ଭାବ ଭକ୍ତିରେ ଛନ୍ଦା ଶୈବପୀଠ: ଯେଉଁଠାକୁ ବୁଲିଯାଇ ଲଭି ପାରିବେ ପ୍ରଭୁଙ୍କ ଅପାର କରୁଣା…

ଦେବ ଦେବ ମହାଦେବଙ୍କର ମହିମା ଅପାର। ପୂରାଣ ଶାସ୍ତ୍ର ଅନୁଯାୟୀ, ନିଷ୍ଠାର ସହ ପ୍ରଭୁଙ୍କୁ ସ୍ମରଣ କଲେ ଭକ୍ତଙ୍କର ସବୁ ଇଚ୍ଛା ପୂରଣ ହୋଇଥାଏ। ଏପରିକି ଶିବମନ୍ଦିରକୁ ଯାଇ ତାଙ୍କୁ ଦର୍ଶନ କରିବା ମାତ୍ରେ ଦେହମନ ପବିତ୍ର ହୋଇଉଠେ। ବିଶେଷ କରି ଶ୍ରାବଣ ମାସରେ ପ୍ରଭୁଙ୍କୁ ଦର୍ଶନ କଲେ କୋଟି ଜନ୍ମର ପାପ କ୍ଷୟ ହୋଇଯାଏ ବୋଲି ବିଶ୍ୱାସ ରହିଛି। ତେଣୁ ଏହି ମାସରେ ଶୈବପୀଠଗୁଡ଼ିକରେ ବେଶ୍‌ ଭିଡ଼ ଦେଖିବାକୁ ମିଳିଥାଏ। ତେବେ ଏଥରର ଏହି ଆଲେଖ୍ୟରେ ସେମିତି କେତୋଟି ପ୍ରମୁଖ ଶୈବପୀଠ ସମ୍ପର୍କରେ ଉଲ୍ଲେଖ କରାଗଲା; ଯେଉଁଠାକୁ ବୁଲିଯାଇ ଭକ୍ତଗଣ ପ୍ରଭୁଙ୍କର ଅପାର କରୁଣା ଲଭି ପାରିବେ…

* କେଦାରନାଥ ମନ୍ଦିର: ଉତ୍ତରାଖଣ୍ଡର ମନ୍ଦାକିନୀ ନଦୀ ନିକଟସ୍ଥ ଗଡ଼ଓ୍ବାଲ୍‌ ହିମାଳୟ ଶୃଙ୍ଖଳାର ପ୍ରାୟ ୩,୫୮୩ ମିଟର ଉଚ୍ଚତାରେ ଅବସ୍ଥିତ ଏହି କେଦାରନାଥ ମନ୍ଦିରଟି ଭାରତରେ ଥିବା ଦ୍ୱାଦଶ ଜ୍ୟୋତିର୍ଲିଙ୍ଗ ମଧ୍ୟରୁ ଗୋଟିଏ। ଏହା ଆମ ଦେଶର ଏକ ଲୋକପ୍ରିୟ ଶୈବପୀଠ; ଯେଉଁଠାରେ ଯାତ୍ରୀମାନଙ୍କର ବେଶି ଭିଡ଼ ଦେଖିବାକୁ ମିଳିଥାଏ। ସୂଚନାନୁଯାୟୀ, ଏଠାରେ ଶୀତଦିନେ କୁଆଡ଼େ ପ୍ରଚୁର ତୁଷାରପାତ ହୋଇଥାଏ। ଖାସ୍‌ ସେହି କାରଣ ଯୋଗୁ ଏପ୍ରିଲ୍‌ ମାସର ଶେଷରୁ ନଭେମ୍ବର ମାସର ଅଧା ଯାଏ ଏହି ପବିତ୍ର ପୀଠଟି ଭକ୍ତଙ୍କ ପାଇଁ ଖୋଲା ରହିଥାଏ। କୁହାଯାଏ, ଏହି ମନ୍ଦିରକୁ ଯାତ୍ରା କଲେ କୁଆଡ଼େ ଜନ୍ମ-ମୃତ୍ୟୁ ଚକ୍ରରୁ ମୁକ୍ତି ମିଳିଥାଏ।

*ମହାକାଳେଶ୍ୱର ମନ୍ଦିର: ମଧ୍ୟପ୍ରଦେଶର ଉଜ୍ଜୟିନୀଠାରେ ଅବସ୍ଥିତ ଏହି ଶୈବପୀଠଟି ମଧ୍ୟ ଦ୍ୱାଦଶ ଜ୍ୟୋତିର୍ଲିଙ୍ଗ ମଧ୍ୟରୁ ଅନ୍ୟତମ। କୁହାଯାଏ, ଏଠାରେ ପୂଜା ପାଉଥିବା ପ୍ରଭୁ ସ୍ବୟଂଭୁ, ଆଉ ତାଙ୍କର ମୁଖ ଦକ୍ଷିଣ ଦିଗକୁ ରହିଥିବାରୁ ତାଙ୍କୁ ଦକ୍ଷିଣାମୂର୍ତ୍ତି ବି କୁହାଯାଇଥାଏ। ତେବେ ଏଠାରେ ହେଉଥିବା ଭସ୍ମ ଆଳତି ସବୁଠୁ ଲୋକପ୍ରିୟ। କୁହାଯାଏ, ଏହି ଭସ୍ମରେ ପ୍ରଭୁଙ୍କର ଅପୂର୍ବ ଶୃଙ୍ଗାର ହୋଇଥାଏ, ଯାହା ଖୁବ୍‌ ମନଛୁଆଁ ଲାଗିଥାଏ।

* କାଶୀ ବିଶ୍ୱନାଥ: ବାରାଣସୀରେ ଅବସ୍ଥିତ କାଶୀବିଶ୍ୱନାଥ ବି ହେଉଛନ୍ତି ଦ୍ୱାଦଶ ଜ୍ୟୋତିର୍ଲିଙ୍ଗ ମଧ୍ୟରୁ ଗୋଟିଏ। କୁହାଯାଏ, ଭକ୍ତିଭାବ ସହକାରେ ତାଙ୍କୁ ପୂଜିଲେ ସକଳ ଇଚ୍ଛା ପୂର୍ଣ୍ଣ ହୋଇଥାଏ। ସେହିପରି କଥିତ ଅଛି ଯେ, ଯେଉଁ ବ୍ୟକ୍ତିଙ୍କର ମୃତ୍ୟୁ ଏହି ପବିତ୍ର ଧାମରେ ହୋଇଥାଏ, ତାଙ୍କୁ ପୁନର୍ଜନ୍ମ ଚକ୍ରରୁ ମୁକ୍ତି ମିଳିଥାଏ।

*ତ୍ରୟମ୍ବକେଶ୍ୱର ମନ୍ଦିର: ନାସିକ୍‌ଠାରୁ ପ୍ରାୟ ୨୮ କିମି ଦୂରରେ ଥିବା ଏହି ପବିତ୍ର ପୀଠଟି ବି ହେଉଛି ଦ୍ୱାଦଶ ଜ୍ୟୋତିର୍ଲିଙ୍ଗ ମଧ୍ୟରୁ ଅନ୍ୟତମ। ସୂଚନାନୁଯାୟୀ, ଏହି ପବିତ୍ର ମନ୍ଦିରର ନିର୍ମାଣ ପେଶ୍‌ଓ୍ବା ବାଲାଜୀ ବାଜି ରାଓଙ୍କ ଦ୍ୱାରା କରାଯାଇଥିଲା। ଏଠାରେ ପୂଜା ପାଉଥିବା ଭଗବାନ ଖୁବ୍‌ ପ୍ରତ୍ୟକ୍ଷ ବୋଲି ଜନମତ ରହିଛି।

*ଅମରନାଥ ଗୁମ୍ଫା: ଜମ୍ମୁ-କଶ୍ମୀରରେ ଅବସ୍ଥିତ ଅମରନାଥ ଗୁମ୍ଫା ଏକ ପବିତ୍ର ହିନ୍ଦୁ ତୀର୍ଥସ୍ଥଳୀ ଭାବେ ଜଣାଶୁଣା। ପ୍ରତିବର୍ଷ ଲକ୍ଷାଧିକ ଭକ୍ତ ଏଠାକୁ ଆସି ବରଫଯୁକ୍ତ ଶିବଲିଙ୍ଗ ଦର୍ଶନ କରି ଅପାର କରୁଣା ଲଭିଥାନ୍ତି। ପୌରାଣିକ କଥାବସ୍ତୁ ଅନୁସାରେ, ଭଗବାନ ଶିବ ମାତା ପାର୍ବତୀଙ୍କୁ କୁଆଡ଼େ ଏହି ଗୁମ୍ଫାରେ ଅମର କଥା କାହାଣୀ ଶୁଣାଇଥିଲେ। ମାନ୍ୟତା ଅଛି ଯେ, ଏଠାରେ କୁଆଡ଼େ କପୋତଙ୍କର ଗୋଟିଏ ଯୋଡ଼ା ସବୁବେଳେ ଦେଖିବାକୁ ମିଳିଥାଏ। ସେମାନଙ୍କୁ ଅମର ପକ୍ଷୀ ବି କୁହାଯାଇଥାଏ, କାରଣ ସେମାନେ କୁଆଡ଼େ ଅମର କଥା ଶୁଣି ଅମର ହୋଇଯାଇଛନ୍ତି ବୋଲି ଲୋକବିଶ୍ୱାସ ରହିଛି।

*ରାମନାଥସ୍ବାମୀ ମନ୍ଦିର: ତାମିଲନାଡୁର ରାମେଶ୍ୱରମ୍‌ରେ ସ୍ଥାପିତ ରାମନାଥସ୍ବାମୀ ମନ୍ଦିର ବି ହେଉଛି ଏକ ପବିତ୍ର ଶୈବପୀଠ ଏବଂ ଦ୍ୱାଦଶ ଜ୍ୟୋତିର୍ଲିଙ୍ଗ ମଧ୍ୟରୁ ଗୋଟିଏ। ପୁରାଣଶାସ୍ତ୍ର ଅନୁଯାୟୀ, ଏହି ମନ୍ଦିରଟି ସେହି ସ୍ଥାନରେ ନିର୍ମିତ ହୋଇଛି, ଯେଉଁଠାରେ ଭଗବାନ ରାମ ରାବଣକୁ ବଧ କରିବା ପରେ ପାପମୁକ୍ତ ହେବା ପାଇଁ ଭଗବାନ ଶିବଙ୍କୁ ପୂଜା କରିଥିଲେ।
କେବଳ ଏତିକି ଶୈବପୀଠ ନୁହେଁ, ଭାରତରେ ଆହୁରି ଅନେକ ଶୈବପୀଠ ରହିଛି, ଯେଉଁଠାକୁ ଭକ୍ତଗଣ ବୁଲିଯାଇ ପ୍ରଭୁଙ୍କୁ ଦର୍ଶନ କରି ତାଙ୍କର ଅପାର କରୁଣା ଲଭିବା ସହ ଜୀବନ ଧନ୍ୟ କରିପାରିବେ।


Enter your email to get our daily news in your inbox.

All Right Reserved By Dharitri.Com

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଅନୁରାଧା ନକ୍ଷତ୍ରରେ ସୂର୍ଯ୍ୟଙ୍କ ପ୍ରବେଶ: ୫ ରାଶିର ଭାଗ୍ୟରେ ଲାଗିଲା ଚାରିଚାନ୍ଦ, ଧନଲାଭ ସହ ଚାକିରିରେ ବଡ଼ ପ୍ରମୋଶନ

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ମେଷ, ମିଥୁନ, କନ୍ୟା, ଧନୁ ଓ ମୀନ ରାଶିର ବ୍ୟକ୍ତିଙ୍କୁ ଭାଗ୍ୟର ସାଥ୍‌ ମିଳିବ। ଏହି ୫ଟି ରାଶିର ଲୋକଙ୍କ ପାଇଁ…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?