ଓ୍ବାଶିଂଟନ୍,୧୫।୧୧: ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କୁ ନେଇ ଆସିଛି ବଡ଼ ଖବର। ତାଙ୍କ ସୁରକ୍ଷାରେ ନିୟୋଜିତ ହୋଇଥିବା ଜଣେ ସିକ୍ରେଟ ସର୍ଭିସ ଏଜେଣ୍ଟଙ୍କ ସାଂଘାତିକ କାମ ସାମ୍ନାକୁ ଆସିଛି। ସେ ୨୦୨୨ରେ ହାୱାଇରେ ସମୁଦ୍ରକୂଳରେ ଥିବା ବାସଭବନକୁ ଶାରୀରିକ ସମ୍ପର୍କ କରିବା ପାଇଁ ନିଜର ପ୍ରେମିକାଙ୍କୁ ଆଣିଥିଲେ। ଏହି ସମୟରେ ଉକ୍ତ ଘରେ ଓବାମା କିମ୍ବା ତାଙ୍କ ସ୍ତ୍ରୀ ମିଚେଲ ନ ଥିଲେ। ତେବେ ଏଜେଣ୍ଟ ଜଣଙ୍କ ଏପରି କରି ଜାତୀୟ ସୁରକ୍ଷାରେ ବୁଝାମଣା କରିଥିଲେ। ଏଥିଯୋଗୁ ତାଙ୍କୁ ଚାକିରିରୁ ବହିଷ୍କାର କରାଯାଇଥିଲା।
ଏଜେଣ୍ଟଙ୍କ ପୂର୍ବତନ ପ୍ରେମିକା ଯିଏ ସେଦିନ ଓବାମାଙ୍କ ଘରକୁ ଯାଇଥିଲେ ଏନେଇ ସେ ଏକ ପୁସ୍ତକରେ ଉଲ୍ଲେଖ କରିଛନ୍ତି। ଏଥିରେ ସେ ପୂରା ଘଟଣା ସମ୍ପର୍କରେ ଉଲ୍ଲେଖ କରିଛନ୍ତି। ବହିରେ ସେ ଏହି ସୁରକ୍ଷାକର୍ମୀଙ୍କ ନାଁ ଡାଲେ କହିଛନ୍ତି। ଏଥିରେ ପ୍ରେମିକା ଜଣଙ୍କ କହିଛନ୍ତି ଯେ, ଡାଲେ ତାଙ୍କୁ ପ୍ରେମ ଜାଲରେ ଫସାଇଥିଲେ। ଏହାପରେ ଓବାମାଙ୍କ ସ୍ତ୍ରୀ ମିଚେଲଙ୍କ ବାଥରୁମ ଭିତରେ ସେକ୍ସ କରିଥିଲେ।
ଆମେରିକାର ସିକ୍ରେଟ ସର୍ଭିସର ଯୋଗାଯୋଗ ମୁଖ୍ୟ ଆନ୍ଥୋନୀ ଏକଥାକୁ ନିଶ୍ଚିତ କରିଛନ୍ତି। ଏମିତ ଏକ ଘଟଣା ୨୦୨୨ରେ ଘଟିଥିଲେ। ପ୍ରଥମେ ଉକ୍ତ ଏଜେଣ୍ଟଙ୍କୁ ନିଲମ୍ବିତ କରାଯାଇଥିଲା। ଏହାପରେ ସେ ବହିଷ୍କୃତ ହୋଇଥିଲେ। କହିରଖୁଛୁ, ୨୦୨୨ ନଭେମ୍ବର ୬ ତାରିଖ ଘଟଣା ବେଳେ ଘରେ ଓବାମା କିମ୍ବା ତାଙ୍କ ସ୍ତ୍ରୀ ଉପସ୍ଥିତ ନଥିଲେ।
