ସାଇଥାମ୍ପଟନ, ୪ା୭ (ପି.ଟି.)-ଇଂଲଣ୍ଡ ଅଲରାଉଣ୍ଡର ସାମ୍ କୁରାନଙ୍କର ଶୁକ୍ରବାର ହୋଇଥିବା କରୋନାଭାଇରସ୍ ଟେଷ୍ଟରେ ନେଗେଟିଭ୍ ଆସିଛି। ସେ ଦିନେ କିମ୍ବା ଦୁଇ ଦିନ ମଧ୍ୟରେ ଟ୍ରେନିଂରେ ଯୋଗ ଦେଇପାରିବେ ବୋଲିଂ ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ପକ୍ଷରୁ ସୂଚନା ଦିଆଯାଇଛି। ୨୨ବର୍ଷୀୟ କୁରାନ ଅସୁସ୍ଥ ଅନୁଭବ କରିବାରୁ ଗୁରୁବାର ତାଙ୍କଠାରୁ ସାମ୍ପଲ ସଂଗ୍ରହ କରାଯାଇଥିଲା। ଏଜାସ୍ ରୋଜବାଓଲସ୍ଥିତ ତାଙ୍କ ହୋଟେଲ ରୁମ୍ରେ ସେ ସେଲ୍ଫ ଆଇସୋଲେସନ୍ରେ ଥିଲେ। କୁରାନଙ୍କର ଇଂଲଣ୍ଡ କ୍ରିକେଟ ଦଳର ଅନ୍ୟ ସଦସ୍ୟମାନଙ୍କ ସହ ରବିବାର ଆଉ ଥରେ କୋଭିଡ୍-୧୯ ଟେଷ୍ଟ ହେବ। ଅସୁସ୍ଥ ହେବା ପୂର୍ବରୁ ସେ ଇଂଳଣ୍ଡର ଇଣ୍ଟ୍ରା-ସ୍କ୍ବାଡ୍ ଓ୍ବାର୍ମଅପ୍ ମ୍ୟାଚ ଖେଳିଥିଲେ। ପ୍ରଥମ ଦିବସରେ ସେ ୧୫ ରନ ସ୍କୋର କରି ଅପରାଜିତ ରହିଥିଲେ। ଜୁଲାଇ ୮ରୁ ଏଠାରେ ଓ୍ବେଷ୍ଟଇଣ୍ଡିଜ ବିପକ୍ଷ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଆରମ୍ଭ ହେବ। ଘରୋଇ ଦଳର ପ୍ରସ୍ତୁତି ପାଇଁ ଏହି ଓ୍ବାର୍ମଅପ୍ ମ୍ୟାଚ୍ର ଆୟୋଜନ କରାଯାଇଥିଲା।
