ନୂଆପଡ଼ା୯୪ (ମକାରୁ ବେମାଲ): ନୂଆପଡ଼ା ଜିଲା କୋମନା ବ୍ଲକ ଅନ୍ତର୍ଗତ ସୁନାବେଡା ଅଭୟାରଣ୍ୟ ଭିତରେ ଅବସ୍ଥିତ ଜାମଗାଁ ସିଆର୍ପିଏଫ୍ କ୍ୟାମ୍ପ ସମ୍ମୁଖରେ ୨୧୬ ବାଟାଲିୟାନ ପକ୍ଷରୁ ଜନସମ୍ପର୍କ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସିଆର୍ପିଏଫ୍ କମାଣ୍ଡାଣ୍ଟ ଏରିକ ଗିଲବଟ ଯୋଷ ମୁଖ୍ୟଅତିଥି ଓ ଡେପୁଟି କମାଣ୍ଡାଣ୍ଟ ଧନ୍ନରାମ ଯାଦବ, ସୁନାବେଡା ସରପଞ୍ଚ ରଜନୀ ଜଗତ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ମାଓବାଦୀ ପ୍ରବଣ ଅଞ୍ଚଳରେ ମହିଳାମାନେ କିପରି ସ୍ବାବଲମ୍ବୀ ହୋଇ ରୋଜଗାରକ୍ଷମ ହେବେ ସେଥିପାଇଁ ୨୧୬ ବାଟାଲିୟନ ପକ୍ଷରୁ ବିଭିନ୍ନ ସ୍ବୟଂ ସହାୟକ ମହିଳା ଗୋଷ୍ଠୀଙ୍କୁ ମହୁମାଛି ପାଳନ ପାଇଁ ବାକ୍ସ, ମହମବତୀ ତିଆରି ଯନ୍ତ୍ର ପ୍ରଦାନ କରାଯାଇଥିଲା। ଏଥିପାଇଁ ସ୍ବତନ୍ତ୍ର ତାଲିମ ବ୍ୟବସ୍ଥା କରାଯିବ ବୋଲି କମାଣ୍ଡାଣ୍ଟ ଯୋଷ ସୂଚନା ଦେଇଛନ୍ତି। ଅଭୟାରଣ୍ୟ ଅନ୍ତର୍ଗତ ଭାଓସିଲ ଗାଁରେ ଏହି କାର୍ଯ୍ୟକ୍ରମ ହୋଇଥିବା ବେଳେ ଅତିଥି ଭାବରେ ସିଆର୍ପିଏଫ୍ ଡାକ୍ତର ଏମ୍ ସୁପ୍ରିୟା, ଡେପୁଟି କମାଣ୍ଡାଣ୍ଟ ମୁକେଶ ଉପସ୍ଥିତ ଥିଲେ।
