ନୂଆଦିଲ୍ଲୀ,୧୧।୪: ଦିଲ୍ଲୀ କ୍ୟାପିଟାଲ୍ସ-ଚେନ୍ନାଇ ସୁପରକିଙ୍ଗ୍ସ ମଧ୍ୟରେ ଖେଳାଯାଇଥିବା ମ୍ୟାଚ୍ରେ ରନ୍ର ବର୍ଷା ହୋଇଥିଲା। ମୁମ୍ବାଇର ଷ୍ଟାଡିୟମରେ ଖେଳାଯାଇଥିବା ମ୍ୟାଚ୍ରେ ଦିଲ୍ଲୀ ଟିମ୍ ବାଜିମାତ କରିଥିଲା। ମୁକାବିଲାରେ ଡିସିର ଯୁବ ଅଧିନାୟକ ରିଷଭ ପନ୍ତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଚେନ୍ନାଇ ଟିମ୍ ପ୍ରଥମେ ବ୍ୟାଟିଂ କରି ୭ ଉଇକେଟ ହରାଇ ୧୮୮ ରନ୍ କରିଥିଲା। ଜବାବରେ ଦିଲ୍ଲୀ ଟିମ୍ ୧୮.୪ ଓଭରରେ ୩ ଉଇକେଟ ହରାଇ ଲକ୍ଷ୍ୟ ହାସଲ କରି ନେଇଥିଲା। ଏହି ବିଜୟର ବଡ଼ ଶ୍ରେୟ ଦିଲ୍ଲୀର ଓପନର୍ ଶିଖର ଧଓ୍ବନ ଏବଂ ପୃଥ୍ବୀ ଶ’କୁ ଯାଇଥିଲା। କାରଣ ଉଭୟ ଉଲ୍ଲେଖନୀୟ ବ୍ୟାଟିଂ ଯୋଗୁ ୧୩୮ରନ୍ର ଭାଗିଦାରୀ କରି ରେକର୍ଡ କରିଥିଲେ।
ମ୍ୟାଚ୍ରେ ଧଓ୍ବନ ୫୪ବଲ୍ରେ ୮୪ରନ୍ କରିଥିବା ବେଳେ ପୃଥ୍ବୀ ୩୮ବଲରେ ୭୨ରନ୍ କରିଥିଲେ। ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ କୌଣସି ଉଇକେଟ ପାଇଁ ଏହା ଦ୍ୱିତୀୟ ସବୁଠାରୁ ବଡ଼ ଭାଗିଦାରୀ ଥିଲା। ପୂର୍ବରୁ ରାହାନେ-ଓ୍ବାଟସନ୍ ଯୋଡ଼ି ସର୍ବାଧିକ ୧୪୪ରନ୍ କରି ଏହି ରେକର୍ଡ କରିଥିଲେ।
୨୦୦୮ରେ ଦିଲ୍ଲୀ ଡେୟାରଡେଭିଲ୍ସ ପକ୍ଷରୁ ଆଇପିଏଲ୍ ଖେଳିବା ଆରମ୍ଭ କରିଥିଲେ ଧଓ୍ବନ। ସେତେବେଳେ ପୃଥ୍ବୀ ମାତ୍ର ୮ ବର୍ଷର ହୋଇଥିଲେ। ଏବେ ଧଓ୍ବନଙ୍କୁ ୩୫ ବର୍ଷ ହୋଇଥିବା ବେଳେ ପୃଥ୍ବୀଙ୍କୁ ୨୧ ବର୍ଷ। ଉଭୟ ଗୋଟିଏ ଟିମ୍ରୁ ଖେଳି ରେକର୍ଡ କରୁଛନ୍ତି।
