ନୂଆଦିଲ୍ଲୀ,୩।୮: ଟିମ୍ ଇଣ୍ଡିଆର ଦ୍ରୁତ ବୋଲର ମହମ୍ମଦ ସିରାଜଙ୍କୁ ନେଇ ଇଂଲଣ୍ଡର ପୂର୍ବତନ କ୍ରିକେଟର ଷ୍ଟୁଆର୍ଟ ବ୍ରଡ ଏକ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଛନ୍ତି। ସେ କହିଛନ୍ତି ଯେ, ସିରାଜଙ୍କୁ ଚପଲ ଦେଇ ବେଳାଭୂମିକୁ ପଠାଇ ଦିଅ। ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ରେ ସିରାଜଙ୍କ ଅସାଧାରଣ ପ୍ରଦର୍ଶନ ଦେଖି ବ୍ରଡ ମଜା କରି କହିଛନ୍ତି ଯେ ସିରାଜ ଏତେ ଓଭର ବୋଲିଂ କରିଥିବାରୁ ତାଙ୍କୁ ଏକ ଲମ୍ବା ବିଶ୍ରାମ ଦରକାର।
ବ୍ରଡ କହିଛନ୍ତି, ଏହି ଟେଷ୍ଟ ସିରିଜରେ ସିରାଜ ଯେତେ ଓଭର ବୋଲିଂ କରିଛନ୍ତି, ତାହା ପରେ ସେ ଏକ ଲମ୍ବା ବିଶ୍ରାମ ଆବଶ୍ୟକ କରନ୍ତି। ତାଙ୍କୁ ଏକ ସୁଇମ୍ ସର୍ଟ ଓ ଚପଲ ଦେଇ କିଛି ସପ୍ତାହ ପାଇଁ ବେଳାଭୂମିକୁ ପଠାଇ ଦେବା ଉଚିତ, ଯାହା ସେ ଥକ୍କାପଣରୁ ସୁସ୍ଥ ହୋଇପାରନ୍ତି।
ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ରେ ସିରାଜ ସର୍ବାଧିକ ଓଭର ବୋଲିଂ କରିଥିବା ବୋଲର। ୧୯୯୧-୯୨ରେ କପିଲ ଦେବଙ୍କ ପରେ ସେ ଦ୍ୱିତୀୟ ଭାରତୀୟ ଦ୍ରୁତ ବୋଲର ଯିଏ ଗୋଟିଏ ବର୍ଷ ମଧ୍ୟରେ ଦୁଇଟି ଟେଷ୍ଟ ସିରିଜ୍ରେ ୧୫୦ରୁ ଅଧିକ ଓଭର ବୋଲିଂ କରିଛନ୍ତି। ଏହା ତାଙ୍କ ଦାୟିତ୍ୱ ଓ କାର୍ଯ୍ୟଭାରକୁ ପ୍ରତିଫଳିତ କରୁଛି।
ସିରାଜଙ୍କ ପ୍ରଦର୍ଶନ କଥା କହିବାକୁ ଗଲେ, ସେ ଇଂଲଣ୍ଡ ବିପକ୍ଷ ଟେଷ୍ଟ ସିରଜ୍ରେ ସର୍ବାଧିକ ଉଇକେଟ ନେଇଛନ୍ତି। ଜସପ୍ରୀତ ବୁମରାଙ୍କ ଅନୁପସ୍ଥିତିରେ ଓଭାଲ ଟେଷ୍ଟରେ ସିରାଜଙ୍କ ଦାୟିତ୍ୱ ଆହୁରି ବୃଦ୍ଧି ପାଇଛି। ତାଙ୍କ ଗମ୍ଭୀରତାର ଅନୁମାନ ତାଙ୍କ ବୋଲିଂରୁ ଲାଗୁଛି। ବ୍ରଡଙ୍କ ଏହି ମନ୍ତବ୍ୟ ସିରାଜଙ୍କ ପ୍ରତି ତାଙ୍କର ପ୍ରଶଂସା ଓ ସେମାନଙ୍କ କାର୍ଯ୍ୟଭାରକୁ ନେଇ ଚିନ୍ତାକୁ ପ୍ରକାଶ କରୁଛି, ଯେଉଁଥିରେ ସେ ମଜା କରି ସିରାଜଙ୍କୁ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି।
