍ୟପେୟ ପ୍ରତି ସାବଧାନ ରହିବା ଆବଶ୍ୟକ। ମାନସିକ ଚାପରୁ ଦୂରେଇ ରହିବା ସହିତ ଧର୍ଯ୍ୟ ଧରି କାମ କରିବା ଆବଶ୍ୟକ। କୌଣସି ବଡ଼ ନିର୍ଣ୍ଣୟ ନ ନେଲେ ଭଲ। ସଫଳତାର ନୂଆ ସୁଯୋଗ ମିଳିବ।
ବୃଷ: ଏହି ରାଶିରେ ସୂର୍ସ୍ୟପରାଗ ଅନୁଷ୍ଠିତ ହେଉଥିବାରୁ ସ୍ବାସ୍ଥ୍ୟ ଉପରେ ବିଶେଷ ଦୃଷ୍ଟି ଦେବା ଆବଶ୍ୟକ। ଅସନ୍ତା ଏକ ମାସ ମଧ୍ୟରେ କୌଣସି ବଡ଼ ନିଷ୍ପତ୍ତି ଗ୍ରହଣ ନ କଲେ ଭଲ। ଇଶ୍ୱରଙ୍କ ପ୍ରତି ନିଷ୍ଠା ବୃଦ୍ଧି କରିବା ଦ୍ୱାରା ବହୁ ବାଧା ବିଘ୍ନ ଦୂରେଇ ଯିବ।
ମିଥୁନ: ସୂର୍ଯ୍ୟପରାଗ ଶୁଭଫଳ ନେଇ ଆସିବ। ତେବେ ବାକ୍ ସଞ୍ଜମତା ବଜାୟ ରଖିବା ଗୁରୁତ୍ୱପୂର୍ଣ୍ଣ।
କର୍କଟ: ସୂର୍ଯ୍ୟଗ୍ରହଣର କୌଣସି ନକାରାତ୍ମକ ପ୍ରଭାବ ପଡ଼ିବ ନାହିଁ। ନିକ କାମ ନିଷ୍ଠାପର ଭାବେ କରିବା ଆବଶ୍ୟକ।
ସିଂହ: ଯୋଜନାକୁ ସୁଦୃଢ଼ କରି ଲକ୍ଷ୍ୟପଥରେ ଆଗେଇବେ। ପରାଗ ପରେ ା ଶୁକ୍ଳପକ୍ଷରେ ନୂୂତନ କାର୍ଯ୍ୟ ଆରମ୍ଭ କଲେ ସୁଫଳ ମିଳିବ।
କନ୍ୟା: ସ୍ବାସ୍ଥ୍ୟପ୍ରତି ସଚେତନ ରହିବା ଆବଶ୍ୟକ। ସ୍ବାସ୍ଥ୍ୟ ଅନୁପଯୋଗୀ ଖାଦ୍ୟ ପଦାର୍ଥଠାରୁ ଦୂରେଇ ରହିବା ଉଚିତ।
ତୁଳା: ସୂର୍ଯ୍ୟଗ୍ରହଣର କୌଣସି ନକାରାତ୍ମକ ପ୍ରଭାବ ପଡ଼ିବ ନାହିଁ। ତେବେ ବୁଝି ବିଚାରି କାମ କରିବା ଶ୍ରେୟସ୍କର।
ବିଛା: ଅଯଥା ଖର୍ଚ୍ଚରୁ ଦୂରେଇ ରୁହନ୍ତୁ। ଅତ୍ୟଧିକ କ୍ରୋଧ ନ କରି ଶାନ୍ତ ରହିବା ଭଲ।
ଧନୁ: ସୂର୍ଯ୍ୟପରାଗ ଶୁଭଫଳ ନେଇ ଆସିବ। କାର୍ଯ୍ୟଷଣ ସଫଳତା ମିଳିବ। ଆଳସ୍ୟ ଛାଡ଼ି କର୍ତ୍ତବ୍ୟ ପଥରେ ଆଗେଇବା ଉଚିତ।
ମକର: ନିଜ କାର୍ଯ୍ୟର ଗତିକୁ ବୃଦ୍ଧି କରିବା ଆବଶ୍ୟକ। ପରିଶ୍ରମ ଅନୁସାରେ ଫଳ ମିଳିବ। ବହୁ କ୍ଷେତ୍ରରେ ସୁଫଳ ମିଳିବ।
କୁମ୍ଭ: ନିଜ ଭାବନା ଉପରେ ନିୟନ୍ତ୍ରଣ ରଖନ୍ତୁ। ନୂଆ ନୂଆ ପାଠ୍ୟକ୍ରମ ଉପରେ ଲକ୍ଷ୍ୟ ରଖନ୍ତୁ। ସୁଫଳ ମିଳିବ। ସୂର୍ଯ୍ୟପରାଗର କୌଣସି ନକାରାତ୍ମକ ପ୍ରଭାବ ପଡ଼ିବ ନାହିଁ।
ମୀନ: ସୂର୍ଯ୍ୟପରାଗ ଶୁଭଫଳ ନେଇ ଆସିବ। କ୍ରୋଧ ଏବଂ ବାକ୍ ସଞ୍ଜମତା ଉପରେ ନିୟନ୍ତ୍ରଣ ରଖିବା ଜରୁରୀ। ଆଳସ୍ୟ ଛାଡ଼ି କର୍ତ୍ତବ୍ୟ ପଥରେ ଆଗେଇବା ଆବଶ୍ୟକ।
