Posted inଖେଳ

ପ୍ଲେ ଅଫ୍‌ରେ ଆରସିବି

ବେଙ୍ଗାଲୁରୁ,୧୮ା୫: ଇଣ୍ଡିଆନ୍‌ ପ୍ରିମିୟର ଲିଗ୍‌ରେ ଚେନ୍ନାଇ ସୁପର କିଙ୍ଗ୍ସ ବିପକ୍ଷ ମ୍ୟାଚକୁ ୨୭ ରନ୍‌ରେ ଜିତି ନାଟକୀୟ ଢଙ୍ଗରେ ପ୍ଲେ ଅଫ୍‌ରେ ପ୍ରବେଶ କରିଛି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ(ଆରସିବି)। ଟସ୍‌ ହାରି ବ୍ୟାଟିଂ କରିଥିବା ଆରସିବ ଅଧିନାୟକ ଫାଫ୍‌ ଡୁ ପ୍ଲେସିଙ୍କ ଅର୍ଦ୍ଧଶତକ ବଳରେ ଦଳ ୨୦ ଓଭରରେ ୫ ଉଇକେଟରେ ୨୧୮ ରନ୍‌ କରିଥିଲା। ୧୮ ରନ୍‌ରେ ବିଜୟ ତଥା ୧୮ ଓଭର ମଧ୍ୟରେ ରନ୍‌ରେ ପିଛା କରି ଜିତିବାର ଚାପ ଆରସିବି ଉପରେ ରହିଥିଲେ ମଧ୍ୟ ଏହାର ବୋଲର ମାନେ ଚମତ୍କାର ବୋଲିଂ କରି ଚେନ୍ନାଇକୁ ୧୯୧/୭ରେ ସୀମିତ ରଖିଥିଲେ। ପ୍ରଥମ ୮ ମ୍ୟାଚ୍‌ରୁ ମାତ୍ର ଗୋଟିଏ ବିଜୟ ହାସଲ କରିଥିବା ଆରସିବି ଏହାର ଅନ୍ତିମ ୬ ମ୍ୟାଚ୍‌ ଜିତି ପ୍ଲେ ଅଫ୍‌ରେ ସ୍ଥାନ ସୁରକ୍ଷିତ କରି ନେଇଛି। ଫାଫଙ୍କ ଅର୍ଦ୍ଧଶତକ ସହ ପଟିଦାର ଓ ଗ୍ରୀନଙ୍କ ଉପଯୋଗୀ ବ୍ୟାଟିଂ ଓ ଅନ୍ତିମ ଓଭରରେ ୟଶ ଦୟାଲଙ୍କ ଘାତକ ବୋଲିଂ ବଳରେ ଅସମ୍ଭବକୁ ସମ୍ଭବ କରି ଦେଖାଇଛି ଆରସିବି।

ଆରସିବି ପକ୍ଷରୁ ବିରାଟ କୋହଲି (୪୭) ଓ ଫାଫ୍‌ ଡୁ ପ୍ଲେସି(୫୪) ପ୍ରଥମ ଉଇକେଟରେ ୯.୪ ଓଭର ବ୍ୟାଟିଂ କରି ୭୮ ରନ୍‌ ଯୋଡିଥିଲେ। କୋହଲି ପ୍ରଥମ ଓଭରରୁ ହିଁ ଆକ୍ରମଣାତ୍ମକ ଆଭିମୁଖ୍ୟ ଜାରି ରଖି ବ୍ୟାଟିଂ କରିଥିଲେ। ତେବେ ଫାଫ୍‌ ପ୍ରଥମରୁ ଧୀମା ବ୍ୟାଟିଂ କରିଥିଲେ। ତୃତୀୟ ଓଭର ଖେଳ ଶେଷ ହେବା ବେଳକୁ ବର୍ଷା କାରଣରୁ ପ୍ରାୟ ୩୦ ମିନିଟର ଖେଳ ପ୍ରଭାବିତ ହୋଇଥିଲା। ବର୍ଷା ପରେ କିନ୍ତୁ ଚେନ୍ନାଇ ବୋଲର ଲୟରେ ନଜର ଆସିଥିଲେ। ପ୍ରଥମ ୩ ଓଭରରେ ୩୧ ରନ୍‌ କରିଥିବା ଆରସିବି ପାଓ୍ବାର ପ୍ଲେ ଶେଷ ହେବା ସୁଦ୍ଧା ମାତ୍ର ୪୨ ରନ୍‌ କରିଥିଲା। ବର୍ଷା ପରେ ମିଚେଲ ସାଣ୍ଟନର ଓ ମହୀଷ ଥିକ୍‌ସାନା କଞ୍ଜୁସ ବୋଲିଂ କରିଥିଲେ। ତେବେ ବିରାଟ କୋହଲି କିଛି ଚମତ୍କାର ଶଟ୍‌ ସହ ରନ୍‌ ଗତି ବଢାଇଥିଲେ। ମାତ୍ର ୧୦ମ ଓଭରରେ ମିଚେଲ ସାଣ୍ଟନରଙ୍କ ବଲ୍‌ରେ ଆଉଟ ହୋଇଥିଲେ କୋହଲି। ୨୯ ବଲ୍‌ ଖେଳି ସେ ୩ ଚୌକା ଓ ୪ ଛକା ମାରିଥିଲେ। କୋହଲି ଆଉଟ ହେବା ପରେ ଫାଫ୍‌ ଓ ରଜତ ପଟିଦାର(୪୧)ଙ୍କ ମଧ୍ୟରେ ୩୫ ରନ୍‌ର ପାର୍ଟନରଶିପ ହୋଇଥିଲା। ଫାଫ୍‌ ୩୯ ବଲ୍‌ ଖେଳି ୩ଟି ଲେଖାଏ ଛକା ଓ ଚୌକା ସହ ୫୪ ରନ୍‌ କରିଥିବା ବେଳେ ଦୁର୍ଭାଗ୍ୟଜନକ ରନ୍‌ଆଉଟ ହୋଇଥିଲେ। ରଜତ ପଟିଦାରଙ୍କ ଷ୍ଟ୍ରେଟ୍‌ ଡ୍ରାଇଭ ସାଣ୍ଟନରଙ୍କ ହାତରେ ବାଜି ଷ୍ଟମ୍ପରେ ବାଜିଥିଲା। ବ୍ୟାଟିଂ ପଦୋନ୍ନତି ପାଇ କାମେରନ୍‌ ଗ୍ରୀନ୍‌ ଚମତ୍କାର ବ୍ୟାଟିଂ କରି ୩୮ ରନ୍‌ କରି ଶେଷ ଯାଏ ଅପରାଜିତ ରହିଥିଲେ। ତୃତୀୟ ଉଇକେଟରେ ୭୧ ରନ୍‌ ଯୋଡିବା ପରେ ୪୧ ରନ୍‌ କରି ପ୍ୟାଭିଲିୟନ ଫେରିଥିଲେ ସେ ୨୩ ବଲ୍‌ ଖେଳି ୨ ଚୌକା ଓ ୪ ଛକା ମାରିଥିଲେ। ଅନ୍ୟ ପକ୍ଷରେ ଗ୍ରୀନ୍‌ ୧୭ ବଲ୍‌ ଖେଳି ୩ଟି ଲେଖାଏ ଛକା ଓ ଚୌକା ସହ ୩୮ ରନ୍‌ କରିଥିଲେ। ଶେଷ ଭାଗରେ ଦୀନେଶ କାର୍ତ୍ତିକ ୬ ବଲ୍‌ରୁ ୧୪ ଓ ମ୍ୟାକ୍ସଓ୍ବେଲ ୫ ବଲ୍‌ରୁ ୧୬ ରନ୍‌ କରିବାରୁ ଆରସିବି ୨୧୮ ରନ୍‌ରେ ପହଞ୍ଚିଥିଲା। ଚେନ୍ନାଇ ପକ୍ଷରୁ ଶାର୍ଦ୍ଦୂଳ ଠାକୁର ୨, ମିଚେଲ ସାଣ୍ଟନର ଓ ତୁଷାର ଦେଶପାଣ୍ଡେ ଗୋଟିଏ ଲେଖାଏ ଉଇକେଟ ନେଇଥିଲେ। ଚେନ୍ନାଇ ପକ୍ଷରୁ ସାଣ୍ଟନର ଓ ମହୀଷ ଥିକ୍‌ସାନା ମିତବ୍ୟୟୀ ବୋଲିଂ କରି ଯଥାକ୍ରମେ ୨୩ ଓ ୨୫ ରନ୍‌ ଦେଇଥିଲେ।

୨୧୯ ରନ୍‌ ଲକ୍ଷ୍ୟର ପିଛା କରୁଥିବା ଚେନ୍ନାଇକୁ ପ୍ଲେ ଅଫ୍‌ରେ ସ୍ଥାନ ସୁରକ୍ଷିତ କରିବା ପାଇଁ ୨୦୨ ରନ୍‌ ଆବଶ୍ୟକ ଥିଲା। ତେବେ ଦଳ ପ୍ରଥମ ବଲ୍‌ରେ ଅଧିନାୟକ ଋତୁରାଜ ଗାଏକ୍ୱାଡଙ୍କ ଉଇକେଟ ହରାଇଥିଲା। ଡାରିଲ୍‌ ମିଚେଲ୍‌ ମଧ୍ୟ ମାତ୍ର ୪ ରନ୍‌ କରି ୟଶ ଦୟାଲଙ୍କ ବଲ୍‌ରେ ଆଉଟ ହୋଇଥିଲେ। ରାଚିନ୍‌ ରବୀନ୍ଦ୍ର(୬୧) ଓ ଅଜିଙ୍କ୍ୟ ରାହାନେ(୩୩) ତୃତୀୟ ଉଇକେଟରେ ୬୬ ରନ୍‌ ଯୋଡିଥିଲେ। ତେବେ ରାହାନେ ଆଉଟ ହେବା ପରେ ଚେନ୍ନାଇ ଇନିଂସ ଦିଗହରା ହୋଇ ଯାଇଥିଲା। ଭୁଲ ବୁଝାମଣା କାରଣରୁ ରବୀନ୍ଦ୍ର ରନ୍‌ ଆଉଟ ହୋଇଥିବା ବେଳେ ଦୁବେ ୧୫ ବଲ୍‌ରୁ ୭ ରନ୍‌ କରି ପ୍ୟାଭିଲିୟନ ଫେରିଥିଲେ। ରବୀନ୍ଦ୍ର ୩୭ ବଲ୍‌ ଖେଳି ୫ ଚୌକା ଓ ୩ ଛକା ମାରଥିଲେ। ଶେଷ ଭାଗରେ ରବୀନ୍ଦ୍ର ଜାଡେଜା ୪୨* ଓ ମହେନ୍ଦ୍ର ସିଂ ଧୋନୀ ୨୫ ରନ୍‌ କରିଥିଲେ ମଧ୍ୟ ଚେନ୍ନାଇକୁ ପ୍ଲେ ଅଫ୍‌କୁ ନେଇ ପାରି ନ ଥିଲେ। ଜାଡେଜା ୨୨ ବଲ୍‌ ଖେଳି ୩ଟି ଲେଖାଏ ଛକା ଓ ଚୌକା ମାରିଥିଲେ। ଅନ୍ତିମ ଓଭରରେ ପ୍ଲେ ଅଫ୍‌ ପ୍ରବେଶ ପାଇଁ ୧୭ ରନ୍‌ ଆବଶ୍ୟକ ଥିଲା। ଧୋନୀ ପ୍ରଥମ ବଲ୍‌ରେ ଛକା ମାରିଥିବା ବେଳେ ପରବର୍ତ୍ତୀ ବଲ୍‌ରେ ଆଉଟ ହୋଇଥିଲେ। ପରବର୍ତ୍ତୀ ବଲ୍‌ରେ ଶାର୍ଦ୍ଦୂଳ ଠାକୁର କୌଣସି ରନ୍‌ ନେଇ ପାରି ନ ଥିଲେ। ଚତୁର୍ଥ ବଲ୍‌ରୁ ୧ ରନ୍‌ ଆସିଥିବା ବେଳେ ଅନ୍ତିମ ୨ ବଲ୍‌ ଡଟ୍‌ ରହିଥିଲା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପୁଣି ଆୟୋଜିତ ହେବ ହକି ଇଣ୍ଡିଆ ଲିଗ୍‌: ପଞ୍ଜୀକରଣ ପ୍ରକ୍ରିୟା ଆରମ୍ଭ

ନୂଆଦିଲ୍ଲୀ, ୧୪ା୬: ଦୀର୍ଘ ୮ ବର୍ଷ ପରେ ଆୟୋଜିତ ହେବାକୁ ଯାଉଛି ହକି ଇଣ୍ଡିଆ ଲିଗ୍‌(ଏଚ୍‌ଆଇଏଲ୍‌)। ଏଥିରେ ୮ ପୁରୁଷ ଓ ୬ ମହିଳା ଦଳ...

ଟି-୨୦ ବିଶ୍ୱକପ୍‌ ଅଧାରୁ ଭାରତ ଫେରିବେ ୨ ଖେଳାଳି

ଫ୍ଲୋରିଡା,୧୪।୬: ଜୁନ ୧୪ରେ ଫ୍ଲୋରିଡା ଠାରେ ଅନୁଷ୍ଠିତ ହେବାକୁ ଥିବା ଭାରତୀୟ ଦଳର ଅଭ୍ୟାସ ଅଧିବେଶନ ବର୍ଷା ଯୋଗୁ ବାତିଲ ହୋଇଛି। ଟିମ ଇଣ୍ଡିଆ ଶନିବାର...

ଟିଏମସି ଏମପି ୟୁସୁଫ ପଠାନଙ୍କୁ ଝଟ୍‌କା

ଭଦୋଦରା,୧୪।୬: ଗୁଜରାଟରେ ଭାଜପା ଶାସିତ ଭଦୋଦରା ମ୍ୟୁନିସିପାଲ କର୍ପୋରେସନ (ଭିଏମସି) ପୂର୍ବତନ ଭାରତୀୟ କ୍ରିକେଟର ତଥା ଟିଏମସି ଏମପି ୟୁସୁଫ ପଠାନଙ୍କ ସମସ୍ୟାକୁ ବଢାଇ ଦେଇଛି।...

ଟି୨୦ ବିଶ୍ୱକପ: ସୁପର୍ ୮ରେ ଆଫଗାନିସ୍ତାନ, ନ୍ୟୁଜିଲାଣ୍ଡ ଟୁର୍ନାମେଣ୍ଟରୁ ବିଦା

ନୂଆଦିଲ୍ଲୀ,୧୪ା୬: ଆଫଗାନିସ୍ତାନ ପପୁଆ ନ୍ୟୁ ଗିନିକୁ ପରାସ୍ତ କରି ଟି -୨୦ ବିଶ୍ୱକପ ୨୦୨୪ ର ସୁପର୍ ୮ରେ ପହଞ୍ଚିଥିଲା ବେଳେ ନ୍ୟୁଜିଲ୍ୟାଣ୍ଡକୁ ଟୁର୍ନାମେଣ୍ଟରୁ ବିଦା...

ଟି-୨୦ ବିଶ୍ୱକପ୍‌ରେ ଶ୍ରୀଲଙ୍କାର ସ୍ବପ୍ନ ଭାଙ୍ଗିଲା

ନୂଆଦିଲ୍ଲୀ,୧୪।୬: ଟି -୨୦ ବିଶ୍ୱକପ ୨୦୨୪ର ୨୭ତମ ମ୍ୟାଚରେ ବାଂଲାଦେଶ ନେଦରଲାଣ୍ଡକୁ ପରାସ୍ତ କରିଛି। ବାଂଲାଦେଶର ବିଜୟ ଯୋଗୁ ଶ୍ରୀଲଙ୍କାକୁ କ୍ଷତି ସହିବାକୁ ପଡ଼ିଛି। ଶ୍ରୀଲଙ୍କା...

ହାଇସ୍କୁଲରୁ ହଟିବ ୫ଟି ଚାର୍ଟର୍‌

ଭୁବନେଶ୍ୱର,୧୩।୬: ରୂପାନ୍ତରିତ ହାଇସ୍କୁଲଗୁଡ଼ିକରୁ ହଟିବ ୫ଟି ଚାର୍ଟର୍‌। ଏନେଇ ରାଜ୍ୟ ସରକାରଙ୍କ ସୂଚନା ଓ ଲୋକ ସମ୍ପର୍କ ବିଭାଗ ପ୍ରିନ୍ସପାଲ ସେକ୍ରେଟାରୀଙ୍କ ଏକ ନିର୍ଦ୍ଦେଶ କ୍ରମେ...

ଦିପାବଳୀ ହେଉ ବା ହୋଲି ‘ଅନୁଷ୍କା ଲଭସ୍‌ କୋହଲି’

ନୂଆଦିଲ୍ଲୀ,୧୩।୬: ଭାରତ ଟି -୨୦ ବିଶ୍ୱକପ ୨୦୨୪ ରେ ୭ ଟି ୱିକେଟରେ ଆମେରିକାକୁ ପରାସ୍ତ କରିଛି। ଏହା ସହିତ ଟିମ ଇଣ୍ଡିଆ ଟି -୨୦ବିଶ୍ୱକପ...

ବିଜୟ ସହ ଓଡ଼ିଶା ମହିଳା, ପୁରୁଷ ଦଳର ଅଭିଯାନ

ଭୁବନେଶ୍ୱର, ୧୨।୬ (ତପନ ସ୍ବାଇଁ): ଜାତୀୟ ସିନିୟର ପେନ୍‌ଚାକ ସିଲାଟ ଚାମ୍ପିୟନଶିପ୍‌ (ମହିଳା ଓ ପୁରୁଷ)ର ଦ୍ୱାଦଶ ସଂସ୍କରଣ ମଙ୍ଗଳବାର କିଟ୍‌ ବିଶ୍ୱବିଦ୍ୟାଳୟର ବିଜୁ ପଟ୍ଟନାୟକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri