ବଲାଙ୍ଗୀର,୨୦ା୫(ସୁନିଲ କୁମାର ମହାନ୍ତି): ବଲାଙ୍ଗୀର ଜିଲା ସିନ୍ଧେକେଲା ଥାନା ଗୁଡ଼ତୁଲା ଗ୍ରାମରେ ସସ୍ମିତା ରଣାଙ୍କ ସନ୍ଦେହଜନକ ମୃତ୍ୟୁକୁ ନେଇ ଚର୍ଚ୍ଚା ଚାଲିଥିବା ବେଳେ ବୁଧବାର ପରିବାର ଲୋକେ ନ୍ୟାୟ ଦାବି ନେଇ ବଲାଙ୍ଗୀର ଏସ୍ପିଙ୍କ ଅଫିସରେ ପହଞ୍ଚିଛନ୍ତି।
ସୂଚନାନୁଯାୟୀ, ଗନ୍ଧର୍ଲା ଗ୍ରାମର ସସ୍ମିତା ରଣା (୨୦) ଟିଟିଲାଗଡ଼ ବ୍ଲକ ଅନ୍ତର୍ଗତ ଗୁଡ଼ତୁଲା ଗ୍ରାମର ନବୀନ ରଣା (୨୬)ଙ୍କୁ ୧୪ ମାସ ଆଗରୁ ବିବାହ କରିଥିଲେ। ସାବିତ୍ରୀ ପାଇଁ ସସ୍ମିତା ବାପଘରକୁ ଫୋନ୍ କରି ପୂଜା ସାମଗ୍ରୀ ଆଣିବା ପାଇଁ କହିଥିବା ବେଳେ ହଠାତ୍ ସସ୍ମିତାଙ୍କ ସ୍ବାମୀ ଫୋନ୍ କରି ସାମଗ୍ରୀ ନ ଆଣିବା ପାଇଁ କହିଥିଲେ। ଏହା ପରେ ସସ୍ମିତା ତାଙ୍କ ଭାଇଙ୍କୁ ଆଉ ବ୍ରତ କରିବେ ନାହିଁ ବୋଲି କହିଥିବା ପରିବାର ଲୋକେ କହିଛନ୍ତି। କିଛି ସମୟ ପରେ ପରିବାର ଲୋକଙ୍କ ପାଖକୁ ସସ୍ମିତାଙ୍କ ମୃତ୍ୟୁ ଖବର ପହଞ୍ଚିଥିଲା। ମୃତ୍ୟୁ ଖବର ସିନ୍ଧେକେଲା ପୋଲିସ ପାଇବା ପରେ ପହଞ୍ଚିଥିଲା। ଏହା ଆତ୍ମହତ୍ୟା ନା ହତ୍ୟା ତାକୁ ନେଇ ପୋଲିସ ତଦନ୍ତ ଆରମ୍ଭ କରିଥିବା ଜଣାପଡ଼ିଛି। ସସ୍ମିତାଙ୍କ ମୃତ୍ୟୁକୁ ନେଇ ପରିବାର ଲୋକେ ସନ୍ଦେହ କରି ତାଙ୍କ ଝିଅକୁ ହତ୍ୟା କରାଯାଇଥିବା ଅଭିଯୋଗ ଆଣି ଆଜି ଏସ୍ପିଙ୍କ କାର୍ଯ୍ୟାଳୟରେ ପହଞ୍ଚି ନ୍ୟାୟ ମାଗିଛନ୍ତି। ତେବେ ମୃତ ସସ୍ମିତାଙ୍କ ବେକରେ ଚିହ୍ନ ଥିବାରୁ ତାଙ୍କୁ ହତ୍ୟା କରିଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି।
