ମୁମ୍ବାଇ,୧୮ ।୫: ଇଣ୍ଡିଆନ ପ୍ରମିୟର ଲିଗ(ଆଇପିଏଲ)୨୦୨୨ରେ ମଙ୍ଗଳବାର ସନରାଇଜର୍ସ ହାଇଦ୍ରାବାଦ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ମ୍ୟାଚ ଥିଲା । ମୁମ୍ବାଇ ଇଣ୍ଡିଆନ୍ସର କ୍ୟାପଟେନ ରୋହିତ ଶର୍ମା ଏହି ମ୍ୟାଚରେ ୪୮ ରନ କରିଥିବା ବେଳେ ତାଙ୍କର ସର୍ଟ ଦର୍ଶକଙ୍କୁ ପାଗଳ କରିଥିଲା । ଏହି ସମୟରେ ସାରା ତେନ୍ଦୁଲକରଙ୍କ ରିଆକ୍ସନ ବି ଦେଖିବାକୁ ମିଳିଥିଲା । ଯାହାର କିଛି ଫଟୋ ଏବେ ଭାଇରାଲ ହେବାରେ ଲାଗିଛି ।
ସୂଚନାଯୋଗ୍ୟ, ପୂର୍ବତନ କ୍ରିକେଟର ସଚ୍ଚିନ ତେନ୍ଦୁଲକରଙ୍କ ଝିଅ ସାରା ତେନ୍ଦୁଲକର ବି ମୁମ୍ବାଇର ୱାନଖେଡେ ଷ୍ଟାଡିୟମରେ ହେଉଥିବା ମ୍ୟାଚ ଦେଖିବାକୁ ପହଞ୍ଚିଥିଲେ । ସେ ବାଲକୋନିରେ ଠିଆ ହୋଇଥିବା ବେଳେ ନିଜ ଟିମ୍କୁ ଚିୟର କରୁଥିଲେ । ଯେତେବେଳେ ରୋହିତ ଶର୍ମା ୬ ମାରିଥିଲେ ସେତେବେଳେ ସାରା ତେନ୍ଦୁଲକର ଝୁମି ଉଠିଥିଲେ ଓ ଟିମ୍କୁ ଜବରଦସ୍ତ ଚିୟର କରିଥିଲେ । ଏହି ସମୟରେ ସାରାଙ୍କ ରିଆକ୍ସନ ଟେଲିଭିଜନ ସ୍କ୍ରିନରେ ଦେଖିବାକୁ ମିଳିଥିଲା । ଏହାସହ ସେହି ମୁହୂର୍ତ୍ତର କିଛି ଫଟୋ ବି ଏବେ ଭାଇରାଲ ହେବାରେ ଲାଗିଛି । ଏହା ପୂର୍ବରୁ ବି ମୁମ୍ବାଇ ଇଣ୍ଡିଆନ୍ସର କିଛି ମ୍ୟାଚ ଦେଖିବାକୁ ସାରା ଷ୍ଟାଡିୟମ ପହଞ୍ଚିଥିବା ଦେଖାଯାଇଛି ।
