ହାମବର୍ଗ, ୨୭ା୯ (ଏପି)-ଗ୍ରୀସ୍ର ଷ୍ଟିଫାନସ ସିତିସପାସ୍ ୧୬ ମାସରେ ପ୍ରଥମ ଥର ଏକ କ୍ଲେକୋର୍ଟ ଟେନିସ୍ ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିଛନ୍ତି। ହାମବର୍ଗ ଓପନ୍ ଟେନିସ୍ ଟୁର୍ନାମେଣ୍ଟରେ ସେ ଡୁସାନ୍ ଲାଜୋଭିଚ୍ଙ୍କୁ ୭-୬ (୫), ୬-୨ ସେଟ୍ରେ ହରାଇ ଦେଇଛନ୍ତି। ସିତିସପାସ୍ ସେମିଫାଇନାଲରେ ଜଣେ କ୍ଲେକୋର୍ଟ ସ୍ପେଶାଲିଷ୍ଟ ଚିଲିର ଖ୍ରିଷ୍ଟିଆନ ଗାରିନ୍ଙ୍କୁ ଭେଟିବେ। ଗାରିନ ୨୦୨୦ରେ ପଛକୁ ପଛ ଦୁଇଟି ଟାଇଟଲ ଜିତିଛନ୍ତି। ଫେବୃୟାରୀରେ ସେ କୋର୍ଡୋବା ଏବଂ ରିଓ ଡି’ ଜେନିରୋଠାରେ ଚାମ୍ପିୟନ ହୋଇଛନ୍ତି। ଗାରିନ୍ ୩-୬, ୬-୪, ୬-୪ ସେଟ୍ରେ କାଜାଖସ୍ତାନର ଆଲେକ୍ଜାଣ୍ଡର ବବ୍ଲିକ୍ଙ୍କୁ ପରାସ୍ତ କରିଛନ୍ତି। ଅନ୍ୟଏକ ସେମିଫାଇନାଲ ଆନ୍ଦ୍ରେ ରୁବ୍ଲେଭ୍ ଏବଂ କାସ୍ପର ରୁଡ୍ ମଧ୍ୟରେ ହେବ। ୫ମ ସିଡ୍ ରୁବ୍ଲେଭ୍ ୪ର୍ଥ ସିଡ୍ ରବର୍ଟୋ ବଟିଷ୍ଟାଙ୍କୁ ୬-୨, ୭-୫ରେ ପରାସ୍ତ କରି ଟୁର୍ନାମେଣ୍ଟରେ ଏକ ବିପର୍ଯ୍ୟୟ ସୃଷ୍ଟି କରିଛନ୍ତି। ରୁଡ୍ କ୍ୱାର୍ଟରଫାଇନାଲରେ ୟୁଗୋ ହମ୍ବର୍ଟଙ୍କୁ ୭-୫, ୩-୬, ୬-୧ ସେଟରେ ହରାଇ ଦେଇଛନ୍ତି।
