ଗୋଟିଏ ପଟେ ବିଜ୍ଞାନର ଅଗ୍ରଗତି ହେଉଥିବା ବେଳେ ଆଉକିଛି ଲୋକ ଅନ୍ଧବିଶ୍ୱାସକୁ ଜାବୁଡ଼ି ଧରିଛନ୍ତି। ଏପରିକି ଅନ୍ଧବିଶ୍ୱାସ ପାଇଁ ସ୍ବତନ୍ତ୍ର ଏକ ପାଠଶାଳା ମଧ୍ୟ ଖୋଲିଛନ୍ତି। ଯେଉଁଠାରେ ଝଡ଼ାଫୁଙ୍କା ନିମନ୍ତେ ତାଲିମ ଦିଆଯାଏ। ଏମିତି ଏକ ଅଜବ ପାଠଶାଳା ଝାଡ଼ଖଣ୍ଡର ଲାତେହାର ଜିଲାରେ ରହିଛି।
ଲାତେହାର ସଦର ଉପଖଣ୍ଡରୁ ପ୍ରାୟ ୧୫ କିଲୋମିଟର ଦୂର ବଭନହେରୁବା ଗାଁରେ ଆଜି ମଧ୍ୟ ଅନ୍ଧବିଶ୍ୱାସର ଏକ ପାଠଶାଳା ଚାଲୁ ରହିଛି। ଏଠାରେ ୧୦ ମାସରେ ୪ ମାସ କ୍ଲାସ ହୋଇଥାଏ। ପ୍ରାୟ ୪୦ ଲୋକ ସାପ, ବିଚ୍ଛା ଆଦି ବିଷ ଝାଡ଼ିବାକୁ ମନ୍ତ୍ର ପାଇଁ ତାଲିମ ନେଉଛନ୍ତି। ଏଠାରେ ଯୁବକଙ୍କଠାରୁ ଆରମ୍ଭ କରି ବୃଦ୍ଧ ପର୍ଯ୍ୟନ୍ତ ମନ୍ତ୍ର ସାଧନା ତାଲିମ ନେଉଛନ୍ତି। ହାତରେ କୁକୁଡ଼ା, ଚାଉଳ ଏବଂ ସିନ୍ଦୁର ନେଉଛନ୍ତି। ପ୍ରଥମେ ଛେଳି ପୁଣି କୁକୁଡ଼ା, ବିଲେଇ ଦେବାର ପରମ୍ପରା ଚାଲିଆସୁଛି। ସାଧାରଣତଃ ଏପରି ତାଲିମ ନାଗପଞ୍ଚମୀ ପର୍ବ ସମୟରେ ଦିଆଯାଇଥାଏ। ଏଥିରେ ସମସ୍ତ ଶିଷ୍ୟଙ୍କୁ ଶିକ୍ଷାଦିକ୍ଷା ଦିଆଯାଏ। ଏଠାରେ ୪ ମାସ ପର୍ଯ୍ୟନ୍ତ ସକାଳୁ ସନ୍ଧ୍ୟା ପର୍ଯ୍ୟନ୍ତ ତାଲିମ ଦିଆଯାଏ।
ଏ ସମ୍ପର୍କରେ ଲାତେହାର ସିଭିଲ ସର୍ଜନ ସନ୍ତୋଷ କୁମାର ଶ୍ରୀବାସ୍ତବ କୁହନ୍ତି, ଆଜି ବି ଲୋକମାନେ ଅନ୍ଧବିଶ୍ୱାସ କାରଣରୁ ଗାଁରେ ଝଡ଼ାଫୁଙ୍କା କରି ବହୁ ବିଳମ୍ବରେ ହସ୍ପିଟାଲ ଆସୁଛନ୍ତି। ଫଳରେ ଏହା ମୃତ୍ୟୁର କାରଣ ପାଲଟୁଛି।
