ଇମ୍ଫାଲ,୨୦।୧୦: ମଣିପୁରର ଇମ୍ଫାଲ ପୂର୍ବ ଜିଲାରେ ସୁରକ୍ଷା ବାହିନୀଙ୍କ ସର୍ଚ୍ଚ ଅପରେଶନ ବେଳେ ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରିଛି। ଗୁରୁବାର ଇମ୍ଫାଲ ପୂର୍ବ ଜିଲାର ସାଗୋଲମାଙ୍ଗ ପୋଲିସ ଷ୍ଟେଶନ ସୀମା ଅନ୍ତର୍ଗତ ଶାନ୍ତିପୁର, ଖାମେନଲୋକ ଏବଂ ୱାକନ ଅଞ୍ଚଳରୁ ଏହି ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଇଛି ବୋଲି ପୋଲିସ କହିଛି। ଜବତ ହୋଇଥିବା ଅସ୍ତ୍ରରେ, ଚାରି କାର୍ବାଇନ ମେଶିନ ବନ୍ଧୁକ, ସାତଟି ଏସ୍ଏଲଆର ଏବଂ ୧,୬୧୫ ହ୍ୟାଣ୍ଡ ଗ୍ରେନେଡ ସହିତ ୮୨ ରାଉଣ୍ଡ ଗୋଳା-ବାରୁଦ ଏବଂ ବିସ୍ଫୋରକ ସାମଗ୍ରୀ ରହିଛି।
ଅଧିକାରୀ କହିଛନ୍ତି, ସୁରକ୍ଷା ବାହିନୀ ବୁଲେଟପ୍ରୁଫ ଜ୍ୟାକେଟ, ୱାକି ଟକି ସେଟ ସମେତ ୧୩୨ ଯୁଦ୍ଧ ଭଳି ଜିନିଷ ମଧ୍ୟ ଉଦ୍ଧାର କରିଛନ୍ତି। ଉଦ୍ଧାର ହୋଇଥିବା ଅସ୍ତ୍ରରେ ତିନୋଟି ଏକେ ୪୭/୫୬ ରାଇଫଲ ଏବଂ କାର୍ବାଇନ ମେଶିନ ବନ୍ଧୁକ ରହିଛି। ସେ କହିଛନ୍ତି ଯେ ଜବତ ସାମଗ୍ରୀ ସାଗୋଲମାଙ୍ଗ ପୋଲିସ ଷ୍ଟେଶନକୁ ହସ୍ତାନ୍ତର କରାଯାଇଛି।
