ଭୁବନେଶ୍ୱର,୧୨ା୨: ଭାରତ ବନ୍ଦର ପ୍ରଭାବ ମଧ୍ୟ ଦେଖିବାକୁ ମିଳିଲାଣି । ପ୍ରମୁଖ ଛକମାନଙ୍କରେ ବନ୍ଦ ରହିଛି ଗାଡ଼ି ଚଳାଚଳ ଓ ଦୋକାନ ବଜାର । ମେଡିକାଲ, ଦମକଳ କେନ୍ଦ୍ର, ସରକାରୀ ଅଫିସ ଖୋଲା ରହିଥିବା ବେଳେ ଜଳଯୋଗାଣ, ବିଦ୍ୟୁତ୍ ସେବା ଜାରି ରହିଛି । ଆଜି ଭାରତ ବନ୍ଦ । ୧୨ ଘଣ୍ଟିଆ ଭାରତ ବନ୍ଦ ଡାକରା ଦିଆଯାଇଛି । ସକାଳ ୬ରୁ ସନ୍ଧ୍ୟା ୬ଟା ଯାଏ ବନ୍ଦ ଡାକରା ଦେଇଛନ୍ତି ୧୦ରୁ ଅଧିକ ସଂଗଠନ । ଏହାକୁ ସମର୍ଥନ ଜଣାଇଛନ୍ତି ବିଭିନ୍ନ ରାଜନୈତିକ ଦଳ ।
ଦୋକାନ ବଜାର ବନ୍ଦ ରହିଥିବା ଦେଖିବାକୁ ମିଳିଛି । ତେବେ ଏହି ବନ୍ଦରୁ ଜରୁରୀକାଳୀନ ସେବାକୁ ବାଦ୍ ଦିଆଯାଇଛି । ସରକାରୀ ଅଫିସ, ମେଡିକାଲ, ଆମ୍ବୁଲାନ୍ସ ସେବା, ସମ୍ବାଦ ସରବରାହ, ଫାୟାର ବ୍ରିଗେଡ୍ ସେଵା ଓ ଜଳଯୋଗାଣ, ବିଦ୍ୟୁତ ସେବା ଜାରି ରହିବ । ତେବେ ଭାରତ ବନ୍ଦ ଡାକରା ଦିଆଯାଇଥିବାରୁ କିଛି ସ୍ଥାନରେ ସ୍କୁଲ ବନ୍ଦ ରହିପାରେ । ଏ ନେଇ ସରକାରଙ୍କ ପକ୍ଷରୁ କୌଣସି ଘୋଷଣା କରାଯାଇନଥିଲେ ମଧ୍ୟ କିଛି ସ୍ଥାନରେ ସ୍କୁଲ ବନ୍ଦ ରହିପାରେ । ପିଲାଙ୍କ ପାଠପଢା ପ୍ରଭାବିତ ହୋଇପାରେ ।
