ବର୍ତ୍ତମାନ ବିଭିନ୍ନ ଯାନବାହନ ବ୍ୟବହାର କରିବାରେ ସବୁଠୁ ଆଗରେ ଅଛନ୍ତି ଯୁବପିଢି। ତେଣୁ ସେମାନେ ଗାଡ଼ି ଚଲାଇବା ସମୟରେ କେତୋଟି ଛୋଟ କଥା ପ୍ରତି ଦୃଷ୍ଟି ଦେଲେ ପେଟ୍ରୋଲ, ଡିଜେଲ ଆଦି ଇନ୍ଧନ ଖର୍ଚ୍ଚ କମାଇପାରିବେ…
ଚଲାଇବା ସମୟରେ ସ୍ମୁଥ୍ ଡ୍ରାଇଭିଂ ପ୍ରତି ଧ୍ୟାନ ଦିଅନ୍ତୁ। ଏହାଦ୍ୱାରା କିଛି ମାତ୍ରାରେ ପେଟ୍ରୋଲ୍, ଡିଜେଲ୍ ସେଭ୍ କରିପାରିବେ। କାରଣ ଷ୍ଟାଇଲ୍ ପାଇଁ କେତେକ ଯୁବପିଢ଼ିଙ୍କର ରଫ୍ ଡ୍ରାଇଭିଂ କରିବା, ମନଇଚ୍ଛା ଗାଡ଼ିର ଏକ୍ସଲିଟର ବଢ଼ାଇବା, ହଠାତ୍ ବ୍ରେକ୍ କରିବା ଆଦି ବଦଭ୍ୟାସ ଯୋଗୁ ଗାଡ଼ିର ଇନ୍ଧନ ଅଧିକ ସରିଥାଏ। ସେହିପରି ଗିଅର ବ୍ୟବହାର ମଧ୍ୟ ଠିକ୍ ଭାବେ ନ କଲେ ଅଧିକ ଇନ୍ଧନ ସରୁଥିବାରୁ ଏଥିପ୍ରତି ଯତ୍ନଶୀଳ ହୁଅନ୍ତୁ।
ହେଉ ବା ବଡ଼ ଗାଡ଼ି ବ୍ୟବହାର କରୁଥିଲେ ଟ୍ରାଫିକ୍ କିମ୍ବା ଅନ୍ୟ କୌଣସି ସ୍ଥାନରେ ଠିଆ ହେବା ସମୟରେ ଷ୍ଟାର୍ଟ ବନ୍ଦ ରଖନ୍ତୁ। କାରଣ ଷ୍ଟାର୍ଟ ମୋଡ୍ରେ ରଖି ଅଧିକ ସମୟ ଗାଡ଼ି ଠିଆ କଲେ ଆବଶ୍ୟକରୁ ଯଥେଷ୍ଟ ଅଧିକ ଇନ୍ଧନ ନଷ୍ଟ ହୋଇଥାଏ।
କୌଣସି ନୂଆ ସ୍ଥାନକୁ ଯିବାର ଥିଲେ ପ୍ରଥମେ ଉକ୍ତ ସ୍ଥାନର ଅବସ୍ଥିତି ସମ୍ପର୍କରେ ଭଲ ଭାବେ ବୁଝି ସବୁଠାରୁ କମ୍ ଦୂରତା ବା ଶର୍ଟକଟ୍ ରାସ୍ତା ବାଛନ୍ତୁ। ନଚେତ୍ ଏଣେ ତେଣେ ଖୋଜିବାରେ ଉଭୟ ସମୟ ଏବଂ ଇନ୍ଧନ ଅଧିକ ନଷ୍ଟ ହେବ।
ଗାଡ଼ିରେ ଏସିରେ ବସିବା ଯଦିଓ ଆରାମଦାୟକ ହେଲେ ଆପଣ ଜାଣନ୍ତି କି, ଏସି ପ୍ରାୟ ୧୦% ପେଟ୍ରୋଲ୍ ଖର୍ଚ୍ଚ କରିଥାଏ। ତେଣୁ ଏସି ଅନ୍ କରୁଥିଲେ ଗାଡି ଭିତର ଥଣ୍ଡା ହେବାର ତୁରନ୍ତ ପରେ ବନ୍ଦ କରିଦିଅନ୍ତୁ।
ଗାଡିକୁ ଖରାରେ ରଖିଲେ ସିଧା ସଳଖ ସୂର୍ଯ୍ୟକିରଣ ସଂସ୍ପର୍ଶରେ ଆସିବା ଦ୍ୱାରା ଗାଡି ସହ ଏହାର ଇଞ୍ଜିନ ଗରମ ହୋଇଥାଏ। ଗାଡି ଷ୍ଟାର୍ଟ ହେବା ପରେ ଇଞ୍ଜିନ ଥଣ୍ଡା ହେବା ଲାଗି ଅଧିକ ଇନ୍ଧନ ଆବଶ୍ୟକ କରିଥାଏ। ତେଣୁ ଦିନବେଳା ସବୁବେଳେ ଗାଡ଼ିକୁ ଛାଇରେ ପାର୍କିଂ କରନ୍ତୁ ଇନ୍ଧନ ଖର୍ଚ୍ଚ ଅପେକ୍ଷାକୃତ କମ୍ ହେବ।
ଅଧିକ ଓଜନ ହେଲେ ୨% ଇନ୍ଧନ ଅଧିକ ସରିଥାଏ। ତେଣୁ ଇନ୍ଧନ ଖର୍ଚ୍ଚ କମାଇବାକୁ ଚାହୁଁଥିଲେ ଅନାବଶ୍ୟକ ସ୍ଥଳେ ଗାଡ଼ିରେ ଅଧିକ ଓଜନ ବଢ଼ାନ୍ତୁ ନାହିଁ।
