ଲିଡ୍ସ,୨୬।୮: ଶେଷରେ ପ୍ୟାଭିଲିୟନ ଫେରିଛନ୍ତି ଇଂଲଣ୍ଡ ଅଧିନାୟକ ଜୋ ରୁଟ୍। ଆଉଟ୍ ହେବା ପୂର୍ବରୁ ସେ ୧୨୧ ରନ୍ର ଶତକୀୟ ପାଳି ଖେଳିଥିଲେ। ମୋଟ ୧୬୫ ବଲ ଖେଳିଥିବା ରୁଟ୍ଙ୍କ ଇନିଂସରେ ଥିଲା ୧୪ଟି ଦର୍ଶନୀୟ ଚୌକା। କ୍ୟାରିୟରର ଶ୍ରେଷ୍ଠ ଫର୍ମରେ ଥିବା ରୁଟ୍ଙ୍କ ଲାଗି ଲଗାତାର ତୃତୀୟ ଶତକ। ଏହା ତାଙ୍କ କ୍ୟାରିୟରର ୨୩ତମ ଟେଷ୍ଟ ଶତକ। ୧୧୭.୨ ଓଭରରେ ରୁଟ୍ଙ୍କୁ କ୍ଲିନ ବୋଲ୍ଡ କରିଥିଲେ ଯଶପ୍ରୀତ ବୁମରା। ଏହାର ପର ଓଭରରେ ମୋଇନ ଅଲି (୮) ଆଉଟ୍ ହେବାରୁ ବର୍ତ୍ତମାନ ସୁଦ୍ଧା ଇଂଲଣ୍ଡ ୭ ଉଇକେଟ ହରାଇ ୪୦୨ ରନ୍ କରିଛି।
ଭାରତୀୟ ପକ୍ଷରୁ ମହମ୍ମଦ ଶାମି ୩ ଓ ରବୀନ୍ଦ୍ର ଜାଡେଜା ୨ ଉଇକେଟ ନେଇଥିଲେ। ପୂର୍ବରୁ ଭାରତ ତା’ର ପ୍ରଥମ ଇନିଂସରେ ମାତ୍ର ୭୮ ରନରେ ଅଲଆଉଟ୍ ହୋଇଥିଲା।
