ମସ୍କୋ,୧୨।୯: ରୁଷିଆ ତାଜିକିସ୍ତାନ ଏବଂ ଉଜବେକିସ୍ତାନ ସୀମାରେ ୧୦ ହଜାରରୁ ଅଧିକ ଇସଲାମିକ୍ ଷ୍ଟେଟ୍ (ଆଇଏସ୍) ଆତଙ୍କବାଦୀ ରହିଥିବା ନେଇ ଚେତାବନୀ ଜାରି କରିଛି। ଏହି ଦୁଇଦେଶର ସୀମା ଆଫଗାନିସ୍ତାନକୁ ଲାଗି ରହିଛି। ସୁରକ୍ଷା ଦୃଷ୍ଟିରୁ ରୁଷିଆ ଦୁଇ ଦେଶର ସୀମା ଅଞ୍ଚଳକୁ ନିଜର ଟ୍ୟାଙ୍କ ପଠାଇଛି।
ଏହି ଅଞ୍ଚଳରେ ଆଇଏସ୍ ଆତଙ୍କବାଦୀ ସଂଗଠନ ସକ୍ରିୟ ହେବା ଲାଗି ଘୋଷଣା କରିଛି। ରୁଷିଆର ସୁରକ୍ଷା ପରିଷଦର ଡେପୁଟି ଚେୟାରମ୍ୟାନ ଦାମିତ୍ରି ମେଡଓ୍ବେଡଓ୍ବେ ଏନେଇ ଗେଜେଟ ଡଟ୍ ରୁଷିଆରେ ଏକ ଆର୍ଟିକିଲରେ କହିଛନ୍ତି ଯେ ମଧ୍ୟ ଏସିଆ ଦେଶ ସହିତ ଆଫଗାନିସ୍ତାନ ସୀମାରେ ୧୦,୦୦୦ରୁ ଅଧିକ ଆଇଏସ୍ ଆତଙ୍କବାଦୀ ଏବଂ ସେମାନଙ୍କ ଅନୁଗାମୀ ଅଛନ୍ତି। ଇସଲାମିକ ଷ୍ଟେଟ୍ର ନେତୃତ୍ୱ ଖୋଲାଖୋଲି ଭାବେ କହିଛି, ଏହି ଅଞ୍ଚଳରେ ଆତଙ୍କବାଦୀ ସଂଗଠନ ନିଜର ପ୍ରଭାବ ବୃଦ୍ଧି କରିବାକୁ ଚାହୁଁଛି।
ସୁରକ୍ଷା ଦୃଷ୍ଟିରୁ ତାଜିକିସ୍ତାନ ସୀମାରେ ନିଜର ସୈନ୍ୟଙ୍କୁ ମୁତୟନ କରିଛି। ରାଷ୍ଟ୍ରପତି ଇମୋମାଲି ରହମୋନ ଉଗ୍ରବାଦୀ ଏବଂ ସେମାନଙ୍କ ଆଦର୍ଶ ପ୍ରତି ଆକର୍ଷିତ ହେଉଥିବା ବ୍ୟକ୍ତିଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଘୋଷଣା କରିଛନ୍ତି। ଆଫଗାନିସ୍ତାନ ସହିତ ତାଜିକିସ୍ତାନର ପ୍ରାୟ ୧,୩୪୪ କିଲୋମିଟର ଦୀର୍ଘ ସୀମା ରହିଛି। ସେଥିମଧ୍ୟରୁ ଅଧିକାଂଶ ପାର୍ବତ୍ୟାଞ୍ଚଳରେ ରହିଛି। ଏସବୁ ଅଞ୍ଚଳ ଉପରେ ନଜର ରଖିବା ଅତ୍ୟନ୍ତ କଷ୍ଟକର। ତେବେ ଦେଶ ଆତଙ୍କବାଦ ବିରୋଧରେ ମୁକାବିଲାକୁ ପ୍ରାଥମିକତା ଦେଉଥିବା ରହମୋନ କହିଛନ୍ତି।
