ମୁମ୍ବାଇ: ବଲିଉଡ୍ ନାୟକ ସଞ୍ଜୟ ଦତ୍ତ ଗତ ଅଗଷ୍ଟ ମାସରେ କ୍ୟାନସରରେ ପୀଡ଼ିତ ହୋଇଥିବା ସୂଚନା ମିଳିଥିଲା । ଫୋର୍ଥ ଷ୍ଟେଜ୍ କ୍ୟାନସରରେ ପୀଡ଼ିତ ହେବାପରେ ତାଙ୍କର ମୁମ୍ବାଇରେ ଚିକିତ୍ସା ମଧ୍ୟ ଚାଲିଥିଲା । ଏବେ ସେ ସୁସ୍ଥ ଅଛନ୍ତି । କିନ୍ତୁ ତାଙ୍କର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଗଣମାଧ୍ୟମ ପ୍ରତିନିଧିଙ୍କୁ କହିଛନ୍ତି ଯେ ସେ ସୁସ୍ଥ ଅଛନ୍ତି । ତେଣୁ ତାଙ୍କ ସମ୍ପର୍କରେ ଏଭଳି ଖବର ପ୍ରଚାର ପ୍ରସାର ନ କରାଯାଉ । ଏହା କହିବା ପରେ ସଞ୍ଜୟ ବହୁତ ହସୁଥିବା ଦେଖାଯାଇଛି । ସୂଚନାଯୋଗ୍ୟ, କିଛିଦିନ ପୂର୍ବେ ସଞ୍ଜୟ ଦତ୍ତ ବିଦେଶରୁ ଫେରି ପୁଣିଥରେ ମୁମ୍ବାଇରେ ଚିକିତ୍ସିତ ହୋଇ ହସ୍ପିଟାଲରୁ ବାହାରକୁ ବାହାରିବା ପରେ କ୍ୟାମେରା ଫ୍ରେମରେ କଏଦ ହୋଇ ଯାଇଥିଲେ । ଏହି ସମୟରେ ତାଙ୍କ ଶରୀର ଅତି ରୁଗ୍ଣ ଦେଖାଯାଉଥିଲା । ସେ ହାତରେ ମାସ୍କ ମଧ୍ୟ ଧରିଥିବା ଦେଖାଯାଇଥିଲା । ଆଉ ଏହାକୁ ଦେଖିବା ପରେ ସଞ୍ଜୟ ଚିକିତ୍ସିତ ହୋଇ ଫେରୁଥିବା ଖବର ଗଣମାଧ୍ୟମରେ ପ୍ରକାଶ ପାଇଥିଲା ।
