ଶର୍ଟ ପ୍ୟାଣ୍ଟ ଫ୍ୟାଶନ

ସମର୍‌ ଫ୍ୟାଶନ ପାଇଁ ଶଟର୍‌ସ ବା ଶର୍ଟ ପ୍ୟାଣ୍ଟ ସବୁଠାରୁ ଉତ୍ତମ ହୋଇଥାଏ। କାରଣ ଏହା ଯୁବକଙ୍କୁ କୁଲ୍‌ ଲୁକ୍‌ ଦେବା ସହିତ ଖରାଦିନେ ପିନ୍ଧିବାକୁ ବେଶ୍‌ କମ୍ଫର୍ଟେବଲ୍‌ ଲାଗିଥାଏ। ବିଶେଷକରି ବର୍ତ୍ତମାନର ଏହି ଲକ୍‌ଡାଉନ୍‌ ସମୟରେ ଘରେ ନିତ୍ୟ ବ୍ୟବହାର କରିବାକୁ ୟାଠୁ ବଳି ଆଉ ଭଲ ବିକଳ୍ପ କ’ଣ ହୋଇପାରେ…

ଶଟର୍‌ସ ବା ଶର୍ଟ ପ୍ୟାଣ୍ଟ ଖରାଦିନେ ପିନ୍ଧିବାକୁ ବେଶ୍‌ ଆରାମଦାୟକ ହୋଇଥାଏ। ତେଣୁ ଏହାର ଚାହିଦା ଯୁବପିଢ଼ିଙ୍କ ଭିତରେ ଖୁବ୍‌ ରହିଥାଏ। ତେବେ ବର୍ତ୍ତମାନର ଫ୍ୟାଶନ ଟ୍ରେଣ୍ଡକୁ ଦେଖିଲେ ଶଟର୍‌ସ ଆଉ କେବଳ ନିତ୍ୟ ବ୍ୟବହାରରେ ସୀମିତ ହୋଇ ରହିନାହିଁ, ଏହାକୁ ଆଉଟିଂରେ ହେଉ ଅବା ସାଙ୍ଗମାନଙ୍କ ସହ ବିଚ୍‌ ପାର୍ଟି କଲାବେଳେ ମଧ୍ୟ ଯୁବକମାନେ ଆରାମରେ କ୍ୟାରି କରୁଛନ୍ତି। ତେବେ ଲେଙ୍ଗ୍‌ଥ ବା ଲମ୍ବା ଓ ଫ୍ୟାବ୍ରିକ୍‌କୁ ନେଇ ଶଟର୍‌ସ ମଧ୍ୟ ବିଭିନ୍ନ ପ୍ରକାରର ହୋଇଥାଏ; ଯେମିତି କି:

*ବରମୁଡ଼ା ଶଟର୍‌ସ: ଏହି ଷ୍ଟାଇଲ୍‌ର ଶଟର୍‌ସ ବା ଶର୍ଟ ପ୍ୟାଣ୍ଟକୁ ଓ୍ବାକିଂ ଶଟର୍‌ସ ବା ଡ୍ରେସ୍‌ ଶଟର୍‌ସ ବି କୁହାଯାଇଥାଏ। ଏହି ପ୍ୟାଣ୍ଟର ଲମ୍ବ ସାଧାରଣତଃ ଆଣ୍ଠୁଠାରୁ ୧ ଇଞ୍ଚ ଉପରକୁ ରହିଥାଏ। ତା’ଛଡ଼ା ଏହା ଲୁଜ୍‌-ଫିଟ୍‌ ବି ହୋଇଥାଏ। ହାଫ୍‌ ଶାର୍ଟ ବା ଟି-ଶାର୍ଟ ଏହି ପ୍ୟାଣ୍ଟ ସହିତ ବେଶ୍‌ ଭଲ ମାନେ।

*ଚିନୋ ଶଟର୍‌ସ: ଏହି ପ୍ୟାଣ୍ଟ ସାଧାରଣତଃ କଟନ୍‌ ଫ୍ୟାବ୍ରିକ୍‌ରେ ତିଆରି ହୋଇଥାଏ। ଏହା ସହିତ ଫୁଲ୍‌ ସ୍ଲିଭ୍‌ବାଲା ଶାର୍ଟର ହାତକୁ ମୋଡିକି ପିନ୍ଧିଲେ ଷ୍ଟାଇଲିଶ୍‌ ଦେଖାଯାଇଥାଏ। ତା’ଛଡ଼ା ପ୍ଲେନ୍‌ ଟି-ଶାର୍ଟ ବି ଏହି ପ୍ୟାଣ୍ଟ ସହ ଭଲ ମାନିଥାଏ। କିନ୍ତୁ ପ୍ରିଣ୍ଟେଡ୍‌ ଟି-ଶାର୍ଟ ସେତେ ଭଲ ମ୍ୟାଚିଂ କରେନାହିଁ।

*କାର୍ଗୋ ଶଟର୍‌ସ: ଯେଉଁ ଯୁବକଙ୍କୁ ଅଧିକ ପକେଟ୍‌ ଥିବାବାଲା ଶର୍ଟ ପ୍ୟାଣ୍ଟ ପିନ୍ଧିବା ପସନ୍ଦ, ସେମାନଙ୍କ ପାଇଁ ଏହି କାର୍ଗୋ ଶଟର୍‌ସ ବେଷ୍ଟ ଅପ୍ସନ ହୋଇଥାଏ। କିନ୍ତୁ ଏହାକୁ କିଣିବା ସମୟରେ ଲାଟେଷ୍ଟ ଡିଜାଇନ୍‌ ପ୍ରତି ଧ୍ୟାନଦେବା ଦରକାର। ସେହିପରି ଏହି ପ୍ୟାଣ୍ଟ ସହିତ ଯୁବକମାନେ ଚାହିଁଲେ ଟି-ଶାର୍ଟ ବା ଫ୍ଲୋରାଲ୍‌ ଶାର୍ଟ ମଧ୍ୟ ଟ୍ରାଏ କରିପାରିବେ।

*ସୁଇମିଂ ଟ୍ରଙ୍କ ଶଟର୍‌ସ: ଖରାଦିନେ ଯେଉଁ ଯୁବକଙ୍କୁ ସମୁଦ୍ର କିମ୍ବା ନଦୀ ଜଳରେ ପହଁରି କି ମସ୍ତି କରିବାକୁ ଇଚ୍ଛା ଥାଏ, ସେମାନଙ୍କ ପାଇଁ ଏହି ଟ୍ରଙ୍କ ଶଟର୍‌ସ ଏକ ଭଲ ବିକଳ୍ପ । ଏହି ପ୍ୟାଣ୍ଟ ସହିତ ସ୍ଲିଭ୍‌ ଲେସ୍‌ ଟି-ଶାର୍ଟ କମ୍ଫର୍ଟ ଲୁକ୍‌ ଦେଇଥାଏ।

*ବକ୍ସର୍‌ ଶଟର୍‌ସ: ରାତ୍ରି ସମୟରେ ପିନ୍ଧିବା ପାଇଁ ଏହି ଶର୍ଟ ପ୍ୟାଣ୍ଟ ବେଶ୍‌ ଆରାମଦାୟକ ହୋଇଥାଏ। କିନ୍ତୁ ଏହାକୁ ପିନ୍ଧିକି ବାହାରକୁ ଗଲେ ସେତେ ଭଲ ଦେଖାଯାଏ ନାହିଁ। ଏହି ପ୍ୟାଣ୍ଟ ସହିତ କେବଳ ଟି-ଶାର୍ଟ ଅବା ସ୍ଲିଭ୍‌ ଲେସ୍‌ ଟି-ଶାର୍ଟ ହିଁ ଭଲ ମାନିଥାଏ।
*ଡେନିମ୍‌ ଶଟର୍‌ସ: ଏମିତି ବି କିଛି ଯୁବକ ଅଛନ୍ତି, ଯେଉଁମାନଙ୍କର ଡେନିମ୍‌ ଭାରି ପ୍ରିୟ। ସେମାନେ ଚାହିଁଲେ ଖରାଦିନେ ଡେନିମ୍‌ ଶଟର୍‌ସ ମଧ୍ୟ ପିନ୍ଧିପାରିବେ। ଘରେ ନିତ୍ୟ ବ୍ୟବହାର ଅପେକ୍ଷା ଏହାକୁ ଆଉଟିଂରେ ଗଲାବେଳେ ପିନ୍ଧିଲେ ଷ୍ଟାଇଲିଶ୍‌ ଲୁକ୍‌ ମିଳିଥାଏ।

*ଆର୍ମି ଶଟର୍‌ସ: କିଛି ଯୁବକଙ୍କୁ ଆର୍ମି ଡ୍ରେସ୍‌ ସହ ସାମଞ୍ଜସ୍ୟ ରହୁଥିବା ଅବା ଅବିକଳ ସେହି ଡିଜାଇନ୍‌ର ଡ୍ରେସ୍‌ ପିନ୍ଧିବାକୁ ଭଲ ଲାଗିଥାଏ। ଏମିତିରେ ଦେଖିଲେ ଖରାଦିନେ ପିନ୍ଧିବା ପାଇଁ ଆର୍ମି ଶଟର୍‌ସ ଏକ ସୁନ୍ଦର ଅପ୍ସନ ହୋଇଥାଏ। ଏହି ଶଟର୍‌ସ ଏତେ କମ୍ଫର୍ଟେବଲ୍‌ ହୋଇଥାଏ ଯେ, ଏହାକୁ ଆରାମରେ ନିତ୍ୟ ବ୍ୟବହାର କରିହୁଏ।

ତେବେ ସାଙ୍ଗମାନଙ୍କ ସହ ଆଉଟିଂରେ ଗଲାବେଳେ ନି-ଲେଙ୍ଗ୍‌ଥ ବା ଥାଈ-ଲେଙ୍ଗ୍‌ଥ ଶଟର୍‌ସ ପିନ୍ଧିଲେ କମ୍ଫର୍ଟେବଲ୍‌ ଲାଗିଥାଏ। ସେହିପରି ବସ୍‌ କିମ୍ବା ଟ୍ରେନ୍‌ ଯାତ୍ରା କରିବା ସମୟରେ ବରମୁଡ଼ା, ଚିନୋ କିମ୍ବା କାର୍ଗୋ ଶଟର୍‌ସ ପିନ୍ଧିବା ଆରାମଦାୟକ ହୋଇଥାଏ।


Enter your email to get our daily news in your inbox.

All Right Reserved By Dharitri.Com

ପ୍ରକୃତି, ପରିବେଶ ଓ ସ୍ବାସ୍ଥ୍ୟ

ନିଜ ଘରଠାରୁ ଆରମ୍ଭ କରି ସମାଜ, ଗାଁ, ଜିଲା, ରାଜ୍ୟ ଓ ଦେଶ ସ୍ତରରେ ମଧ୍ୟ ସମୟ ଅନୁଯାୟୀ ଆବଶ୍ୟକ ପଦାର୍ଥ ବହୁମୂଲ୍ୟରେ କ୍ରୟ କରି...

ଶରୀର ସହିତ ତ୍ୱଚା ପାଇଁ ମଧ୍ୟ ବରଦାନ ସଦୃଶ ଗ୍ରୀନ ଟି

  ଗ୍ରୀନ ଟି ଅଧିକ ଲାଭଦୟକ । ଏହା ଶରୀର ସହିତ ତ୍ୱଚା ପାଇଁ ମଧ୍ୟ ବରଦାନ ସଦୃଶ ହୋଇଥାଏ। ତ୍ୱଚା ସମସ୍ୟ ଯାଥା କଳା...

ବର୍ଷାଦିନେ ମହିଳାଙ୍କ ଟେନଶନ୍‌, କ’ଣ ପିନ୍ଧିବେ

ବର୍ଷାଦିନେ ମହିଳାଙ୍କ ଟେନଶନ୍‌ ବଢ଼ିଯାଏ ଯେ କ’ଣ ପିନ୍ଧିବେ ଓ ପିନ୍ଧିବେନି। ଯାହା ସେମାନଙ୍କୁ ଷ୍ଟାଇଲିଶ୍‌ କରିବା ସହିତ ଫ୍ୟାଶନ୍‌ ସହିତ ଯୋଡ଼ି ରଖେ। ଏଥିପାଇଁ...

ସକାରାତ୍ମକ ମାନସିକତା ଓ ସୁସ୍ଥ ହାର୍ଟ

ହୃଦ୍‌ଜନିତ ରୋଗ ଆଜିକାଲି ଏକ ସାଧାରଣ କଥା ପାଲଟି ଗଲାଣି ବୋଲି କୁହାଯାଇପାରେ। ଅସନ୍ତୁଳିତ ଜୀବନଶୈଳୀ ବ୍ୟତୀତ ବ୍ଲଡପ୍ରେସର, ଡାଇବେଟିସ୍‌ ଆଦି ସ୍ବାସ୍ଥ୍ୟ ସମସ୍ୟାର ପ୍ରଭାବ...

ମ୍ୟାଙ୍ଗୋ ଲଡୁ

ଆବଶ୍ୟକ ସାମଗ୍ରୀ: ପାଚିଲା ଆମ୍ବ ରସ ଅଧା କପ୍‌, ଡ୍ରାଏ ଫ୍ରୁଟ୍‌ସ ଅଧା କପ୍‌, ନଡିଆ କୋରା ଦେଢ କପ୍‌, ଗୁଜୁରାତି ପାଉଡର ଏକ ଚାମଚ,...

ଆଣ୍ଠୁଗଣ୍ଠି ଯନ୍ତ୍ରଣା ହେଉଥିଲେ …

ଭାରତରେ ହଳଦୀର ବ୍ୟବହାର ମସଲା, ସୌନ୍ଦର୍ଯ୍ୟ ପ୍ରସାଧନ ତଥା ବିଭିନ୍ନ ରୋଗର ନିଦାନ ପାଇଁ କରାଯାଏ। କିନ୍ତୁ ଜାଣନ୍ତି ହଳଦୀ ମାରାମତ୍କ କ୍ୟାନସର୍‌ ରୋଗକୁ ମଧ୍ୟ...

ଏସବୁ ଖାଇଲେ ମଧୁମେହ ରୋଗୀଙ୍କୁ ନେବାକୁ ପଡି ନ ଥାଏ ଇନ୍‌ସୁଲିନ୍‌

ଭାରତର ପ୍ରାୟ ଅଧିକାଂଶ ଲୋକ ମଧୁମେହ ସମସ୍ୟାରେ ଆକ୍ରାନ୍ତ ହେଉଛନ୍ତି। ଏହି ସମସ୍ୟା ଲାଗି ମଧୁମେହ ରୋଗୀଙ୍କଠାରେ ହୃଦ୍‌ରୋଗ, କିଡ୍‌ନୀ ସମସ୍ୟା ଭଳି ଅନେକ ଦୁରାରୋଗ୍ୟ...

ଆରୋଗ୍ୟ ରହିବା ଅନ୍ତରାଳେ…

ଆଜିକାଲିର ଧାଁ  ଧପଡ଼ ଜୀବନରେ ଅନେକେ ନିଜ ସ୍ବାସ୍ଥ୍ୟ ପ୍ରତି ସଚେତନ ରହି ନ ଥାନ୍ତି। ନିଜର ଦୈନନ୍ଦିନ କାମରେ ବ୍ୟସ୍ତ ରହିବା ଯୋଗୁ ନିୟମିତ...

Advertisement


Archives

Model This Week