ଭୋପାଳ,୧୫।୧୦ : ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ବାନ ଭାଜପାର ହିନ୍ଦୀକୁ ସରକାରୀ ଭାଷାରେ ସାମିଲ କରିବା ଲାଗି ପଦକ୍ଷେପ ଗ୍ରହଣ କରିଛନ୍ତି। ଏନେଇ ସେ ଶନିବାର ରାଜ୍ୟର ଡାକ୍ତରମାନଙ୍କୁ ରୋଗୀଙ୍କ ପ୍ରେସକ୍ରିପଶନ ଉପରେ ଆରଏକ୍ସ ଲେଖାଯାଉଥିବା ସ୍ଥାନରେ ଶ୍ରୀହରି ଲେଖିବାକୁ ପରାମର୍ଶ ଦେଇଛନ୍ତି। ଏହା ପରେ ଔଷଧର ନାମ ମଧ୍ୟ ହିନ୍ଦୀରେ ଲେଖିବାକୁ ଅପିଲ୍ କରିଛନ୍ତି।
ଡାକ୍ତରମାନଙ୍କୁ ହିନ୍ଦୀରେ ଲେଖିବାକୁ କ’ଣ ଅସୁବିଧା ହେଉଛି ବୋଲି ସେ ପ୍ରଶ୍ନ କରିଛନ୍ତି। ରାଜ୍ୟରେ ଗ୍ରାମାଞ୍ଚଳରେ ବହୁ ଡାକ୍ତରଙ୍କର ଆବଶ୍ୟକତା ରହିଛି। ହିନ୍ଦୀରେ ଲେଖିରେ ଗାଁର ସାଧାରଣ ଲୋକଙ୍କ ପାଇଁ ସୁବିଧା ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି।
ରାଜ୍ୟ ସରକାର ମେଡ଼ିକାଲ ପାଠ୍ୟକ୍ରମରେ ପ୍ରଥମ ବର୍ଷ ପଢ଼ାଯାଉଥିବା ପାଠ୍ୟ ପୁସ୍ତକକୁ ହିନ୍ଦୀରେ ପ୍ରସ୍ତତ କରି ସାରିଥିବା ସେ କହିଛନ୍ତି। ଆଗାମୀ ଦିନରେ ଦ୍ୱିତୀୟ, ତୃତୀୟ ସମେତ ପିଜି ପାଠ୍ୟକ୍ରମର ପାଠ୍ୟପୁସ୍ତକ ମଧ୍ୟ ହିନ୍ଦୀରେ ପ୍ରସ୍ତୁତ କରାଯିବ। ରବିବାର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ମେଡ଼ିକାଲ ପାଠ୍ୟକ୍ରମର ପ୍ରଥମ ବର୍ଷର ହିନ୍ଦୀ ପାଠ୍ୟ ପୁସ୍ତକର ଲୋକାର୍ପଣ କରିବେ। ସରକାର ବିଭିନ୍ନ ସରକାରୀ ଭାଷାରେ ହିନ୍ଦୀ ଭାଷାର ବହୁଳ ବ୍ୟବହାର ଉପରେ ଗୁରୁତ୍ୱାରୋପ କରୁଥିବା ସେ କହିଛନ୍ତି।
