ମସ୍କୋ,୧୬।୬: ଆମେରିକା ପରେ ଏବେ ଏକ ରୁଷିଆର Tu-22M3 ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏନେଇ ରୁଷିଆର ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି । Tu-22M3 ବିମାନଟି ସୋମବାର ସାଇବେରିଆର ଇରକୁଟସ୍କ ଅଞ୍ଚଳରେ ଏକ ତାଲିମ ଉଡ଼ାଣ ସମୟରେ ଦୁର୍ଘଟଣାଗ୍ରସ୍ତ ହୋଇଥିଲା। ପାଇଲଟ୍ ସମେତ ଚାରି ଜଣ ସଦସ୍ୟ ସମୟ ମଧ୍ୟରେ ସୁରକ୍ଷିତ ଭାବରେ ବାହାରକୁ ବାହାରିବାରେ ସଫଳ ହୋଇଥିଲେ। ଦୁର୍ଘଟଣାରେ କୌଣସି ମୃତାହତ ହୋଇନଥିବା ଜଣାପଡ଼ିଛି ।
Tu-22 ହାଇପରସୋନିକ୍ ‘କିଞ୍ଜାଲ୍’ କ୍ଷେପଣାସ୍ତ୍ର ବହନ କରିବାରେ ସକ୍ଷମ ଥିଲା। NATO ଏହାକୁ ‘ବ୍ୟାକଫାୟାର’ କୋଡନାମ ଦେଇଥିଲା। ଏହା ସୋଭିଏତ୍ ଯୁଗର ଏକ ସୁପରସୋନିକ୍ ବିମାନ। ରୁଷିଆ ଏହାକୁ ସିରିଆ ଏବଂ ୟୁକ୍ରେନରେ ସଂଘର୍ଷରେ ମଧ୍ୟ ନିୟୋଜିତ କରିଥିଲା। Tu-22M3 ବିମାନ ଦୁର୍ଘଟଣାଗ୍ରସ୍ତ ହେବାର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଗୋଟିଏ ଭିଡିଓରେ, ବିମାନଟି ଅଙ୍ଗାରା ନଦୀ କୂଳରୁ ଅଳ୍ପ ଦୂରରେ ଏକ ଘନ ଜଙ୍ଗଲିଆ ଅଞ୍ଚଳରେ ପଡିଯାଉଥିବାର ଦେଖାଯାଇଥିଲା। କିଛି ସେକେଣ୍ଡ ମଧ୍ୟରେ, ବିମାନଟି ଜଙ୍ଗଲରେ ଖସିପଡ଼ିଥିଲା ଏବଂ ଧୂଆଁମୟ ହୋଇଯାଇଥିଲା ।
Very closeup video of the highly expensive Russian Tu-22M3 strategic bomber crashing today. https://t.co/ds1Oa1ehAD pic.twitter.com/RrVg7eO6H2
— WarMonitor🇺🇦🇬🇧 (@WarMonitor3) June 15, 2026
ରୁଷ ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ବିମାନ ଦୁର୍ଘଟଣାଗ୍ରସ୍ତ ହେବା ପୂର୍ବରୁ ପାଇଲଟ୍ ସମେତ ଚାରି ଜଣିଆ କ୍ରୁ ସୁରକ୍ଷିତ ଭାବରେ ବାହାରକୁ ବାହାରି ଆସିଥିଲେ। ସମସ୍ତେ ସମ୍ପୂର୍ଣ୍ଣ ସୁରକ୍ଷିତ ରହିଥିବା ସୂଚନା ରହିଛି ।
