ସମ୍ବଲପୁର,୧୭।୬ (ଭବାନୀ ଶଙ୍କର ଭୋଇ): ସମ୍ବଲପୁର ଜିଲାରେ ଆସନ୍ତା ୨୧ ତାରିଖରେ ସ୍କୁଲ ଖୋଲିବା ନେଇ ଭାରପ୍ରାପ୍ତ ଜିଲାପାଳ ସୁଚାରୁ ବଳ ସୂଚନା ଦେଇଛନ୍ତି । ପାଣିପାଗ ବିଭାଗ ପକ୍ଷରୁ ଚଳିତ ବର୍ଷ ଆଗୁଆ ମୌସୁମୀ ପ୍ରବେଶ ନେଇ ପୂର୍ବନୁମାନ କରିଥିଲା । ତେବେ ରାଜ୍ୟରେ ବର୍ଷା ହୋଇ ନ ଥିବାରୁ ପ୍ରବଳ ଗୁଳୁଗୁଳି ଏବଂ ଖରା ଜାରି ରହିଛି। ଏହାକୁ ଦୃଷ୍ଟିରେ ରଖି ରାଜ୍ୟ ଗଣଶିକ୍ଷା ବିଭାଗ ପକ୍ଷରୁ ଜିଲାର ବର୍ଷା ସ୍ଥିତିକୁ ନେଇ ଛୁଟି ବୃଦ୍ଧି କରିବା ନେଇ ନିଷ୍ପତ୍ତି ନେବାକୁ ଜିଲାପାଳମାନଙ୍କୁ ଦାୟିତ୍ୱ ଦେଇଥିଲେ। ସମ୍ବଲପୁରରେ ମଧ୍ୟ ଟିକିଏ ବର୍ଷା ହୋଇଥିଲେ ବି ଖରା ଏବଂ ଗୁଳଗୁଳି କମିନାହିଁ । ତେଣୁ ଜିଲା ପ୍ରଶାସନ ପକ୍ଷରୁ ଛୁଟିକୁ ତିନି ଦନି ବୃଦ୍ଧି କରାଯାଇଥିବା ନେଇ ସୂଚନା ଦିଆଯାଇଛି। ଏହାକୁ ନେଇ ଅଭିଭାବକମାନେ ଆଶ୍ୱସ୍ତି ପ୍ରକାଶ କରିଛନ୍ତି।
