ମୁମ୍ବାଇ: ବଲିଉଡ୍ ଭାଇଜାନ ସଲମାନ ଖାଁ ଏବେ ଖୁବ୍ ବ୍ୟସ୍ତ । ଖୁବଶୀଘ୍ର ତାଙ୍କ ଅଭିନୀତ ଫିଲ୍ମ ଟାଇଗର-୩ ଦର୍ଶକଙ୍କ ନିକଟରେ ପହଞ୍ଚିବ । ଏବେ କିନ୍ତୁ ସେ ଅଲିମ୍ପିକ୍ସ ସିଲଭର ମେଡାଲିଷ୍ଟ ମିରାବାଇ ଚାନୁଙ୍କୁ ଭେଟିଛନ୍ତି । ଏହାର କିଛି ଫଟୋ ସେ ସୋସିଆଲ ମିଡିଆରେ ଶେୟାର କରିଛନ୍ତି । ପ୍ରକୃତ କଥା ହେଲା ନିକଟରେ ଏକ ସାକ୍ଷାତ୍କାରରେ ମିରାବାଇ କହିଥିଲେ ସଲମାନ ଖାଁ ତାଙ୍କୁ ବହୁତ ପସନ୍ଦ । ଆଉ ଏହା ଜାଣିବା ପରେ ସେ ମିରାବାଇଙ୍କୁ ଡକାଇ ତାଙ୍କ ସହ କଥା ହୋଇଥିଲେ । ନିକଟରେ ୨୦୨୦ ଅଲିମ୍ପିକ୍ସରେ ଭାରତ୍ତୋଳନରେ ସିଲଭର ମେଡାଲ ଜିତିଥିବା ଚାନୁଙ୍କୁ ଭେଟି ସଲମାନ ଖୁବ୍ ଖୁସି ହୋଇଥିଲେ ଓ ତାଙ୍କୁ ଶୁଭକାମନା ଜଣାଇଥିେଊ । ଆଉ ଚାନୁ ସଲମାନଙ୍କୁ ଭେଟି ତାଙ୍କର ବହୁ ଦିନର ଆଶାକୁ ପୂରଣ କରିପାରିଛନ୍ତି ।
