ନୂଆଦିଲ୍ଲୀ,୧୩।୧୦: ଚେନ୍ନାଇ ସପୁର କିଙ୍ଗ୍ସ (ସିଏସ୍କେ) ଅଲରାଉଣ୍ଡର ଶାର୍ଦ୍ଦୁଳ ଠାକୁରଙ୍କୁ ଟି୨୦ ବିଶ୍ୱକପ୍ ଲାଗି ଘୋଷିତ ଭାରତୀୟ ଦଳରେ ବୁଧବାର ସାମିଲ କରାଯାଇଛି। ତେବେ ପୂର୍ବରୁ ଘୋଷିତ ଦଳରୁ ସ୍ପିନ ଅଲରାଉଣ୍ଡର ଅକ୍ଷର ପଟେଲ ବାଦ୍ ପଡ଼ିଛନ୍ତି। ତାଙ୍କ ବଦଳରେ ଶାର୍ଦ୍ଦୁଳଙ୍କୁ ସ୍ଥାନ ମିଳିଥିବା ଜଣାପଡ଼ିଛି। ପୂର୍ବରୁ ଦଳ ସହ ଘୋଷିତ ଷ୍ଟାଣ୍ଡବାଇ ଖେଳାଳିଙ୍କ ତାଲିକାରେ ଶାର୍ଦ୍ଦୁଳଙ୍କ ନାମ ଥିଲା।
ଏହି ପରିବର୍ତ୍ତନ ସହ ବିସିସିଆଇ ପକ୍ଷରୁ ଆହୁରି ଏକ ବଡ଼ ଘୋଷଣା କରାଯାଇଛି। ଟିମ୍ ଇଣ୍ଡିଆର ପ୍ରସ୍ତୁତିରେ ସାହାଯ୍ୟ କରିବା ପାଇଁ ଅତିରିକ୍ତ ୮ ଜଣ ଖେଳାଳି ଭରତୀୟ ଦଳର ବାୟୋବବଲରେ ଯୋଗଦେବେ। ସେମାନେ ହେଲେ ଆଭେଶ ଖାନ, ଉମ୍ରାନ ମଲିକ, ହର୍ଶଲ ପଟେଲ, ଲୁକମାନ ମେରିଓ୍ବାଲା, ଭେଙ୍କଟେଶ ଆୟାର, କର୍ନ ଶର୍ମା, ଶାହବାଜ ଅହମ୍ମଦ ଓ କେ. ଗୋଥାମ।
