ଦୁବାଇ,୨।୩: ଚମତ୍କାର ଫର୍ମରେ ଥିବା ଭାରତୀୟ ବ୍ୟାଟର ଶ୍ରେୟାସ ଆୟାର ଆଇସିସି ଟି୨୦ ର଼୍ୟାଙ୍କିଙ୍ଗ୍ରେ ବଡ଼ ଡିଆଁ ମାରିଛନ୍ତି। ଶ୍ରଲଙ୍କା ବିପକ୍ଷ ସିରିଜ୍ ପୂର୍ବରୁ ୪୫ତମ ସ୍ଥାନରେ ଥିଲେ ଶ୍ରେୟାସ। ହ୍ୟାଟ୍ରିକ ଅର୍ଦ୍ଧଶତକ ପରେ ତାଙ୍କ ର଼୍ୟାଙ୍କିଙ୍ଗ୍ ୨୭ଟି ସ୍ଥାନ ଉପରକୁ ଉଠିଛି। ସଦ୍ୟ ପ୍ରକାଶିତ ଆଇସିସି ଟି୨୦ ବ୍ୟାଟରଙ୍କ ର଼୍ୟାଙ୍କିଙ୍ଗ୍ ଅନୁଯାୟୀ, ୨୭ ବର୍ଷୀୟ ଶ୍ରେୟାସ ୧୮ତମ ସ୍ଥାନରେ ଅଛନ୍ତି। ଅନ୍ୟପକ୍ଷରେ ଦୀର୍ଘଦିନ ପରେ ଟପ୍-୧୦ରୁ ବାଦ୍ ପଡ଼ିଛନ୍ତି ପୂର୍ବତନ ଭାରତୀୟ ଅଧିନାୟକ ବିରାଟ କୋହଲି। ସିରିଜ୍ ପାଇଁ ଉପଲବ୍ଧ ନ ଥିବା ୩୩ ବର୍ଷୀୟ କୋହଲି ୫ଟି ସ୍ଥାନ ତଳକୁ ଖସି ଆସି ୧୫ତମ ମାନ୍ୟତାରେ ପହଞ୍ଚିଛନ୍ତି।
ବୋଲିଂ ବିଭାଗରେ ଭୁବନେଶ୍ୱର କୁମାର ପୂର୍ବ ଅପେକ୍ଷା ୩ ସ୍ଥାନ ଉପରକୁ ଉଠି ୧୭ତମ ସ୍ଥାନ ହାସଲ କରିଛନ୍ତି।
