ବର୍ଲିନ, ୧୨ା୭: ଏକ ଯାତ୍ରୀବାହୀ ବିମାନ ଝରକା ଦେଇ ଜଣେ ୬୧ ବର୍ଷିୟ ବୃଦ୍ଧ ହଠାତ୍ ଟାଣି ହୋଇଯାଉଥିବାବେଳେ ଜୀବନକୁ ବାଜି ଲଗାଇ ସ୍ୱାମୀଙ୍କୁ ମୃତ୍ୟୁ ମୁଖରୁ ଛଡ଼ାଇ ଆଣିଛନ୍ତି ଜଣେ ସାହସୀ ସ୍ତ୍ରୀ ା ଗ୍ରୀସ୍ରୁ ଜର୍ମାନୀ ଅଭିମୁଖେ ଯାଉଥିବା ରାଇନଏୟାର ବିମାନରେ ଘଟିଥିବା ଏହି ଆଶ୍ଚର୍ଯ୍ୟଜନକ ଘଟଣା ବର୍ତ୍ତମାନ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି ା
ମିଳିଥିବା ସୂଚନା ମୁତାବକ, ବୋଇଂ ୭୩୭ ଏନଜି ବିମାନଟି ଉଡ଼ାଣ ଭରିବାର କିଛି ସମୟ ମଧ୍ୟରେ ପ୍ରାୟ ୧୩ହଜାର ଫୁଟ ଉଚ୍ଚତାରେ ପହଞ୍ଚିବା ପରେ, ଏହାର ଡାହାଣ ପାର୍ଶ୍ୱ ଇଞ୍ଜିନରେ ଏକ ଭୟଙ୍କର ଯାନ୍ତ୍ରିକ ତ୍ରୁଟି ଦେଖାଦେଇଥିଲାା ଫଳରେ ଇଞ୍ଜିନଟି ପରେ ପୃଥକ ହେବାକୁ ଲାଗିଥିଲା ଏବଂ ଇଞ୍ଜିନର ଭଗ୍ନାଂଶଗୁଡ଼ିକ ଛିଟିକି ଯାଇ କ୍ୟାବିନର କାଚରେ ମାଡ଼ ହୋଇଥିଲା ା ଫଳରେ ବିମାନରେ ବାୟୁ ଚାପ ଯୋଗୁ ସେହି ସିଟରେ ବସିଥିବା ସର୍ୱିଆର ଜଣେ ୬୧ ବର୍ଷୀୟ ବୃଦ୍ଧ ବାହାରକୁ ଟାଣି ହୋଇଯାଇଥିଲେ। ତେବେ ଏଭଳି ସମୟରେ ଧୈଯର୍ୟ ନ ହରାଇ ସ୍ୱାମୀଙ୍କ ପାଇଁ ରକ୍ଷାକବଚ ସାଜିଥିଲେ ସ୍ତ୍ରୀ ା
ସେ ତୁରନ୍ତ ନିଜ ସ୍ୱାମୀଙ୍କୁ ଟାଣି ଧରିପକାଇଥିଲେ ଏବଂ ତାଙ୍କ ଚିକତ୍ାର ଶୁଣି ଅନ୍ୟ ସହଯାତ୍ରୀମାନେ ମଧ୍ୟ ସାହାଯ୍ୟ ପାଇଁ ଆଗେଇ ଆସିଥିଲେ ା ପାଇଲଟଙ୍କ ସୂଚନା କ୍ରମେ ବିମାନଟିକୁ ଜରୁରିକାଳୀନ ଅବତରଣ କରାଯିବା ପର୍ଯ୍ୟନ୍ତ ସମସ୍ତେ ମିଶି ସେହି ବ୍ୟକ୍ତିଙ୍କୁ ପ୍ରାୟ ଆକାଶ ମାର୍ଗରେ ଓହଳିଥିବା ଅବସ୍ଥାରେ ଭିତରକୁ ଟାଣି ଧରି ରଖିଥିଲେ ା ପୂର୍ୱରୁ ୨୦୧୮ରେ ସାଉଥଓ୍ୱେଷ୍ଟ ଏୟାରଲାଇନ୍ସର ଏକ ବିମାନରେ ଏହିଭଳି ସମାନ ଦୁର୍ଘଟଣା ଘଟି ଜଣେ ମହିଳା ଯାତ୍ରୀ ପ୍ରାଣ ହରାଇଥିଲେ ା କିନ୍ତୁ ଉପରଲିଖିତ ଘଟଣାରେ ସ୍ତ୍ରୀଙ୍କ ସାହସିକତା ଯୋଗୁ ଏକ ବଡ଼ ବିପଦ ଟଳିଯାଇଛି ଏବଂ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡ଼ିଛିା ଏହି ୧୮ବର୍ଷ ପୁରୁଣା ବିମାନଟି ଏକ ବୋଇଂ ୭୩୭ ଏନଜି , ଯେଉଁଥିରେ ସିଏଫ୍ଏମ୍ ଇଞ୍ଜିନ ଲାଗିଛି ା ପୂର୍ୱରୁ ମଧ୍ୟ ଏପରିି ସମାନ ଧରଣର ଘଟଣାଗୁଡ଼ିକ ପରେ ଏହି ଇଞ୍ଜିନକୁ ନେଇ ଚିନ୍ତା ପ୍ରକଟ କରାଯାଇଥିଲା ଏବଂ ଏହା ଯାଞ୍ଚ ପରିସରଭୁକ୍ତ ହୋଇଥିଲା ା
