ମୁମ୍ବାଇ: ଅକ୍ଷୟ କୁମାରଙ୍କ ଅଭିନୀତ କିଛି ଫିଲ୍ମ ଲଗାତାର ଫ୍ଲପ ହେବାରେ ଲାଗିଛି । ନିକଟରେ ରିଲିଜ୍ ହୋଇଥିବା ମୁଭି ‘ସେଲଫି’ ବି ଅକ୍ଷୟଙ୍କ ସମସ୍ତ ଆଶାକୁ ମଉଳାଇ ଦେଇଛି । ଓପନିଂ ଡେରୁ ହିଁ ‘ସେଲଫି’ ଖରାପ ପରଫର୍ମ କରି ଚାଲିଛି । ଏବେ ଏହା ବକ୍ସ ଅଫିସରେ ସମ୍ପୁର୍ଣ୍ଣ ଭାବେ ଧରାଶାୟୀ ହୋଇଯାଇଛି । ଯାହା ଆଶା କରାଯାଉଥିଲା ତା’ର ଅଧା ମଧ୍ୟ ଆୟ କରିପାରିନି ଅକ୍ଷୟଙ୍କ ‘ସେଲଫି’ ।
ଅକ୍ଷୟ କୁମାର ଓ ରାଜ ମେହେଟା ଗୁଡ ନ୍ୟୁଜ ଭଳି ସୁପରହିଟ ମୁଭି ଦେଇଥିବା ବେଳେ ସେକେଣ୍ଡ ଟାଇମ କିନ୍ତୁ ଏମାନେ ସମ୍ପୂର୍ଣ୍ଣ ଭାବେ ଫେଲ ମାରିଛନ୍ତି । ଦର୍ଶକେ ନିକଟରେ ରିଲିଜ୍ ହୋଇଥିବା ମୁଭି ‘ସେଲଫି’କୁ ପସନ୍ଦ କରି ନାହାନ୍ତି । ବକ୍ସ ଅଫିସରେ ଏହା ଖୁବ କମ କଲେକ୍ସନ କରିଛି ।
ପ୍ରଥମ ଦିନ ମୁଭି ୨.୫୫ କୋଟି କଲେକସନ କରିଥିବା ବେଳେ ଦ୍ୱିତୀୟ ଦିନ ୩.୮୦ କୋଟି, ତୃତୀୟ ଦିନ ୩.୯୦, ଚତୁର୍ଥ ଦିନ ୧.୩ କୋଟି ଓ ପଞ୍ଚମ ଦିନ ୧.୧୦ କୋଟି ଆୟ କରି ଏବେ ସୁଦ୍ଧା ସେଲଫି ମୋଟ ୧୨.୭୦ କୋଟି କଲେକସନ କରିପାରିଛି । ଏହା ସ୍ପଷ୍ଟ କରିଛି ଯେ ବକ୍ସ ଅଫିସରେ ସମ୍ପୂର୍ଣ୍ଣ ଫ୍ଲପ ହୋଇଛି ସେଲଫି ।
