ହାଇଦ୍ରାବାଦ,୨୩।୧୨-ମହାମାରୀ କରୋନା ଯୋଗୁ ବନ୍ଦ ରହିଥିଲା ଫିଲ୍ମ ଶୁଟିଂ। ବର୍ତ୍ତମାନ ପୁଣି ଥରେ ଆରମ୍ଭ ହୋଇଛି ଶୁଟିଂ। ଧିରେ ଧିରେ ସ୍ବାଭାବିକ ହେଉଛି ପରିସ୍ଥିତି।
ତେବେ କୌଣସି ନା କୌଣସି ଫିଲ୍ମର ଶୁଟିଂ ସେଟରେ ଷ୍ଟାର ଓ କ୍ରୁଉ ମେମ୍ବର କରୋନା ଆକ୍ରାନ୍ତ ହେଉଛନ୍ତି। ଫଳରେ ଶୁଟିଂକୁ ଅଧାରୁ ବନ୍ଦ କରାଯାଉଛି। ସାଉଥ ସୁପରଷ୍ଟାର ରଜନୀକାନ୍ତରଙ୍କ ଫିଲ୍ମ Annatheyର ଶୁଟିଂ ବେଳେ ଏଭଳି ଘଟଣା ଦେଖିବାକୁ ମିଳିଛି। ଫିଲ୍ମର ଶୁଟିଂ ହାଇଦ୍ରାବାଦରେ ଚାଲିଥିବାବେଳେ ୮ ଜଣ ସଦସ୍ୟ କରୋନା ପଜିଟିଭ ହୋଇଥିବା ଜଣାପଡିଛି। ଫଳରେ ଶୁଟିଂକୁ ଅଧାରୁ ରୋକିବାକୁ ପଡିଛି।
ସୂଚନାଯୋଗ୍ୟ, ଗତ ସପ୍ତାହରେ ଫିଲ୍ମର ଶୁଟିଂ ପାଇଁ ରଜନୀକାନ୍ତ ଚେନ୍ନାଇରୁ ହାଇଦ୍ରାବାଦ ଆସିଥିଲେ। ତାଙ୍କୁ ନୟନତାରାଙ୍କ ସହ ଫିଲ୍ମର ସିଡ୍ୟୁଲ ୨୯ ଡିସେମ୍ବରରେ ଶେଷ କରିବାର ଥିଲା।
