ଖୋର୍ଦ୍ଧା ଅଫିସ,୨୩ା୧: ଖୋର୍ଦ୍ଧା-ନୟାଗଡ଼ ୫୭ ନମ୍ବର ଜାତୀୟ ରାଜପଥ ବାଘମାରୀ ସାରୁଅ ରାସ୍ତା ମଝିରେ ସୋମବାର ସିରିଜ ଦୁର୍ଘଟଣା ହୋଇଛି। ଦୁଇ ଯାତ୍ରୀବାହୀ ଅଟୋ ସହ ପିକ୍ଅପ୍ ଓ ଟାଟାଏସି ଏବଂ ବାଇକ୍ ମଧ୍ୟରେ ଧକ୍କା ହୋଇଛି। ଦୁଇ ଅଟୋ, ବାଇକ ସମ୍ପୂର୍ଣ୍ଣ ଚୂରମାର ହୋଇଯାଇଥିବା ବେଳେ ୪ ଆହତ ହୋଇଛନ୍ତି।
ବାଇକ୍ ଚାଳକ ଅଭିମନ୍ୟୁ ଜେନା କୁହନ୍ତି, ଓଭର ଟେକ୍ କରିବାକୁ ଯାଇ ଏକ ଟାଟାଏସି କଦଳୀ ବୋଝେଇ ପିକ୍ଅପ୍କୁ ଧକ୍କା ଦେଇଥିଲେ। ଏହି ସମୟରେ ଦୁଇ ଅଟୋ ମୁହାମୁହିଁ ଧକ୍କା ହୋଇ ଏକ ବାଇକ୍କୁ ଧକ୍କା ଦେଇ ରାସ୍ତା ପାର୍ଶ୍ୱକୁ ଓଲଟି ପଡ଼ିଥିଲା। ଘଟଣାସ୍ଥଳରେ ୪ ଜଣ ଆହତ ହୋଇଥିଲେ। ଖବର ପାଇ ବାଘମାରୀ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ମେଡିକାଲ ପଠାଇଛି। ରାଜପଥରେ କିଛି ସମୟ ଟ୍ରାଫିକ୍ ସମସ୍ୟା ସୃଷ୍ଟି ହୋଇଥିଲା। ପରେ ଯାନବାହନ ଚଳାଚଳ ସ୍ବାଭାବିକ ହୋଇଛି।
