କ୍ୱିଭ,୪।୭: ରୁଷିଆ ଏବଂ ୟୁକ୍ରେନ ମଧ୍ୟରେ ଆରମ୍ଭ ହୋଇଥିବା ଯୁଦ୍ଧ ଏବେ ପର୍ଯ୍ୟନ୍ତୁ ଥମିବାର ନାଁ ନେଉନି। ଶୁକ୍ରବାର ରାତିରେ ରୁଷିଆ ଡ୍ରୋନ ଏବଂ କ୍ଷେପଣାସ୍ତ୍ର ସହିତ କ୍ୱିଭକୁ ନିରନ୍ତର ଆକ୍ରମଣ କରି ଟାର୍ଗେଟ କରିଥିଲା, ଯେଉଁଥିରେ ୨୩ ଜଣ ଆହତ ହୋଇଥିଲେ ଏବଂ କ୍ୱିଭରେ ଅନେକ ସ୍ଥାନରେ ବହୁ କ୍ଷତି ମଧ୍ୟ ହୋଇଥିଲା।
ରୁଷିଆ ବାୟୁସେନା କହିଛି ଯେ ରୁଷିଆ ରାତାରାତି ୫୫୦ ଡ୍ରୋନ ଏବଂ କ୍ଷେପଣାସ୍ତ୍ର ସହିତ ୟୁକ୍ରେନ ଉପରେ ଆକ୍ରମଣ କରିଥିଲା। ଏଥିମଧ୍ୟରୁ ଅଧିକାଂଶ ଶାହିଦ ଡ୍ରୋନ ଥିଲା, ଏହା ସହିତ ୧୧ ଟି କ୍ଷେପଣାସ୍ତ୍ର ମଧ୍ୟ ବ୍ୟବହାର କରାଯାଇଥିଲା।
ରୁଷିଆ ଦ୍ୱାରା ରାତିସାରା ଆକ୍ରମଣ ସମୟରେ, ନିରନ୍ତର ଡ୍ରୋନର ଜୋରଦାର ଶବ୍ଦ ଶୁଣାଯାଉଥିଲା ଏବଂ ବିସ୍ଫୋରଣ ଏବଂ ମେଶିନ ଗନ ଗୁଳି ଚଳାଇବାର ଶବ୍ଦ ମଧ୍ୟ ଶୁଣାଯାଉଥିଲା।
ମେୟର ଭିଟାଲି କ୍ଲିଟସ୍କୋଙ୍କ ଅନୁଯାୟୀ, ଆକ୍ରମଣର ମୁଖ୍ୟ ଲକ୍ଷ୍ୟ କ୍ୱିଭ ଥିଲା। ସେ କହିଛନ୍ତି ଯେ ଏହି ଆକ୍ରମଣରେ ଅତି କମରେ ୨୩ ଜଣ ଆହତ ହୋଇଛନ୍ତି, ଯେଉଁଥିରୁ ୧୪ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ୟୁକ୍ରେନୀୟ ବାୟୁ ପ୍ରତିରକ୍ଷା ପ୍ରଣାଳୀ ୨ଟି କ୍ରୁଜ କ୍ଷେପଣାସ୍ତ୍ର ସମେତ ୨୭୯ ଟି ଡ୍ରୋନକୁ ଖସାଇ ଦେଇଥିବା ଦାବି କରିଛି। ଏହା ମଧ୍ୟ କହିଛି ଯେ ଅନ୍ୟ ୨୦୮ ଟି ଲକ୍ଷ୍ୟ ରାଡାରରୁ ଅଦୃଶ୍ୟ ହୋଇଯାଇଥିଲା ଏବଂ ଏହା ବିଶ୍ୱାସ କରାଯାଉଛି ଯେ ସେଗୁଡ଼ିକ ସବୁ ଜାମ ହୋଇଯାଇଥିଲା।
ସୂଚନାଯୋଗ୍ୟ, ମାତ୍ର ଗୋଟିଏ ସପ୍ତାହ ପୂର୍ବରୁ ରୁଷିଆ ୟୁକ୍ରେନ ଉପରେ ସବୁଠାରୁ ବଡ଼ ବିମାନ ଆକ୍ରମଣ କରିଥିଲା। ଏହି ଆକ୍ରମଣ ସମ୍ପର୍କରେ, ୟୁକ୍ରେନ ଦାବି କରିଥିଲା ଯେ ରୁଷିଆ ୫୩୭ ଡ୍ରୋନ ଏବଂ ୬୦ଟି କ୍ଷେପଣାସ୍ତ୍ର ମାଡ଼ କରିଛି। ଏହି ଆକ୍ରମଣରେ କ୍ୱିଭରେ ଅତି କମରେ ୧୦ଟି ସ୍ଥାନ କ୍ଷତିଗ୍ରସ୍ତ ହୋଇଛି।
କ୍ୱିଭରେ ସୋଲୋମିନସ୍କି ଜିଲାରେ ଏକ ପାଞ୍ଚ ମହଲା ବିଶିଷ୍ଟ ଆବାସିକ କୋଠା ଆଂଶିକ ଭାବରେ ନଷ୍ଟ ହୋଇଯାଇଥିଲା ଏବଂ ଏକ ସାତ ମହଲା କୋଠାର ଛାତରେ ନିଆଁ ଲାଗିଯାଇଥିଲା।
