ମୁମ୍ବାଇ: ବଲିଉଡ୍ର ସୁପ୍ରତିଷ୍ଠିତ କଣ୍ଠଶିଳ୍ପୀ ଶ୍ରେୟା ଘୋଷାଲଙ୍କ ଘରକୁ ଖୁବ୍ଶୀଘ୍ର ଆସିବେ ନୂଆ ଅତିଥି । ପର୍ସନାଲ ଲାଇଫକୁ ନେଇ ସବୁବେଳେ ଚୁପ୍ ରହୁଥିବା ଏହି କଣ୍ଠଶିଳ୍ପୀ କିନ୍ତୁ ପ୍ରଫେସନାଲ ଲାଇଫକୁ ନେଇ ଅଧିକାଂଶ ସମୟରେ ଆସି ଥାଆନ୍ତି ଚର୍ଚ୍ଚାକୁ । ଲକ୍ଷେ ଦିଲ୍ରେ ରାଜ୍ କରୁଥିବା ଏହି ଗାୟିକା ଏଥର କିନ୍ତୁ ନିଜ ପର୍ସନାଲ ଲାଇଫକୁ ନେଇ ଆସିଛନ୍ତି ଚର୍ଚ୍ଚାକୁ । ନିକଟରେ ସେ ସାସିଆଲ ମିଡିଆରେ ଏକ ଫଟୋ ଶେୟାର କରିଛନ୍ତି ଯେଉଁଥିରୁ ସ୍ପଷ୍ଟ ହୋଇଛି ଯେ ସେ ଖୁବ୍ଶୀଘ୍ର ମା’ ହେବେ । ଅର୍ଥାତ୍ ଶ୍ରେୟା ଘୋଷାଲ ଓ ଶୀଳାଦିତ୍ୟ ମୁଖୋପାଧ୍ୟାୟ ମାତାପିତା ହେବାକୁ ଯାଉଛି । ଏହି ଫଟୋଟି ଶେୟାର କରି ସେ ଲେଖିଛନ୍ତି ବେବି ଶ୍ରେୟାଦିତ୍ୟ ବାଟରେ ଅଛନ୍ତି । ଶୀଳାଦିତ୍ୟ ଓ ମୁଁ ଆପଣଙ୍କ ସହ ଏହି ଖବର ଶେୟାର କରିବାକୁ ଉତ୍ସୁକ ଅଛୁ । ଆପଣମାନଙ୍କ ଭଲପାଇବା ଓ ଆଶୀର୍ବାଦର ଆବଶ୍ୟକତା ରହିଛି । ଆମେ ଆମ ଜୀବନର ଏହି ନୂଆ ଅଧ୍ୟାୟକୁ ପ୍ରସ୍ତୁତ କରିବାକୁ ଯାଉଛୁ । ଶ୍ରେୟାଙ୍କ ଏହି ପୋଷ୍ଟ ଉପରେ କେବଳ ବଲିଉଡ୍ ସେଲିବ୍ରିଟି ନୁହେଁ ବରଂ ତାଙ୍କ ପ୍ରଶଂସକମାନେ ବି କମେଣ୍ଟ ଦେଇଥିବା ଦେଖାଯାଇଛି । ସମସ୍ତେ ତାଙ୍କ ସନ୍ତାନ ଓ ତାଙ୍କର ସୁସ୍ଥ ଓ ଦୀର୍ଘ ଜୀବନ କାମନା କରିଛନ୍ତି । ସୂଚନାଯୋଗ୍ୟ, ୨୦୧୫ରେ ଶ୍ରେୟା ବେଙ୍ଗଲି ରିତିନୀତି ଅନୁଯାୟୀ ଶୀଳାଦିତ୍ୟଙ୍କୁ ବିବାହ କରିଥଲେ । ୧୦ ବର୍ଷ ରିଲେସନଶିପରେ ରହିବା ପରେ ଏମାନେ ବିବାହ କରିଥିଲେ । ୨୦୦୨ରେ ସଞ୍ଜୟ ଲିଲା ଭଂସାଲିଙ୍କ ଫଲ୍ମ ‘ଦେବଦାସ’ରୁ ସେ ତାଙ୍କ ବଲିଉଡ୍ କ୍ୟାରିୟର ଆରମ୍ଭ କରିଥିଲେ ।