କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକର ଏବେ ବି କୋଟି କୋଟି ଲୋକ ହୃଦୟରେ ରାଜ୍ କରୁଛନ୍ତି। ସଚିନଙ୍କ ସହ ତାଙ୍କ ଝିଅ ସାରା ତେନ୍ଦୁଲକର ମଧ୍ୟ ସୋସିଆଲ ମିଡିଆରେ ବେଶ୍ ସକ୍ରିୟ। ତାଙ୍କ ସୌନ୍ଦର୍ଯ୍ୟରେ ସେ ସମସ୍ତଙ୍କ ପ୍ରିୟ ହୋଇପାରିଛନ୍ତି। ପ୍ରାୟତଃ ସେ ତାଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଶେୟାର କରନ୍ତି। ନିକଟରେ ସାରା ଡେଟ୍ ନାଇଟ୍ରେ ଯାଇଥିବାର ଫଟୋ ଶେୟାର କରିଥିଲେ। ଏହି ଫଟୋ ଗୁଡ଼ିକରେ ସାରା ତେନ୍ଦୁଲକର କାହାର ହାତ ଧରିଥିବାର ନଜର ଆସିଛନ୍ତି।
ସାରା ନିଜ ଇନଷ୍ଟାଗ୍ରାମରେ ଏକ ଷ୍ଟାଟସରେ ଏହି ଫଟୋଗୁଡିକ ଶେୟାର କରିଛନ୍ତି। ଏହି ଷ୍ଟାଟସ ଶେୟାର କରି ସାରା ଲେଖିଛନ୍ତି,ଡେଟ୍ ନାଇଟ୍। ସାରା ଫଟୋରେ ଯାହା ହାତ ଧରିଛନ୍ତି, ସେ ହେଉଛନ୍ତି ବଲିଉଡର ଗାୟିକା କନିକା କପୁର। କନିକା ମଧ୍ୟ ତାଙ୍କ ଆକାଉଣ୍ଟରେ ସମାନ ଫଟୋ ଶେୟାର କରିଛନ୍ତି। ସାରା ଏବଂ କନିକା ସ୍ବତନ୍ତ୍ର ବନ୍ଧୁ । ଦୁହେଁ ପ୍ରାୟତଃ ଏକାଠି ନଜର ଆସନ୍ତି। ନିକଟରେ ସାରା ଏବଂ କନିକା ଲଣ୍ଡନରେ ଏକାଠି ନଜର ଆସିଥିଲେ। ସାର ତେନ୍ଦୁଲକରଙ୍କ ନାମ କ୍ରିକେଟର୍ ଶୁଭମାନ ଗିଲଙ୍କ ସହ ଯୋଡା ଯାଏ।
