ମୁମ୍ବାଇ: ଇଣ୍ଡିଆଜ୍ ଗଟ୍ ଲାଟେଣ୍ଟ ବିବାଦ ଘେରକୁ ଆସିଛି। ରଣବୀର ଆହ୍ଲାବାଦିଆଙ୍କ ମାତାପିତାଙ୍କ ବିଷୟରେ ଅଶ୍ଳୀଳ ମନ୍ତବ୍ୟ ପରେ ସମୟ ରାଇନା ମଧ୍ୟ ବିବାଦରେ ଫସିଛନ୍ତି। ତେବେ ସମୟ ସୋସିଆଲ ମିଡିଆରେ ବହୁତ ଆକ୍ଟିଭ୍। ତାଙ୍କୁ ୬୦ ଲକ୍ଷ ଲୋକ ଫଲୋ କରନ୍ତି। କିନ୍ତୁ ସମୟ କେବଳ ଜଣେ ମାତ୍ର ଯୁବତୀଙ୍କୁ ଫଲୋ କରନ୍ତି। ଯାହାଙ୍କ ନାଁ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ।
ସମୟ ଭାରତ ଏବଂ ବିଦେଶରେ ଶୋ’ କରୁଛନ୍ତି। ସେ ତାଙ୍କ ଶୋ’ ଯୋଗୁ ବହୁତ ଲୋକପ୍ରିୟ ହୋଇପାରିଛନ୍ତି। କିଛି ଲୋକ ସମୟଙ୍କ ଡାର୍କ କମେଡିକୁ ପସନ୍ଦ କରନ୍ତି ତ କିଛି ଲୋକ ଏହାକୁ ଅଶ୍ଳୀଳ ବୋଲି କୁହନ୍ତି। ସେ ଇନ୍ଷ୍ଟାଗ୍ରାମରେ ତାଙ୍କ ଶୋ’ର ଭିଡିଓ ମଧ୍ୟ ଶେୟାର କରୁଛନ୍ତି।
ସମୟ କେବଳ ଜଣେ ଯୁବତୀଙ୍କୁ ଇନ୍ଷ୍ଟାଗ୍ରାମରେ ଫଲୋ କରିଛନ୍ତି। ସେ ହେଉଛନ୍ତି ଅଭିନେତ୍ରୀ ରାକ୍ଷୀ ସାଓ୍ବନ୍ତଙ୍କ। ରାକ୍ଷୀ ସମୟଙ୍କ ଶୋ’ ଇଣ୍ଡିଆଜ୍ ଗଟ୍ ଲାଟେଣ୍ଟରେ ମଧ୍ୟ ଦେଖା ଦେଇଥିଲେ। ଯେଉଁଠାରେ ରାକ୍ଷୀ ବି ଗାଳିଗୁଲଜର କରୁଥିବାର ଦେଖାଯାଇଥିଲା। ରଣବୀରଙ୍କ ମନ୍ତବ୍ୟ ପରେ ରାକ୍ଷୀ ସମୟଙ୍କ ସମର୍ଥନରେ ବାହାରିଛନ୍ତି।
ଏକ ସାକ୍ଷାତକାରରେ ରାକ୍ଷୀ ସମୟଙ୍କୁ ସମର୍ଥନ କରିଛନ୍ତି। ରାକ୍ଷୀ କହିଛନ୍ତି, ଜଣେ ବ୍ୟକ୍ତି ଭୁଲ୍ କରିଥିଲେ କିନ୍ତୁ ଅନ୍ୟମାନଙ୍କୁ କାହିଁକି ଟାର୍ଗେଟ କରାଯାଉଛି? ରଣବୀର କିଛି ଭୁଲ୍ କହିଛନ୍ତି ଏବଂ ମୁଁ ମଧ୍ୟ ସହମତ ଯେ, ସେ ଭୁଲ କରିଛନ୍ତି। କିନ୍ତୁ କେବଳ ସମୟଙ୍କ ଉପରେ କାହିଁକି ଆକ୍ରମଣ ହେଉଛି? ଯେତେବେଳେ ନଓ୍ବାଜୁଦ୍ଦିନ ସିଦ୍ଦିକି ସାକ୍ରେଡ ଗେମ୍ସରେ ଏକ ବୋଲ୍ଡ ଭୂମିକାରେ ଅଭିନୟ କରିଥିଲେ, କେହି କୌଣସି ପ୍ରଶ୍ନ ପଚାରି ନ ଥିଲେ। ଯଦି ଏହି ଶୋ’କୁ ନିଷିଦ୍ଧ କରାଯାଉଛି, ତେବେ ସମସ୍ତ ଓଟିଟି ପ୍ଲାଟଫର୍ମକୁ ବନ୍ଦ କରିଦିଆଯିବା ଉଚିତ୍। ଏହା ଭୁଲ୍।
ସମୟଙ୍କୁ ମଧ୍ୟ ଆଜି ତାଙ୍କର ବୟାନ ରେକର୍ଡ କରିବାକୁ ପଡ଼ିଲା। ସମୟଙ୍କ ଓକିଲ ଥାନାରେ ପହଞ୍ଚିଥିଲେ। ସେ କହିଥିଲେ ଯେ, ସମୟ ବିଦେଶରେ ଅଛନ୍ତି ଏବଂ ୧୭ ମାର୍ଚ୍ଚରେ ଫେରିବେ। ସମୟଙ୍କ ଓକିଲ ସାଇବର ସେଲ୍ରେ ତାଙ୍କର ଯାତ୍ରା ଟିକେଟ ଏବଂ ଶୋ’ ସୂଚୀ ଦାଖଲ କରିଛନ୍ତି।
