କଟକ ଅଫିସ,୧୬ା୪: ରାଜ୍ୟ କଳା ଗବେଷଣା ଓ ପ୍ରଶିକ୍ଷଣ ପରିଷଦ (ସ୍କାର୍ଟ ) ଦ୍ୱାରା ଓଡ଼ିଶାର ବିଶିଷ୍ଟ ଆଧ୍ୟାତ୍ମିକ ସ୍ତମ୍ଭକାର, ବାଗ୍ମୀ, ପ୍ରବକ୍ତା ତଥା ଆଧ୍ୟାତ୍ମିକ ପତ୍ରିକା ‘ଦିବ୍ୟାଲୋକ ସନ୍ଧାନେ’ ର ସମ୍ପାଦକ ଶ୍ରୀସନ୍ନ୍ୟାସୀ ଜୀଙ୍କୁ ରାଜ୍ୟସ୍ତରୀୟ ‘ସଂସ୍କୃତି ସାରଥୀ’ ସମ୍ମାନରେ ସମ୍ମାନିତ କରାଯାଇଛି। କଟକ ଟାଉନ ହଲ୍ଠାରେ ଅନୁଷ୍ଠିତ ଏକ ସ୍ବତନ୍ତ୍ର ଉତ୍ସବରେ ପୂର୍ବତନ ଏମ୍ପି ଡଃ ପ୍ରସନ୍ନ ପାଟ୍ଟଶାଣୀ, ବିଶ୍ୱଦେବ ସମାଜର ଅଧ୍ୟକ୍ଷ ପ୍ରଶାନ୍ତ କୁମାର କର, ପ୍ରଫେସର ଡାକ୍ତର ଗୋପାଳ ଚନ୍ଦ୍ର କର, ବରିଷ୍ଠ ଆଇନଜୀବୀ ପ୍ରଦୀପ ଶତପଥୀ, କେନ୍ଦ୍ର ଉତ୍କଳ ସମ୍ମିଳନୀର ସାଧାରଣ ସମ୍ପାଦକ ବଂଶୀମୋହନ ଶତପଥୀ ପ୍ରମୁଖ ଅତିଥି ଭାବେ ଯୋଗ ଦେଇ ଶ୍ରୀସନ୍ନ୍ୟାସୀ ଜୀଙ୍କୁ ମାନପତ୍ର, ମେଡାଲ, ଉତ୍ତରୀୟ ଆଦି ପ୍ରଦାନ କରି ସମ୍ବର୍ଦ୍ଧିତ କରିଥିଲେ। ପେସାରେ ଇଞ୍ଜିନିୟର ଥିବା ଶ୍ରୀସନ୍ନ୍ୟାସୀ ଜୀ ନିଜ ଓଜସ୍ବିନୀ ବକ୍ତବ୍ୟ ଦ୍ୱାରା ସମାଜରେ ନୀତି ଆଦର୍ଶକୁ ବଜାୟ ରଖିବା ପାଇଁ ଚେଷ୍ଟିତ ଥିବା ବେଳେ କେତେକ ଦୈନିକ ଖବରକାଗଜରେ ଆଧ୍ୟାତ୍ମିକ ସ୍ତମ୍ଭମାନ ଲେଖି ପାଠକୀୟ ଆଦୃତି ଲାଭ କରିପାରିଛନ୍ତି। ଶ୍ରୀସନ୍ନ୍ୟାସୀ ଜୀଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି।
