ନୂଆଦିଲ୍ଲୀ,୨୦।୮: ଲଦ୍ଦାଖ ଗସ୍ତରେ ଥିବା କଂଗ୍ରେସ ନେତା ରାହୁଲ ଗାନ୍ଧୀ ରବିବାର ଦାବି କରିଛନ୍ତି କି ଚାଇନାର ସେନା ଲଦ୍ଦାଖରେ ଅନୁପ୍ରବେଶ କରିଛନ୍ତି।
ରାହୁଲ ଗାନ୍ଧୀଙ୍କ ବକ୍ତବ୍ୟକୁ ଶିବସେନା (ଉଦ୍ଧବ ବାଲାସାହେବ ଠାକରେ) ନେତା ତଥା ଏମପି ସଞ୍ଜୟ ରାଉତ ସମର୍ଥନ କରିଛନ୍ତି। ରାଉତ କହିଛନ୍ତି ଯେ ପ୍ରଧାନମନ୍ତ୍ରୀ ଏବଂ ପ୍ରତିରକ୍ଷା ମନ୍ତ୍ରୀ ଏହି ପ୍ରସଙ୍ଗରେ ବିଭ୍ରାନ୍ତ କରିବା ପରିବର୍ତ୍ତେ ସତ କହିବା ଉଚିତ।
ସଞ୍ଜୟ ରାଉତ ନ୍ୟୁଜ ଏଜେନ୍ସି ଏଏନଆଇକୁ କହିଛନ୍ତି, ଚାଇନା ଲଦାଖକୁ ଅନୁପ୍ରବେଶ କରି ଦଖଲ କରିଛି। ଏହାର ପ୍ରମାଣ ମଧ୍ୟ ସାମ୍ନାକୁ ଆସିଛି, କିନ୍ତୁ ଆମର ପ୍ରତିରକ୍ଷା ମନ୍ତ୍ରୀ, ଆମର ପ୍ରଧାନମନ୍ତ୍ରୀ ଏହାକୁ ଗ୍ରହଣ କରିବାକୁ ପ୍ରସ୍ତୁତ ନୁହଁନ୍ତି, ତେଣୁ ଲାଗୁଛି ଯେ ଆମେ ଦେଶ ପ୍ରତି ଅନ୍ୟାୟ କରୁଛୁ।
ରାହୁଲ ଗାନ୍ଧୀଙ୍କ ବୟାନ ଉପରେ ରାଉତ କହିଛନ୍ତି, ରାହୁଲ ଜୀ ଦେଶର ଜଣେ ପ୍ରମୁଖ ନେତା, ସେ ଜଣେ ଏମପି, ସେ କଂଗ୍ରେସର ପୂର୍ବତନ ସଭାପତି। ଯଦି ସେ ଗୋଟିଏ କଥା କୁହୁଛନ୍ତି, ତେବେ ସେ ବୁଝି ବିଚାରି କହିଥିବେ। ଯଦି ରାହୁଲ ଜୀ କହିଛନ୍ତି ଯେ ଚାଇନା ଏହାର ଜମି ଦଖଲ କରିଛି, ତେବେ ପ୍ରଧାନମନ୍ତ୍ରୀ ହେଉ କିମ୍ବା ପ୍ରତିରକ୍ଷା ମନ୍ତ୍ରୀ ହେଉ, ଲୋକଙ୍କୁ ଭୂଆଁ ବୁଲାଇବାର କୌଣସି ଆବଶ୍ୟକତା ନାହିଁ। ଲୋକଙ୍କୁ ସତ କୁହନ୍ତୁ। ଏହାହିଁ କହିଛନ୍ତି ରାହୁଲ।
