ୟୁକ୍ରେନକୁ ଆକ୍ରମଣ କରିପାରେ ରୁଷିଆ; ଆମେରିକା ଦେଲା ଘାତକ ସହାୟତା

କ୍ୱିଭ୍‌, ୨୩ା୧: ୟୁକ୍ରେନ୍‌ ଉପରେ ରୁଷିଆ ଯେ କୌଣସି ମୁହୂର୍ତ୍ତରେ ଆକ୍ରମଣ କରିପାରେ ବୋଲି ଆମେରିକା ସମେତ ପାଶ୍ଚାତ୍ୟ ଦେଶଗୁଡ଼ିକର ଗୋଇନ୍ଦା ସଂସ୍ଥା ବାରମ୍ବାର ଚେତାଇ ଆସୁଛନ୍ତି। ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ମଧ୍ୟ ସମାନ ଆଶଙ୍କା କରୁଥିବା ବୁଧବାର ଏକ ନ୍ୟୁଜ୍‌ କନଫରେନ୍ସରେ କହିଥିଲେ। ଏହି ଅନୁମାନ କରିବାର ମାତ୍ର ଦିନକ ପରେ ଆମେରିକା ୟୁକ୍ରେନ୍‌କୁ ପ୍ରଥମ ପର୍ଯ୍ୟାୟରେ ଘାତକ ସାମରିକ ସହାୟତା ପ୍ରଦାନ କରିଛି। ଶୁକ୍ରବାର ରାତିରେ ଆମେରିକା ତରଫରୁ ପ୍ରାୟ ୨ କୋଟି ଟଙ୍କାର ଅସ୍ତ୍ରଶସ୍ତ୍ର ୟୁକ୍ରେନ ରାଜଧାନୀ କ୍ୱିଭ୍‌ରେ ପହଞ୍ଚିଛି। ଏ ନେଇ କ୍ୱିଭ୍‌ରେ ଥିବା ଆମେରିକୀୟ ଦୂତାବାସ ପକ୍ଷରୁ ଟୁଇଟ ଯୋଗେ ସୂଚନା ଦିଆଯାଇଛି। ଏଥିରେ ପ୍ରାୟ ୯୦ ଟନ୍‌ର ଘାତକ ଅସ୍ତ୍ରଶସ୍ତ୍ର ଏବଂ ଗୋଳାବାରୁଦ ରହିଛି। ୟୁକ୍ରେନ୍‌ ସୀମାରେ ରୁଷିଆ ଲକ୍ଷାଧିକ ସୈନ୍ୟ ମୁତୟନ ସହ ୟୁକ୍ରେନ୍‌କୁ ଚାରିପଟୁ ଘେରିବାକୁ ରଣନୀତି ପ୍ରସ୍ତୁତ କରୁଥିବାବେଳେ ଏହାର ଜବାବରେ ଆମେରିକା ନିଜ ବନ୍ଧୁ ରାଷ୍ଟ୍ରକୁ ସାମରିକ ସହାୟତା ପ୍ରଦାନ ଆରମ୍ଭ କରିଛି। ଏହି ଅସ୍ତ୍ରଶସ୍ତ୍ର ସମେତ ୨୦୧୪ରୁ ୟୁକ୍ରେନ୍‌କୁ ପ୍ରାୟ ୨.୭ ବିଲିୟନ ଡଲାର ସହାୟତା ଯୋଗାଯାଇଛି। ରୁଷିଆ ଆକ୍ରମଣରୁ ୟୁକ୍ରେନ୍‌କୁ ରକ୍ଷା କରିବା ସହ ଏହାର ପ୍ରତିରକ୍ଷା ବ୍ୟବସ୍ଥା ମଜଭୁତ କରିବା ନିମନ୍ତେ ଆମେରିକାର ପ୍ରତିବଦ୍ଧତାକୁ ଏହା ଦର୍ଶାଉଛି ବୋଲି ଦୂତାବାସରୁ କରାଯାଇଥିବା ଟୁଇଟ୍‌ରେ ଉଲ୍ଲେଖ କରାଯାଇଛି। ଏଥିଯୋଗୁ ଦୁଇ ମହାଶକ୍ତି ମୁହଁାମୁହିଁ ହେବାର ଆଶଙ୍କା ଆହୁରି ଘନେଇଛି।
ସପ୍ତାହରେ ୟୁକ୍ରେନ ପ୍ରତି ରୁଷିଆର ଆକ୍ରମଣାତ୍ମକ ମନୋଭାବ ବୃଦ୍ଧି ପାଇବାପରେ ଆମେରିକା କ୍ରେମେଲିନର ପ୍ରତ୍ୟେକ ଗତିବିଧି ଉପରେ କଡ଼ା ନଜର ରଖିଛି। ରୁଷିଆ ୟୁକ୍ରେନ୍‌ ଉପରେ ଆକ୍ରମଣ କଲେ ଏହାର ଭୟଙ୍କର ପରିଣାମ ଭୋଗିବାକୁ ପଡ଼ିବ ବୋଲି ଆମେରିକା ବାରମ୍ବାର ଚେତାବନୀ ଦେଇଆସୁଛି। ଯୁଦ୍ଧ ସ୍ଥିତି ଏଡ଼ାଇବାକୁ ଆମେରିକା ଏବଂ ରୁଷିଆ ମଧ୍ୟରେ ଏକାଧିକ ଥର ବୈଠକ ଆୟୋଜିତ ହୋଇଛି। କିନ୍ତୁ ପ୍ରଥମେ ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ଏବଂ ରୁଷିଆ ପ୍ରତିପକ୍ଷ ଭ୍ଲାଡିମିର ପୁଟିନ୍‌ଙ୍କ ପରେ ଏବେ ଆମେରିକା ପରରାଷ୍ଟ୍ର ସଚିବ ଆଣ୍ଟୋନି ବ୍ଲିଙ୍କେନ୍‌ ଓ ରୁଷିଆ ବହିର୍ବ୍ୟାପାର ମନ୍ତ୍ରୀ ସେରେଗି ଲାଭ୍‌ରୋଭଙ୍କ ମଧ୍ୟରେ ଆଲୋଚନା ଏକ ପ୍ରକର ବିଫଳ ହୋଇଛି। ଏହା ପରେ ଆମେରିକା ୟୁକ୍ରେନ୍‌କୁ ସହାୟତା ପଠାଇବା ଆରମ୍ଭ କରିଛି। ଗତ ଡିସେମ୍ବରରେ ବାଇଡେନ୍‌ ୟୁକ୍ରେନ୍‌କୁ ପ୍ରତିରକ୍ଷା ସହାୟତା ପ୍ରଦାନ ବାବଦ ୨ କୋଟି ଟଙ୍କାର ପ୍ୟାକେଜକୁ ମଞ୍ଜୁରୀ ଦେଇଥିଲେ। ଯଦି ୟୁକ୍ରେନ୍‌ ପ୍ରତି ଆକ୍ରମଣ ମନୋଭାବ ନାହିଁ ବୋଲି ରୁଷିଆ ସାରା ବିଶ୍ୱକୁ ଭରସା ଦେଇପାରିବ ତେବେ ଆଗକୁ ଆଲୋଚନା ହେବାର ସମ୍ଭାବନା ରହିଛି ବୋଲି ବ୍ଲିଙ୍କେନ୍‌ ଶୁକ୍ରବାର କହିଛନ୍ତି। ଏଥିସହ ୟୁକ୍ରେନ୍‌ର ସାର୍ବଭୌମତ୍ୱ ରକ୍ଷା ପାଇଁ ଆମେରିକା ଆଗକୁ ମଧ୍ୟ ଏହାକୁ ପ୍ରତିରକ୍ଷା ସହାୟତା ଯୋଗାଇଦେବ ବୋଲି କ୍ୱିଭ୍‌ ଦୂତାବାସ ପକ୍ଷରୁ କୁହାଯାଇଛି। ପ୍ରଥମ ପର୍ଯ୍ୟାୟ ସହାୟତା ପାଇବା ପରେ ୟୁକ୍ରେନ୍‌ ପ୍ରତିରକ୍ଷା ମନ୍ତ୍ରୀ ଓଲେକ୍ସି ରେଜ୍‌ନିକୋଭ୍‌ ଆମେରିକାକୁ ଧନ୍ୟବାଦ ଜଣାଇଛନ୍ତି।

ସୂଚନାଯୋଗ୍ୟ, ସୋଭିଏଟ୍‌ ସଂଘଠାରୁ ଅଲଗା ହୋଇଥିଲେ ବି ୟୁକ୍ରେନ୍‌ ଉପରେ ନିଜର ଆଧିପତ୍ୟ ଚାହୁଁଛି ରୁଷିଆ। ୟୁକ୍ରେନ୍‌ ନାଟୋରେ ସାମିଲ ହେବାକୁ ଚାହୁଁଥିବାରୁ ରୁଷିଆ ଏହାର ବିରୋଧ କରୁଛି। ଆମେରିକା ସମେତ ପାଶ୍ଚାତ୍ୟ ଦେଶଗୁଡ଼ିକ ୟୁକ୍ରେନକୁ ନାଟୋରେ ସାମିଲ କରାଇବା ନିମନ୍ତେ ଉଦ୍ୟମ କରୁଛନ୍ତି। ଏହାକୁ ବିରୋଧ କରି ରୁଷିଆ ୟୁକ୍ରେନ ଉପରେ ଆକ୍ରମଣର ଯୋଜନା କରିଛି। ସୂଚନାଯୋଗ୍ୟ, ଶୀତଳ ଯୁଦ୍ଧବେଳେ ରୁଷିଆ ବିରୋଧରେ ବିଭିନ୍ନ ଦେଶଗୁଡ଼ିକୁ ଏକାଠି କରି ଆମେରିକା ନାଟୋ ଗଠନ କରିଥିଲା।


Enter your email to get our daily news in your inbox.

All Right Reserved By Dharitri.Com

ସାଉଦିରେ ୫ ୟେମେନ୍‌ ନାଗରିକଙ୍କ ମୁଣ୍ଡକାଟ୍‌

ରିୟାଧ, ୧।୩:ହତ୍ୟା ଏବଂ ଡକାୟତି ମାମଲାରେ ଦୋଷୀ ସାବ୍ୟସ୍ତ ୟେମେନ୍‌ର ୫ ନାଗରିକଙ୍କୁ ସାଉଦି ଆରବରେ ମୃତ୍ୟୁଦଣ୍ଡ ଦିଆଯାଇଛି। ଏହି ୫ ଜଣ ଅହମଦ୍‌ ଅଲ୍‌...

ଆଣବିକ ଯୁଦ୍ଧ ଭୟ ଦେଖାଇଲେ ପୁଟିନ୍‌

ମସ୍କୋ,୧।୩:ୟୁକ୍ରେନ୍‌ରେ ଯୁଦ୍ଧ ପାଇଁ ପାଶ୍ଚାତ୍ୟ ଦେଶଗୁଡ଼ିକ ଯଦି ସେମାନଙ୍କ ସୈନ୍ୟ ପଠାନ୍ତି, ତେବେ ଆଣବିକ ଯୁଦ୍ଧର ଭୟ ରହିଛି ବୋଲି ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌...

ଶପିଂ ମଲରେ ଭୟଙ୍କର ଅଗ୍ନିକାଣ୍ଡ: ୪୩ ମୃତ, ଭୟରେ ଛାତ ଉପରୁ ଡେଇଁଲେ ଲୋକେ

ଢାକା,୧।୩: ବାଂଲାଦେଶର ରାଜଧାନୀ ଢାକାରେ ୭ ମହଲା ବିଶିଷ୍ଟ ଶପିଂ ମଲରେ ଅଗ୍ନିକାଣ୍ଡ କାଣ୍ଡ ଘଟି ଅତି କମରେ ୪୩ ଜଣଙ୍କର ମୃତ୍ୟୁଘଟିଥିବା ବେଳେ ଅନେକ...

ସହାୟତା ନେବାକୁ କରିଥିଲେ ଅପେକ୍ଷା: ଏୟାରଷ୍ଟ୍ରାଇକ୍‌ରେ ଚାଲିଗଲା ୧୦୪ ଜୀବନ

ରାଫାହ,୨୯।୨: ଗାଜା ସିଟିରେ ମାନବୀୟ ସହାୟତା ନେବା ପାଇଁ ଧାଡ଼ିରେ ଅପେକ୍ଷା କରିଥିବା ପାଲେଷ୍ଟିନୀୟମାନଙ୍କ ଉପରେ ଇସ୍ରାଏଲ୍‌ ଏୟାରଷ୍ଟ୍ରାଇକ୍‌ କରିବାରୁ ୧୦୪ ଜଣଙ୍କ ମୃତ୍ୟୁ ଘଟିବା...

୩ ଥର ପ୍ରଧାନମନ୍ତ୍ରୀ ପରେ ଏଥର ସାଂସଦ ଭାବେ ଶପଥ ନେଲେ ସରିଫ

ଇସଲାମାବାଦ,୨୯।୨: ଦେଶର ନୂତନ ନିର୍ବାଚିତ ସାଂସଦମାନେ ଗୁରୁବାର ପାକିସ୍ତାନ ରାଷ୍ଟ୍ରପତି ଆରିଫ ଅଲଭି ଜାତୀୟ ସଭାର ଅଧିବେଶନ ଡାକିବା ପରେ ଶପଥ ଗ୍ରହଣ କରିଛନ୍ତି। ପୂର୍ବତନ...

ନିର୍ବାଚନ ପୂର୍ବରୁ ରାଷ୍ଟ୍ରପତିଙ୍କ ସ୍ବାସ୍ଥ୍ୟ ପରୀକ୍ଷା

ଓ୍ବାଶିଂଟନ,୨୯ା୨: ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଛି। ବାଇଡେନଙ୍କ ଡାକ୍ତର କେଭିନ ଓ’କନୋର କହିଛନ୍ତି, ସେ ଡ୍ୟୁଟି ପାଇଁ ଫିଟ୍‌ ଅଛନ୍ତି। ହ୍ବାଇଟ୍‌...

୧୦୦ ବର୍ଷ ଆଗୁଆ ଭାରତ, ଗଗନୟାନ ମିଶନର ସଫଳତା ପାଇଁ ପ୍ରାର୍ଥନା କରୁଛି ପାକିସ୍ତାନ

ଇସଲାମାବାଦ୍‌,୨୯।୨: ଇଣ୍ଡିଆନ ସ୍ପେସ ରିସର୍ଚ୍ଚ ଅର୍ଗାନାଇଜେସନ (ଇସ୍ରୋ) ୨୦୨୫ରେ ଗଗନୟାନ୍‌ ମିଶନ ମାଧ୍ୟମରେ ୪ଜଣ ଯାତ୍ରୀଙ୍କୁ ମହାକାଶକୁ ପଠାଇବ। ପୃଥିବୀର କକ୍ଷପଥକୁ ପଠାଇବାକୁ ମନୋନୀତ ହୋଇଥିବା...

ଜଳୁଛି ଟେକ୍ସାସ ଜଙ୍ଗଲ: ପରମାଣୁ ଅସ୍ତ୍ରଶସ୍ତ୍ର ୟୁନିଟ୍‌ରେ କାମ ବନ୍ଦ

ଓ୍ବାଶିଂଟନ,୨୯ା୨: ଟେକ୍ସାସ ଜଙ୍ଗଲରେ ଭୟଙ୍କର ନିଆଁ ଲାଗିଛି। ଫଳରେ ପ୍ରଭାବିତ ଅଞ୍ଚଳରୁ ଲୋକଙ୍କୁ ବୁଧବାର ଅନ୍ୟତ୍ର ସ୍ଥାନାନ୍ତର କରାଯାଇଛି। ଏହା ହଜାର ହଜାର ଲୋକଙ୍କୁ ପ୍ରଭାବିତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri