ଜ୍ୟୋତିଷ ଦୃଷ୍ଟିରୁ ସେପ୍ଟେମ୍ବର ମାସକୁ ବେଶ ଗୁରୁତ୍ୱପୂର୍ଣ୍ଣ ବୋଲି ମନେ କରାଯାଉଛି। ଏହି ମାସରେ ୪ଟି ବଡ଼ ଗ୍ରହ ନିଜ ରାଶି ପରିବର୍ତ୍ତନ କରିବେ। ମାସ ଆରମ୍ଭରେ ଶୁକ୍ର ବୃଷ ରାଶିରେ ଗୋଚର କରିବେ। ସେହିପରି ବୁଧ ଦୁଇଥର ରାଶି ପରିବର୍ତ୍ତନ କରିବେ। ୭ ସେପ୍ଟେମ୍ବରରେ ବୁଧ କନ୍ୟା ରାଶିରେ ଏବଂ ୨୬ ସେପ୍ଟେମ୍ବରରେ ତୁଳା ରାଶିରେ ପ୍ରବେଶ କରିବେ।
ଏହାବ୍ୟତୀତ ୧୭ ସେପ୍ଟେମ୍ବରରେ ସୂର୍ଯ୍ୟ କନ୍ୟା ରାଶିରେ ଗୋଚର କରିବେ। ଅନ୍ୟପଟେ ମଙ୍ଗଳ ନୀଚ ରାଶି କର୍କଟରେ ପ୍ରବେଶ କରିବେ। ଗ୍ରହମାନଙ୍କ ଏହି ପରିବର୍ତ୍ତିତ ଚାଲର ପ୍ରଭାବ ସମସ୍ତ ରାଶି ଉପରେ ପଡ଼ିପାରେ। କିଛି ରାଶିଙ୍କୁ ଭଲ ଫଳ ମିଳିବାର ସମ୍ଭାବନା ଥିବାବେଳେ ଆଉ କିଛି ରାଶିଙ୍କୁ ସତର୍କ ରହିବାକୁ ପଡ଼ିପାରେ।
ଜ୍ୟୋତିଷୀୟ ଆକଳନ ଅନୁସାରେ, ସେପ୍ଟେମ୍ବରରେ ବୃଷ, କର୍କଟ, ସିଂହ, କନ୍ୟା, ତୁଳା, ମକର, କୁମ୍ଭ ଓ ମୀନ ରାଶିର ଜାତକଙ୍କୁ ଭଲ ଫଳ ମିଳିପାରେ। ଏହି ରାଶିର ଲୋକଙ୍କୁ ପରିଶ୍ରମର ଉଚିତ ଫଳ ମିଳିବା ସହ କ୍ୟାରିୟର ଓ ବ୍ୟବସାୟରେ ଉନ୍ନତିର ସୁଯୋଗ ଆସିପାରେ।
ଶୁକ୍ରଙ୍କ ସ୍ଥିତି ଯୋଗୁbପରିବାର ଓ ପ୍ରେମ ସମ୍ପର୍କରେ ସକାରାତ୍ମକ ପରିବର୍ତ୍ତନ ଆସିପାରେ। ସୂର୍ଯ୍ୟ ଓ ମଙ୍ଗଳଙ୍କ ସ୍ଥିତି ମଧ୍ୟ କ୍ୟାରିୟର-ବ୍ୟବସାୟ ପାଇଁ ଲାଭଦାୟକ ହୋଇପାରେ। ବୃଷ ଓ କୁମ୍ଭ ରାଶିର ଜାତକଙ୍କ ମନୋକାମନା ପୂରଣ ହେବାର ଯୋଗ ଥିବାବେଳେ କର୍କଟ, ସିଂହ ଓ ତୁଳା ରାଶିର ଲୋକଙ୍କୁ ପରିଶ୍ରମର ଭଲ ଫଳ ମିଳିପାରେ। ଦୀର୍ଘଦିନ ଧରି ଅଟକିଥିବା କାମ ମଧ୍ୟ ଏହି ମାସରେ ସମ୍ପୂର୍ଣ୍ଣ ହୋଇପାରେ।
ସେପ୍ଟେମ୍ବରରେ ମେଷ, ମିଥୁନ, ବିଛା ଓ ଧନୁ ରାଶିର ଜାତକଙ୍କୁ ବିଶେଷ ସତର୍କତା ଅବଲମ୍ବନ କରିବାକୁ ପଡ଼ିପାରେ। ବିଶେଷକରି ଧନ ସମ୍ପର୍କିତ ନିଷ୍ପତ୍ତି ନେବାବେଳେ ଭଲ ଭାବରେ ବିଚାର କରିବା ଆବଶ୍ୟକ। ଅସାବଧାନତା ଦ୍ୱାରା ଆର୍ଥିକ କ୍ଷତି ହେବାର ଆଶଙ୍କା ରହିପାରେ।
କ୍ୟାରିୟରରେ ସଫଳତା ପାଇଁ ଏହି ରାଶିର ଲୋକଙ୍କୁ ଅଧିକ ପରିଶ୍ରମ କରିବାକୁ ପଡ଼ିପାରେ। ଦୈନନ୍ଦିନ ଜୀବନଚର୍ଯ୍ୟାରେ ଉନ୍ନତି ଆଣିଲେ ସକାରାତ୍ମକ ପରିବର୍ତ୍ତନ ଆସିପାରେ। ସ୍ବାସ୍ଥ୍ୟ ଦିଗରୁ ମଧ୍ୟ ସତର୍କ ରହିବା ଭଲ।
Odisha’s No.1 Odia Daily
