ୱାଶିଂଟନ,୨୭ ।୩: ୟୁକ୍ରେନ୍ ଉପରେ ରୁଷିଆର ଆକ୍ରମଣକୁ ନେଇ ଆମେରିକା ରାଷ୍ଟ୍ରପତି ଜୋ ବାଇଡେନ ପୋଲାଣ୍ଡରେ କହିଛନ୍ତି ନାଟୋ ଏକଜୁଟ ଅଛି । ଏହାକୁ ଭାଙ୍ଗି ଦିଆଯାଇ ପାରିବ ନାହିଁ । ଏହାସହ ସେ କହିଛନ୍ତି ରୁଷିଆ ଲୋକତନ୍ତ୍ରର ଗଳା ବଦାଇ ଦେଉଛି । ୟୁକ୍ରେନ୍ ଆଜି ତା’ର ସ୍ୱାଧିନତା ପାଇଁ ଲଢୁଛି । ୟୁକ୍ରେନ୍ ସହ ଆମେ ଅଛୁ । ସେ ଆହୁରି ମଧ୍ୟ କହିଛନ୍ତି ୟୁକ୍ରେନ୍ର ଲୋକେ ସ୍ୱାଧିନତା ପାଇଁ ଲଢେଇ କରୁଛନ୍ତି । ଆମେ ଲୋକତନ୍ତ୍ର ପାଇଁ ସମସ୍ତ ଶକ୍ତି ଲଗାଇ ଲଢିବୁ ।
ବାଇଡେନ କହିଛନ୍ତି ୟକ୍ରେନ୍ ରାଷ୍ଟ୍ରପତି ଜଲନସ୍କି ଲୋକତନ୍ତ୍ରରେ ଜଣେ ନିର୍ବାଚିତ ରାଷ୍ଟ୍ରପତି । ୟୁକ୍ରେନ୍ ଉପରେ ରୁଷିଆ ଯେଉଁ ଆକ୍ରମଣ କରିଛି ତା’ର କୌଣସି କାରଣ ବା ଯୁକ୍ତି ନହିଁ । ସମ୍ବୋଧନ ସମୟରେ ବାଇଡେନ ୟୁକ୍ରେନ ପାଇଁ ଆର୍ଥିତ ସହାୟତା ଯୋଗାଇ ଦେବାକୁ ଘୋଷଣା କରିଛନ୍ତି । ଏହି ବର୍ବର ଆକ୍ରମଣ ପାଇଁ ସେ ରୁଷିଆକୁ ଦାୟୀ କରିଛନ୍ତି । ମୁଁ ୟୁକ୍ରେନ ଶରଣାର୍ଥୀଙ୍କ ସହ କଥା ହେଲି ଆମେ ସବୁବେଳେ ୟୁକ୍ରେନ୍ ସହ ଅଛୁ ବୋଲି ବାଇଡେନ କହିଛନ୍ତି ।
ଆମେ ସବୁବେଳେ ୟୁକ୍ରେନ୍କୁ ସହାୟତା ଯୋଗାଇ ଦେବୁ । ଆର୍ଥିକ ପ୍ରତିବନ୍ଧକ ଯୋଗୁ ରୁଷିଆର ସ୍ଥିତି ବେଳକୁ ବେଳ ଖରାପ ହେଲାଣି । ରୁଷିଆ ଲୋକତନ୍ତ୍ରର ଗଳା ଦବାଇ ଦେଇଛି । ବାଇଡେନ ଅପିଲ କରିଛନ୍ତି କି ସବୁ ଦେଶ ମିଶି ୟୁକ୍ରେନକୁ ସାହାଯ୍ୟ କରନ୍ତୁ । ୟୁକ୍ରେନର ସୁରକ୍ଷା ପାଇଁ ଆମେରିକା ସବୁବେଳେ ଅଛି ବୋଲି ବି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ନାଟୋ ରୁଷିଆ ପାଇଁ ବିପଦ ନୁହେଁ ।
