ଜଗନ୍ନାଥ ଧାମ ପୁରୀ ହୋଟେଲ ଶିଳ୍ପ ପାଇଁ ବେଶ୍ ପରିଚିତ। ଏହି ସଂସ୍କୃତି ଓ ଐତିହ୍ୟସମ୍ପନ୍ନ ସହରରେ ୧୯୮୦ ଦଶକରେ ସ୍ବର୍ଗତ ଲଡୁଗୋପାଳ ପାତ୍ର ହୋଟେଲ ହଲିଡେ ରିସର୍ଟ ପ୍ରତିଷ୍ଠା କରିଥିଲେ। ସେହି ସମୟରେ ବାପାଙ୍କ ସହ ହଲିଡେ ରିସର୍ଟକୁ ଯାଉଥିବାବେଳେ ହୋଟେଲ ଶିଳ୍ପ ପ୍ରତି ଆଗ୍ରହ ଜନ୍ମିଥିଲା ମନରେ। ପରବର୍ତ୍ତୀ ସମୟରେ ବାପା ଲଡ଼ୁବାବୁ ଓ ପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ନେଇ ଭୁବନେଶ୍ୱରରେ ପ୍ରତିଷ୍ଠା କଲେ ଲକ୍ଜ୍ୟୁରି ହୋଟେଲ ସାଣ୍ଡିଜ୍ ଟାଓ୍ବାର। ଦଶନ୍ଧି ଧରି ଆତିଥ୍ୟ ପ୍ରଦାନ କରୁଥିବା ଏହି ପ୍ରତିଷ୍ଠାନର ପରିଚାଳନା ନିର୍ଦ୍ଦେଶକ ଡ.ସଞ୍ଜୀବ ପାତ୍ରଙ୍କୁ ଭେଟିଥିଲା ଧରିତ୍ରୀ।
୧୦ ବର୍ଷ ମଧ୍ୟରେ ସଂସ୍ଥାର ବିକାଶ କିପରି ହୋଇଛି?
୨୦୧୧ରୁ ଆରମ୍ଭ ହୋଇଥିବା ଏହି ତାରକା ହୋଟେଲ ଜଗନ୍ନାଥଙ୍କ କୃପା ଓ ଗ୍ରାହକଙ୍କ ଭଲପାଇବା ଯୋଗୁ ସମସ୍ତଙ୍କ ପ୍ରିୟପାତ୍ର ହୋଇପାରିଛି। ମୋର କଠିନ ପରିଶ୍ରମ, କର୍ମଚାରୀଙ୍କ ଗ୍ରାହକ ସମ୍ପର୍କ, ହୋଟେଲର ରୁଚିକର ଖାଦ୍ୟ ପରିବେଷଣ ଏବଂ ବିଭିନ୍ନ ସଂସ୍ଥାର ସହଯୋଗରେ ହୋଟେଲର ଉତ୍ତରୋତ୍ତର ଉନ୍ନତି ହୋଇଛି। ବାପାଙ୍କ ବୃତ୍ତିକୁ ମୁଁ ବ୍ରତ ଭାବରେ ଗ୍ରହଣ କରିନେଇଛି। ଫଳରେ କମ୍ ସମୟରେ ହୋଟେଲ ସାଣ୍ଡିଜ୍ ଟାଓ୍ବାର ଗ୍ରାହକଙ୍କ ହୃଦୟରେ ଜାଗାଟିଏ କରି ବଡ଼ ପ୍ରତିଦ୍ୱନ୍ଦ୍ୱୀଙ୍କ ସମକକ୍ଷ ହୋଇପାରିଛି। ଗ୍ରାହକଙ୍କ ଚାହିଦା ଅନୁସାରେ ସେବା ଯୋଗାଇବାକୁ ମୂଳମନ୍ତ୍ର ବୋଲି ଧରି ନେଇଛି।
ଆର୍ଥିକ ବର୍ଷର କାରବାର ପାଇଁ ଯୋଜନା କ’ଣ?
ଗତବର୍ଷ ଅପେକ୍ଷା ଚଳିତବର୍ଷର ବ୍ୟବସାୟ ପ୍ରାୟ ୬୦% ହ୍ରାସ ପାଇଛି। ଏହାର ଭରଣା ସହିତ ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ଆଉ କିଛି ଲକ୍ଷ୍ୟ ପୂରଣ ହେବ ବୋଲି ଅନୁମାନ। ସ୍ଥିତିରେ ସୁଧାର ଆସିଲେ ସଂସ୍ଥାର ବିକାଶ ସହ ଗ୍ରାହକଙ୍କ ପସନ୍ଦ ମୁତାବକ ସେବା ଓ ସୁବିଧା ଯୋଗାଇଦେବୁ। ଆଗାମୀ ଦିନରେ ରାଜ୍ୟର ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ସଂସ୍ଥାର ଶାଖା ଖୋଲିବା ପାଇଁ ଆଶା ରହିଛି। ସବୁ ସେହି କାଳିଆର ଇଚ୍ଛା।
ଓ କର୍ମଚାରୀଙ୍କ ଉପରେ ମହାମାରୀର ପ୍ରଭାବ କିପରି ପରିଲକ୍ଷିତ ହୋଇଛି?
୨୦୨୦ ଅକ୍ଟୋବର ପର୍ଯ୍ୟନ୍ତ କାରବାର ମୋଟ ଉପରେ ମାନ୍ଦା ଥିଲା। କରୋନା କଟକଣା ସାଙ୍ଗକୁ ଲକ୍ଡାଉନ୍ ଓ ଶଟ୍ଡାଉନ୍ ଏବଂ ଗ୍ରାହକଙ୍କ ଆଗ୍ରହ ହ୍ରାସ ଯୋଗୁ ବ୍ୟବସାୟ ଏକପ୍ରକାର ଠପ ହୋଇଯାଇଥିଲା। ନଭେମ୍ବରରୁ ସ୍ଥିତିରେ ସୁଧାର ଆସିଥିଲେ ହେଁ ଡିସେମ୍ବର ଶେଷ ସୁଦ୍ଧା ଆଶାନୁରୂପ ଅଭିବୃଦ୍ଧି ହୋଇପାରନାହିଁ। ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ୪୦% ପର୍ଯ୍ୟନ୍ତ ଅଭିବୃଦ୍ଧି ସମ୍ଭାବନା ରହିଛି। କରୋନା ପାଇଁ କାର୍ଯ୍ୟକ୍ରମ ଓ ସଭା ସମିତି ବନ୍ଦ ରହିଥିବାରୁ ଏହା ସଂସ୍ଥା ପାଇଁ କ୍ଷତି ପହଞ୍ଚାଇଥିଲା। ମହାମାରୀରେ କର୍ମଚାରୀଙ୍କୁ ସେଭଳି କିଛି ସମସ୍ୟାର ସମ୍ମୁଖୀନ ହେବାକୁ ସଂସ୍ଥା ଦେଇନାହିଁ।
ବଜେଟ ହୋଟେଲ ଶିଳ୍ପକୁ କେତେ ସହାୟକ ହେବ?
ଏହା ଏକ ଭଲ ବଜେଟ। ଆଗକୁ ହୋଟେଲ ଶିଳ୍ପ ପାଇଁ ସହାୟକ ହୋଇପାରେ। କାରବାର ଅଭିବୃଦ୍ଧି ଘଟିବା ଆଶା ଅଛି। ଜିଏସ୍ଟି କାର୍ଯ୍ୟକାରୀ ହେବା ପରଠାରୁ ତାରକା ହୋଟେଲ ପ୍ରତି ଗ୍ରାହକଙ୍କ ଚାହିଦା ହ୍ରାସ ପାଉଥିବା ଲକ୍ଷ୍ୟ କରାଯାଉଛି। ଏ ସମ୍ପର୍କରେ ସଂଘ ମଧ୍ୟ ସରକାରଙ୍କ ଦୃଷ୍ଟିଆକର୍ଷଣ କରିଛି। ସରକାର ଜିଏସ୍ଟି ପରିମାଣ ଉପରେ ବିଚାର କଲେ ହୋଟେଲ ବ୍ୟବସାୟୀ ଉପକୃତ ହେବେ।
ଆଖି ଆଗରେ ରଖି ବ୍ୟବସାୟ କରୁଛନ୍ତି? ଗ୍ରାହକଙ୍କ ପାଇଁ କେଉଁ କେଉଁ ଖାଦ୍ୟ ଉପଲବ୍ଧ ରହିଛି?
ସାଣ୍ଡିଜ୍ ଟାଓ୍ବାରର ସ୍ବତନ୍ତ୍ର ଏକ ଯୋଜନା ରହିଛି। ସଂସ୍ଥା ସବୁବେଳେ ସରକାରୀ କାର୍ଯ୍ୟକ୍ରମ ସାଙ୍ଗକୁ କର୍ପୋରେଟ ହାଉସ୍ ସଭା ଓ ଅନ୍ୟାନ୍ୟ କାର୍ଯ୍ୟକ୍ରମ ଆଦିକୁ ଦୃଷ୍ଟିରେ ରଖି କାରବାର କରୁଛି। ସଂସ୍ଥାର ଗ୍ରାହକ ସମ୍ପର୍କ ଓ ଖାଦ୍ୟ ଓଡ଼ିଶାର ଘରେ ଘରେ ପରିଚିତ। ସେହିପରି ସଂସ୍ଥା ପ୍ରତି ଗ୍ରାହକଙ୍କ ବିଶ୍ୱାସ ଓ ଭରସା ରହିଛି। ଦୀର୍ଘ ୧୦ ବର୍ଷ ଧରି ପ୍ରିୟ ଗ୍ରାହକ ସେବାରେ ଆମେ ସର୍ମିପିତ। ଏଠାରେ ସବୁ ବର୍ଗର ଲୋକଙ୍କ ପାଇଁ ଓଡ଼ିଆ ଖାଦ୍ୟ ସମେତ ଚାଇନିଜ୍, ଜାପାନିଜ୍, କଣ୍ଟିନେଣ୍ଟ, ହାଇଦ୍ରାବାଦୀ ଭଳି ଖାଦ୍ୟ ମେନୁ ସହ ଆମ ରାଜ୍ୟର ବ୍ୟଞ୍ଜନ, ଓଡ଼ିଆ ଓ ବେଙ୍ଗଲୀ ଥାଳିର ପସରା ଉପଲବ୍ଧ।
ଟାଓ୍ବାରର ସଫଳତା ପଛରେ କାହାର ହାତ ବେଶି ରହିଛି?
ସଂସ୍ଥାର ସଫଳତା ପଛରେ ମୋ ବାପା (ଲଡ଼ୁ ବାବୁ), ଆମର ଆରାଧ୍ୟ ଦେବତା ପ୍ରଭୁ ଶ୍ରୀଜଗନ୍ନାଥ ଏବଂ ପରିବାରର ହାତ ରହିଛି। କର୍ମଚାରୀଙ୍କ ଲୋକସର୍ମ୍ପକ ସହିତ ସାଧୁତା ଓ ପରିଶ୍ରମ ମଧ୍ୟ ଅନେକାଂଶ ରହିଛି।
